වසර 150ක ශ්‍රී ලංකා පොලිස් ඉතිහාසයේ පළමු වරට නිලධාරිනියෝ අට දෙනෙක් ජ්‍යෙෂ්ඨ පොලිස් අධිකාරී තනතුරට උසස් වීම් ලැබ සිටිති.

ජ්‍යෙෂ්ඨ පොලිස් අධිකාරී තනතුරට පැවැතියේ එක් පුරප්පාඩුවක් වුවත් එම තනතුරට පොලිස් නිලධාරිනියන් අට දෙනකු පත් කිරීමට ජාතික පොලිස් කොමිෂන් සභාවේ අනුමැතිය හිමි ව තිබේ.

ජ්‍යෙෂ්ඨ පොලිස් අධිකාරී තනතුරකට සහ නියෝජ්‍ය පොලිස්පති තනතුරු දෙකකට නිලධාරිනියන් පත් කිරීම සඳහා ජාතික පොලිස් කොමිෂන් සභාවේ සහාය ඇතිව පොලිස් දෙපාර්තමේන්තුව මුදල් අමාත්‍යාංශයේ කළමනාකරණ සේවා දෙපාර්තමේන්තුවේ අවසරය ඉල්ලා තිබිණි. ශ්‍රී ලංකා පොලිස් ඉතිහාසයේ මෙතෙක් එවැනි තනතුරු නොතිබිණි.

 2016 වසර අවසන් වනතුරුත් 85,000කින් සමන්විත ශ්‍රී ලංකා කාන්තා පොලිස් බළකායේ දෙවැනි ශ්‍රේණියේ පොලිස් අධිකාරී තනතුරට කාන්තාවන් පත් කිරීම සඳහා ඉඩ තිබුණේ අවස්ථා දෙකකට පමණි. කාන්තා සහකාර පොලිස් අධිකාරී තනතුරු සඳහා 15 දෙනකුට පුරප්පාඩු තිබූ අතර එය 16ක් දක්වා වැඩි කරන ලදි.

 ඒ අනුව තිළිණා ජයවර්ධන, නිෂානි සෙනෙවිරත්න, රේණුකා ජයසුන්දර, පද්මිණි වීරසූරිය, දර්ශිකා කුමාරි සහ ධීමති පෙරියප්පෙරුම යන නිලධාරිනියන් 2018 ජනවාරි 1 වැනිදා සිට බලපැවැත්වෙන පරිදි සහ ඉමාෂා මුතුමාල සහ මදාරා ආරියසේන යන නිලධාරිනියන් 2018 මාර්තු 11 වැනිදා සිට බල පැවැත්වෙන පරිදි ජ්‍යෙෂ්ඨ පොලිස් අධිකාරී තනතුරටවලට උසස් කරනු ලැබ සිටිති.

නාමිනි විජේදාස (සන්ඬේ ටයිම්ස්)
055