නාලක සංජීව දහනායක
 
ශ්‍රී ලංකා පොදුජන පෙරමුණට ජනාධිපතිවරණ අපේක්‍ෂකත්වය සඳහා සුදුසුකම් සහිත පුද්ගලයන්  ඕනෑ තරම් සිටින බව පාර්ලිමේන්තු මන්ත්‍රී ශෙහාන් සේමසිංහ මහතා අද (14) පැවසීය.
 
එබැවින් හිටපු ජනාධිපතිවරයා විසින් ජනතාව ඉල්ලා සිටින වඩාත්ම සුදුසුකම් සහිත පුද්ගලයා ජනාධිපතිවරණ අපේක්‍ෂකත්වය සඳහා ඉදිරිපත් කරනු ඇතැයිද ඔහු කීය.
 
මන්ත‍්‍රීවරයා මෙසේද පැවසීය.
 
‘‘විසි වැනි ආණ්ඩුක‍්‍රම ව්‍යවස්ථාව සම්පූර්ණයෙන්ම නිර්මාණය කරන්නේ ජයම්පති වික‍්‍රමරත්න හා එම්.ඒ සුමන්තිරන් යන පාර්ලිමේන්තු මන්ත‍්‍රීවරුන් විසිනුයි. මෙහිදී ජනතා විමුක්ති පෙරමුණ කරන්නේ අනුන්ගේ දරුවෙකුට උප්පැන්න සහතිකයක් දීමයි. එය ජනතා විමුක්ති පෙරමුන විසින් සිදු කරනු ලබන බරපතළ දේශපාලන වරදක්. මෙය පාර්ලිමේන්තුවේ සම්මත වුනොත් මහජන නියෝජිතයන්ට මහජනතාව වෙනුවෙන් පෙනී සිටින්න තිබෙන අයිතියත් සම්පූර්ණයෙන්ම නැති වෙනවා.
 
 එමෙන්ම යම්කිසි ප‍්‍රශ්නයක් ඇතිවුනොත් අධිකරණයට යෑමේ අයිතියත් නැති වෙනවා. ඒනිසා මේ පනත සම්මතවීම අතිශයින්ම භයානකයි. 20 වැනි ආණ්ඩුක‍්‍රම ව්‍යවස්ථාව ඉදිරිපත් කරමින් ජනාතා විමුක්ති පෙරමුණ එක්සත් ජාතික පක්‍ෂයේ කොන්ත‍්‍රාත්තුවක් කරන බව ඉතාම පැහැදිලියි.‘‘
 
බත්තරමුල්ල, නෙළුම්මාවතේ පිහිටි ශ්‍රී ලංකා පොදුජන පෙරමුණු කාර්යාලයේදී අද (14)  පැවැති  මාධ්‍ය හමුවකට එක්වෙමින් හෙතෙම මේ බව සඳහන් කළාය.