දැරියට පහර දුන් ලොකු අම්මා පොලිස් බාරයට

( ප්‍රියානි මංගලිකා )

මව් සෙනෙහස අහිමි වයස අවුරුදු හතරයි මාස නවයක් වයසැති දැරියකට ඇගේ ලොකු අම්මා විසින් අමානුෂික ලෙස පහර දී වදහිංසා සිදුකර තිබියදී, ලැබුණු තොරතුරක් මත දැරිය පොලිස් බාරයට ගෙන සැකකාර ලොකු අම්මා අද (17 ) දා අත්අඩංගුවට ගත් බව නිකවැරටිය පොලිසිය පවසයි.

ලද තොරතුරකට අනුව දැරිය පොලිස්බාරයට ගන්නා අවස්ථාවේ පොල්ලකින් පහර දීමකින් සිදු වූ තුවාලද ,පිලිස්සීම් හා සපා කෑම් තුවාලද සිරුරේ තිබු බවද දැරිය වෛද්‍ය ප්‍රතිකාර සඳහා නිකවැරටිය රෝහලට ඇතුළත් කළ බවද පොලීසිය සඳහන් කරයි

දැරියගේ මව ඇය කුඩා කාලයේදීම මියගොස් ඇති අතර , පියා වෙනත් විවාහයක් කර ගැනීමෙන් පසුව දැරිය පරිවාස භාරයේ සිටියදී ,ඇගේ ලොකු අම්මා කෙනෙකු විසින් දැරිය භාර ගෙන ඇති බවට තොරතුරු අනාවරණය වී ඇති බවද පොලීසිය සඳහන් කරයි .

දැරිය පෙරපාසැල්ද නොයවමින්,නිසි ලෙස ආහාර පානාදිය පවා ලබා නොදෙමින් සැකකාර ලොකු අම්මා විසින් දැරියට කලක සිට වදහිංසා සිදුකර ඇති බවට පරීක්ෂණ වලදී අනාවරණය වී ඇති බවද, නිකවැරටිය, හැවැන්පැලැස්ස ප්‍රදේශයේ පදිංචි තිදරු මවක් වන එම සැකකාර කත අද 17දා නිකවැරටිය අධිකරණයට ඉදිරිපත් කිරීමට නියමිත බවද පොලීසිය වැඩිදුරටත් සඳහන් කරයි .

අදහස් (13)

දැරියට පහර දුන් ලොකු අම්මා පොලිස් බාරයට

Akila Thursday, 17 September 2020 07:13 AM

දැරියගේ පියා දන්නේ නැද්ද ළමයා බලාගන්න.

: 0 112

janabala asamagi Thursday, 17 September 2020 09:36 AM

පියා වෙනින් දැරියක් බලාගන්න ගිහින් නොව.., ඉතින් මොකද කරන්නේ?

: 3 64

lalaniThursday, 17 September 2020 10:44 PM

තමන්ගේම දරුවන්ට අමානුෂික ලෙස පහරදෙන, බනින, වද දෙන, සාපකරන අම්මාද කොළඹ අවටම ඇත. වැදගත් රැකියාවල් කරමින් තමන්ගේම සැමියා සමග ඇති ආරවුල් වලින් තමන් ජයගැනීමට සිතා සිඟිති දියණියට පොලිස් පැමිණිලි දමන අම්මලාද ඇත. දරුවන් ගැන සොයන ආයතන සොයා බලන්න. සැමියාගෙන් හෝ බිරිඳගෙන් පළිගැනීමේ චේතනාවෙන් දික්කසාදය නොදී පොලිසියමින්, නඩු කියමින් සිටින, නමුත් දික්කසාදය නොදි්‍ දරුවන්ව හිඟන්නාගේ තුවාලය සේ තබාගන්නා නමට දෙමව්පියන්ද ඇත. දිගින් දිගටම ආරවුල් ඇති පවුල්වල දෙමව්පියන් උදේ සවස පොලිසි, උසාවි නොයා ඉක්මණින් වෙන්වීමට හැකි වාතාවරණයක් හැදිය යුතුයි. අද අපේ රටේ වී ඇත්තේ දික්කසාද ගන්න.. කණ කැස්බැවා වියසිදුරෙන් අහස බලනවා වගේ කරලා නිසා දරුවන් අදාළ දේපල නෑදෑයින් මහළු දෙමව්පියන් සියල්ලම වසර ගණනාවක් නොවිඳිනා දුක් විඳලා අන්තිමට දික්කසාද වෙලා අවසන් වීමයි. එවිට ඒ සැමගේ ජීවිතවල වටිනාකාලය පොලිසිවලට, උසාවිවලට ගෙවී අවසන්. මෙය නතර කිරිමට නීති සම්පාදකයින් වගබලා ගන්න..

