2025 ජුලි මස 11 වන සිකුරාදා
2025 ජුලි මස 11 වන සිකුරාදා
විනීතා එම් ගමගේ
අන්තවාදී කොටස් විසින් ත‍්‍රිකුණාමල හා මුලතිව් දිස්ත‍්‍රික්කවල විනාශ කරමින් සිටින පුරාවිද්‍යාත්මක වටිනාකමක් ඇති ස්ථාන පිළිබඳ සවිස්තර වාර්තාවක් ජනාධිපති මෛත‍්‍රීපාල සිරිසේන මහතා වෙත අද (12) භාර දුන් බව මොනරාගල දිස්ත‍්‍රික් පාර්ලිමේන්තු මන්ත‍්‍රී පද්ම උදයශාන්ත ගුණසේකර මහතා පැවැසීය.
ත‍්‍රිකුණාමල දිස්ත‍්‍රික්කයේ බඹරගල, කෝකිලායි, යාන්ඔය හා නාගලන්ද ද මුලතිව්හි උරුඳුමලේ ද වව්නියාවේ වෙඩිත්තින්නරකිලෙයි හි වට්ටමාන විහාරය වෙත ගොස් පරික්ෂා කළ බවත් එහි තිබු පුරාවිද්‍යා වටිනාකමකින් යුත් ස්ථාන විශාල ප‍්‍රමාණයක් මේ වනවිට විනාශ කර ඇති බවත් හෙතෙම සඳහන් කළේය.
වසර දහසකටත් වඩා පැරණි නටබුන් සහිත යාන් ඔය පෙදෙසෙහි විජය ආගමනයටත් පෙර ශිෂ්ටාචාරයක නටබුන් විනාශ කරමින් පවතින බවත් තමන් එහි යද්දී විශාල ට‍්‍රැක්ටර් යොදවා නටබුන් සමතලා කරමින් තිබු බවත් මන්ත‍්‍රීවරයා කීය.
මෙම විනාශයන් පිළිබඳව බලධාරින් කිහිප විටක් දැනුවත් කළ නමුත් මේ වනතුරුත් කිසිවකුගේ අවදානය යොමු වී නැතැයි කී ගුණසේකර මහතා මේ නිසා තම අධ්‍යයනයේ විස්තර ඡායාරූප සහිත වාර්තාවක් සකස් කර ජනාධිපතිවරයා වෙත ලබාදෙන බව ද කියා සිටියේය.
මීට අමතරව උතුරේ හා නැගෙනහිර පළාත්වල පුරාවිද්‍යා ස්ථාන රාශියක් විනාශ කෙරෙමින් පවතින බව පෙන්වා දුන් ගුණසේකර මහතා මුහුදු මහා විහාරය සතුව තිබු අක්කර හත්සියයක පුරාවිද්‍යා භූමියේ දැන් ඇත්තේ අක්කර තුනක ප‍්‍රමාණය පමණක් යැයි ද පෙන්වා දුන්නේය.
අම්පාර දීඝවාපියේ මාණික්කාවඩු, මඩකලපුව මංගලගම හා කෙවිලියාමඩු වැනි ස්ථාන විශාල ප‍්‍රමාණයක් මෙසේ විනාශ කෙරෙමින් පවතිතැයි හෙතෙම කියා සිටියේය.
පුරාවිද්‍යා නිලධාරින් මේ පිළිබඳ කිසිදු අවදානයක් යොමු නොකරන බව පෙනී යන්නේ යැයි ද ජනාධිපතිවරයා යම් පියවරක් ගනී යැයි විශ්වාස කරන බව ද ඔහු තවදුරටත් සඳහන් කළේය.
2025 ජුලි මස 04
261
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
786
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1204
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ත්‍රි’මලේ -මුලතිව්වල විනාශ කරන පුරාවිද්‍යා ස්ථානවල වාර්තාවක් ජනපතිට
Mugalan Jayatilake Friday, 12 October 2018 10:21 AM
වරද දුටු තැන එඩිතර තීන්දු තීරණ ගැනීමට නොහැකි යහපාලනය දෝරේ ගලනවිට එයට යට වෙන්නේ අපේ ජාතික උරුමයයි.
Upul Friday, 12 October 2018 11:26 AM
මොන වාර්තාද මැතිඳුනි, වරද දුටු තැන පහර දෙනු මිස වරද කරුවට, වාර්තා සක්ස්කර කැඳවා විශ්ලේෂණය කර, ප්‍රතිලාභ ප්‍රතිඵල විග්‍රහ කරකර ඉඳලා තීරණය ප්රකාශයට පත්කරලා අදාල පරිපාලන රමුවේ සීමාවලින් ගිහින් යනකොට කෙළවෙලා ඉවරයි... ගනු කඩුව දෙනු පහර අවැසි තැනදි අවැසි අයුරින්..
saman Friday, 12 October 2018 11:32 AM
ඉක්මන් පියවරක් නොගතහොත් අනතුරේ... වහාම මෙම ස්ථානවලට ආරක්ෂක අංශවල ආරක්ෂාව දිය යුතුයි. දල ලේඛන මත මෙය කල හැකිය. ඉන්පසු පුරා විද්‍යා දෙපාර්තමේන්තුවට පවරා ගැනීම් කල හැකිය. දැනටමත් පරක්කු වැඩිය. ඉතිහාසය මැකීමට ඉඩ නොතැබිය යුතුයි.
DhammikaFriday, 12 October 2018 01:43 PM
මේ අදහස්වලට තදින් හිනා.. ඔහොම වෙනවා නං හොඳයි. මේක කලි යුගය වෙන්නේ ඕකේ අනිත් පැත්තයි.
samanFriday, 12 October 2018 04:29 PM
ඇත්ත. වෘත්තීය සමිති පඩි වැඩිකරන්න කියලා කෑගහන වාවගේ ජනතා සංවිධානත් කෑ ගහන්න ඕනේ ඕවා පරිස්සම් කරන්න කියලා. අනුරාධපුරේ යන්නවගේ වැඩි වැඩියෙන් ඕවා නරඹන්න යන්න ඕනේ. කොහොම හරි වලක්වගත්තේ නැතිනම් ඉතිහාසයත් ඉවරයි,
kapila Friday, 12 October 2018 02:05 PM
මෙතුමාට මෙතෙක් වාර්තා කීයක් නම් දීලා තියෙනවද? එකකටවත් හොඳ තීරණයක් ගත්තද? මේකත් කුණු බක්කියට තමයි.
sisil Saturday, 13 October 2018 12:21 AM
තවම පුරාවිද්‍යා විෂය තියෙන්නේ මධ්‍යම රජය යටතේ. 20 ආවේ නැනේ.! ආරක්ෂක අංශ තියෙන්නේ ජනාධිපති යටතේ. තීරණයක් ගන්න පුළුවන් සියල්ල සිවිල් ආරක්ෂණ අංශයට භාර දෙන්න. සමහර තැන වල සිවිල් ආරක්ෂකයින් සිටියත් හරියට රාජකාරිය ඉටුවෙන්නේ නැති බවක් කියවෙනවා. වැඩේ භාරදීලා පසුවිපරම් වෙනම කණ්ඩායමකට භාර දිය යුතුයි. හුඟක් ව්‍යාපෘති වල දුර්වලකම පසුවිපරම් නැතිවීම. ඉතිහාසය මකන්නේ සැලසුම් සහිතව.