(සනත් ගමගේ)

තංගල්ල ආසනයට ධීවර ඇමැතිධූර තුනක් තිබීම ගැටළුවක් වි ඇත්නම්  ධීවර කැබිනට් ඇමැතිධූරයේ වෙනසක් කිරීමට තමා කටයුතු කරන බව ජනාධිපති මෛත්‍රීපාල සිරිසේන මහතා පවසයි.

“ධිවර කැබිනට් ඇමැති ධූරය මහින්ද අමරවීර මහතාටත්, එහි රාජ්‍ය ඇමැති ධූරය දිලිප් වෙද ආරච්චි මහතාටත්, දකුණු පළාත් ධීවර ඇමැති ධූරය එච් .ඩබ්. ගුණසේන මහතාටත් හිමිව තිබෙන බව මම අද දැනගත්තා. මේ තුන් දෙනාම තංගල්ල ආසනයේ ම නියෝජනය කරන හෙයින් ධිවර කැබිනට් ධූරයේ වෙනසක් කරන්න සුදුසුයි කියා මා කල්පනා කරනවා. “යැයි ජනපතිවරයා කියයි.

ඒ නිසා රටට  වැඩක් කළ හැකි, විශේෂයෙන්  හම්බන්තොට දිස්ත්‍රික්කයේ සංවර්ධනයට උපරිම සේවයක් ඉටු කළහැකි, අමාත්‍යංශයක් අමරවීර මහතාට ලබා දීමට පියවර ගන්නා බව ජනාධිපතිවරයා පවසයි.

ජනාධිපතිවරයා මේ බව පැවසුවේ මාගම් රුහුණුපුර ජාත්‍යයන්තර සම්මන්ත්‍රණ ශාලාවේ දී අද(16) පැවැති උත්සවයකදී ය.