: 0 0

විජේ Thursday, 17 September 2020 07:27 AM

ජීවිතේ අපායක්, අහිංසක කිරිසප්පයො දුක් විදීම කොහොම ඉවසන්නද. මේ දරුවගෙ අනාගතේට මොනවනං වෙයිද. දැන්වත් තාත්තගෙ ඇස් ඇරුනොත්.......

: 0 145

Raveendra Thursday, 17 September 2020 08:24 AM

අනේ මෙහෙමත් කාලකන්ණි ගැණු නොදකින්... රත්තරං දූ පැටියෙකුට මෙලෙස දඬුවම් කරන්න තරමට සිත් පිත් දූෂ්‍ය වෙලා නොවේද..? අම්මා නැති කළ අප්පා ගැන කුමන කතාද කිව්වා සේ අම්මා නැතිකළ ලොකු අම්මා යක්ෂණියක්ය යන්න නිවැරදියි.

: 0 570

Gayan Thursday, 17 September 2020 09:26 AM

මේ වගේ අයට නම් පණුවො ගහන්න ඕනේ...

: 0 124

Asanka Thursday, 17 September 2020 10:03 AM

කුඩා කාලේ සිටම දුක් වින්ද මේ දරුවා ලොකු වෙද්දී අනිවාර්යයෙන් සමාජය කෙරෙහි වෛරයක් ඇතිකර ගන්නවා. කරුණාකරලා හැකි කෙනෙක් ඉන්නවා නම් මේ අහිංසක දරුවාව දරුකමට හදාගන්න අවසර ගන්න. පරිවාසෙ දැම්මත් ඔය දරුවාට හොඳ අනාගතයක් ලැබෙන්නේ නැහැ.

: 0 48

RaveendraThursday, 17 September 2020 12:09 PM

ඇත්තෙන්ම ඔබගේ අදහස් ඉතාමත්ම නිවැරදිය.

: 0 32

දිමුත් Thursday, 17 September 2020 10:51 AM

නොදකින් මේ වගේ ගෑණු!

: 0 38

sugathThursday, 17 September 2020 01:27 PM

වැඩේ කියන්නේ මේ අය දකින්ට ඉන්න එකනේ...

: 0 33

Upul Thursday, 17 September 2020 01:13 PM

ඔබ, මම ඇතුළු සියලු ලෝක සත්වයෝම ස්වභාව ධර්මයේ අතුරුඵල... ඉන් එහාට මිනිස්සුන්ට ඇත්තටම ආදරය කරන දවසක් එයිද? අනිකා කළ නොකළ දේ ගැන නොසිතා තමුන් වැඩදායක පුද්ගලයෙකු වන්න... ඒකයි මගේ කාරුණික ඉල්ලීම...

: 0 14

Pradeep Thursday, 17 September 2020 03:09 PM

අම්මා නැති කලට අප්පා කවර පලේ කියලා කියන්නේ නිකමට නෙමෙයි

: 0 35

kapila Thursday, 17 September 2020 05:18 PM

මොකද බන් මේ රටේ මිනිසුන්ට වෙලා තියෙන්නේ? මේවා ධර්මද්වීපයකින් ඇසෙන පුවත්ද?

: 0 1