විනීතා එම් ගමගේ
 
මැතිවරණ නීති උල්ලංඝණය කිරීම් 248 ක් පිළිබඳ පැමිණිලි 248 ක් ලැබී ඇතැයි පැෆරල් සංවිධානය කියයි.
 
මෙම පැමිණිලි අතරින් 24 ක් බරපතල ගණයේ සිද්ධීන් බවත් මේ හේතුවෙන් සිව් දෙනෙකු රෝහල්  ගත වී ඇති බවත් එම සංවිධානය පවසයි. 
 
වැඩිම පැමිණිලි  ප්‍රමාණයක් එනම් 72ක්ම ලැබි ඇත්තේ නීති විරෝධී ප්‍රචාරණය සම්බන්ධව බවත් දේශපාලන අරමුණු ඇතිව සංග්‍රහ කිරීම්  පිළිබඳව පැමැණිලි 65 ක් ලැබී ඇති බවත් පැෆරල් විධායක අධ්‍යක්ෂ රෝහණ හෙට්ටිආරච්චි මහතා ප්‍රකාශ කළේය.
 
රජයෙන් ලබා දෙන දීමනා ආධාර වශයෙන් දේශපාන අරුතින් ලබා දීම පිළිබඳ සිද්ධින් 13 ක්, රාජ්‍ය බලය අයුතු ලෙස භාවිතා කිරීම් හතක් හා රාජ්‍ය නිලධාරින් උසස් කිරීම්, මාරු කිරීම් හා පත් කිරීම් පිළිබඳ පැමිණිලි අටක් ද මේ පැමිණිලි අතර වෙතැයි හෙතෙම සඳහන් කළේය. 
 
මෙම පැමිණිලි අතරින් 197 ක් පිළිබඳ  මේ වනවිට පරික්ෂණ පවත්වා සත්‍යාසත්්‍ය තහවුරු කර ගත් බව ද හෙට්ටිආරච්චි මහතා ප්‍රකාශ කළේය. 
 
ආගමික උත්සව වලට මුවා වි භාණ්ඩ ඛෙදා දිම් රැසක් පිළිබඳව මේ වනවිට වාර්තා වී ඇතැයි පෙන්වා දුන් ඒ මහතා හෝටල් වැනි ස්ථානවලට ගෙන්වා ගෙන සංග්‍රහ කිරීම් ගැන ද වාර්තාවූ බව පෙන්වා දුන්නේය.