(බන්දු තඹවිට)
තවුහිද් ජමාත් සංවිධානයට සම්බන්ධ සමාජ සේවා දෙපාර්තමේන්තුවේ සමාජ සුබසාධන නිලධාරියෙකු සහ එම සංවිධානයට බැදී ආගම වැළඳගත් ද්රවිඩ ජාතිකයන් දෙදෙනෙකු වැලිපැන්න ප්රදේශයේදී වැලිපැන්න පොලිසිය අත්අඩංගුවට ගෙන ඇත.
පොලිස් විශේෂ බුද්ධි කාර්යාංශයේ සැරයන්වරයකුට ලැබුණු තොරතුරක් මත වැලිපැන්න මුස්ලිම් පාරෙන් සහ වැලිපැන්න පරවල කිතුල්ගහමුල්ල දෙනිය ප්රදේශයෙන් මෙම අත්අඩංගුවට ගැනීම් සිදුකර ඇත.
සමාජ සේවා දෙපාර්තමේන්තුවේ සමාජ සුබසාධන නිලධාරියෙකු ලෙස කටයුතු කරන මොහොමඩ් ශාෆීර් සිෆාද් (45) නමැති අය ත්රිකුණාමලේ කින්නියා ප්රදේශයෙන් වැලිපැන්න ප්රදේශයට පැමිණ පාසල් ගුරුවරියක සමග විවාහ වී වැලිපැන්න මුස්ලිම් පාරේ පදිංචිවී සිටි අතර කොළඹ විශ්ව විද්යාලයේ උපාධිධාරියෙකු වන ඔහු දේශපාලන විද්යාව සහ මනෝ විද්යාව පිළිබඳව විශේෂ උපාධිධාරියෙකි.
ඔහු තවුහිද් ජමාත් සංවිධානයේ සාමාජිකත්වය දරමින් එම සංවිධානයට සම්බන්ධ විදේශ සංවිධාන දෙකකින් මුදල් මෙරටට ගෙන්වාගෙන මුලධර්මවාදය උගන්වන දහම් පාසල් දෙකක් ඉදිකර එහි සභාපති ලෙස කටයුතු කර ඇති බවද මුලික පොලිස් පරීක්ෂණයෙදී හෙළිවී ඇත.
තවුහිද් ජමාත් සංවිධානයට සම්බන්ධවී මුස්ලිම් ආගම වැළඳගත් ද්රවිඩ ජාතිකයෙකුව සිටි මාරිමුත්තු සෙල්වරාජා නොහොත් මොහොමඩ් ශිරාස් (55) නමැති අය වැලිපැන්න අරියවංශගම ප්රදේශයේ තවුහිද් ජමාත් සංවිධානයට අයත් නිවාස ව්යාපෘතියකට අයත් නිවසක සිටියදී එම සංවිධානයට සම්බන්ධ වූවන්ගේ නම් 20 ක් අඩංගු ලේඛනයක් ද සමහ අත්අඩංගුවට ගෙන ඇති අතර ඔහු වසර 14 ක් පමණ කාලයක් සවුදි අරාබියේ රැකියාවක නිරතවී මෙරටට පැමිණ ඇති අතර ඔහු සවුදි අරාබියේ සිටින කාලයේ සිටම තවුහිද් ජමාත් සංවිධානයට සම්බන්ධව කටයුතු කර ඇතිබව හෙළිවී ඇත.
ඔහු සමහ එම සංවිධානයට බැඳුනු සුප්පයියා ප්රේමකාන්තන් හෙවත් මොහොමඩ් අමීර් නමැති 37 හැවිරිදි අයෙකුද එම සංවිධානයේ නාමලේඛන සකස් කරමින් සිටියදී අත්අඩංගුවට ගෙන ඇත.
මොවුන් පදිංචිවී සිටින නිවාස ව්යාපෘතිය තවුහිද් ජමාත් සංවිධානයට සම්බන්ධවන අයට නිවාස තනාදීමට මිලදී ගෙන ඇති අතර මේ වන විට අක්කර 3 1/2 ක එම ඉඩමේ එහි නිවාස 60 ක් පමණ ඉදිකර ඇති බවද එම සංවිධානයට බැඳෙන ද්රවිඩ ජාතිකයන්ට එම නිවාස ලබාදී ඇති බවද හෙළිවී ඇත.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
තවුහිද් ජමාද් සංවිධානයට සම්බන්ධ තවත් 3 ක් අත්අඩංගුවට
sharm Sunday, 28 April 2019 04:35 AM
නම් ලැයිස්තු සමඟ.. වැඩේ තවත් ලේසියි. දෙවියන් වහන්සේට විරුද්ධව මිනිස්සු යම් යම් දේවල් කරලා හිතනවා තමන් දෙවියන්ට වඩා බලවත් කියලා. නමුත් මිනිහෙක් කියන්නේ කොයි තරම් දුර්වල සත්වයෙක්ද කියලා දෙවියන් වහන්සේ හෙමින් සැරේ පෙන්වලා දෙනවා... අපි හැමදේම එතුමන්ගේ තීන්දුවට යටත් කරලා යැදුම් කරන්නේ ඒ නිසා තමයි...
AmarabanduSunday, 28 April 2019 05:41 AM
දෙවියන් ලොකු කෙනෙක් නම් අයි මේ තරම් ප්රශ්න ඔබලාට ?
Ajith Sunday, 28 April 2019 05:23 AM
ඉඩම් අරගෙන ගෙවලුත් හදල දීල මෙච්චර දේවල් කරනකන් ආණ්ඩුව නිදා ගත්තද?