ටී.එන්.එල් මුද්‍රා තැබීම ගැන වෘත්තීය ජනමාධ්‍යවේදීන්ගේ විරෝධය

බිඟුන් මේනක ගමගේ

ටී.එන්.එල් විකාශනාගාරය මුද්‍රා තැබීම තරයේ හෙලා දකින්නේ යැයි ද එයින් පිළිබිඹු වන්නේ යහපාලන රජයේ මාධ්‍ය නිදහසේ තරම යැයි ද ශ්‍රී ලංකා වෘත්තීය ජනමාධ්‍යවේදීන්ගේ සංගමය නිවේදනයක් නිකුත් කරමින් පවසයි.

විදුලි සංදේශ නියාමන කොමිසම හරහා ආණ්ඩුව මාධ්‍යට බලපෑම් කරන බවට චෝදනා කරන එම සංගමය ලංකා ඊ නිව්ස් වෙබ් අඩවිය අවහිර කිරීමෙන් මින් පෙර ද එය මනාව තහවුරු කළේ යැයි ද කියයි.

ශ්‍රී ලංකාව තුළ මාධ්‍ය නිදහස ඇති කිරීමට ආණ්ඩුවට සැබෑ වුවමනාවක් ඇතිනම් මෙම කොමිසම දැන්වත් දේශපාලන ග්‍රහණයෙන් නිදහස් කළ යුතු යැයි ද එමගින් අවධාරණය කර ඇත.

ජනමාධ්‍ය මුද්‍රා තබා ආණ්ඩුවට එරෙහි මත වැළැක්වීමට නොහැකි යැයි ද ආණ්ඩුව මේ මොහොතේ කළ යුත්තේ ජනතාව දුන් පොරොන්දු ඉටු කිරීම මිස ජනමාධ්‍ය පාලනයට දේශපාලන බලය යොදාගැනීම නොවන්නේ යැයි ද එම නිවේදනයේ වැඩිදුරටත් සඳහන් වේ.

අදහස් (5)

ටී.එන්.එල් මුද්‍රා තැබීම ගැන වෘත්තීය ජනමාධ්‍යවේදීන්ගේ විරෝධය

Samathasena A . Aluthgama Thursday, 07 June 2018 03:06 AM

මෙය නිදහස් මාද්‍ය මතයක් තිබෙන රටක නොවිය යුතු දෙයක්.බලපත්‍ර ප්‍රස්නයක් තිබුනා නම්,එය වෙනත් විසිහට විසඳා ගත යුතුව තිබුණා.මෙය මෙසේ කිරීමෙන් වගකිවයුත්තන් වෙත ජනතා පිළිකුල එල්ලවූ බව පෙනීයන කරුණක්.

: 6 325

Muhan Thursday, 07 June 2018 03:38 AM

වදුරට දැලිපිහිය ලැබුන වගේ

: 0 294

amarakoon Thursday, 07 June 2018 03:39 AM

මොනවා උනත් අගමෙටි තුමා පක්සග්‍රහේ නොවීම හොදදෙයක් වරදක් වෙලා නෙත්නම් අනිවරය්න් විකාසන ඓතිය ලේබෙවී ....

: 15 22

සතයපාල Thursday, 07 June 2018 04:35 AM

නිදහස් ජනමාධයට විරුද්ධ හොරු දූෂිතයෝ හා අපරාධකාරයෝ. ඒක ඉතිහාසයේ පුරාම දක්නට ලැබෙන කාරනයක්. අවංක පාලකයෝ කවරදාවත් ජනතාව වගේම මාධය මර්ධනය කරන්න පෙලඹෙන්නේ නැහැ.

: 0 54

jayasekara Thursday, 07 June 2018 07:55 AM

රටේ නීතියට ජනමාධ්‍ය යටත් නැද්ද ඒගොල්ල වැරදිකරන්නෙම නැද්ද.?

: 1 0