ජනාධිපති මෛත්රීපාල සිරිසේන සහ හිටපු ජනාධිපති මහින්ද රාජපක්ෂ යන මහත්වරුන් ඇතුළු පිරිසක් ඝාතනය කිරීමේ කුමන්ත්රණයක් පවතින බව ඉන්දියානු ජාතිකයකු පැවසීයැයි රහස් පොලිසිය අධිකරණයට දැනුම්දුන් බවට ජනමාධ්ය ආයතන කීපයක් මගින් විශාල ප්රසිද්ධියක් දෙමින් පළකර තිබූ ප්රවෘත්තිය කිසිදු පදනමක් නොමැති මුළුමනින්ම අසත්ය එකකැයි මුදල් සහ ජනමාධ්ය ඇමැති මංගල සමරවීර මහතා නිවේදනයක් නිකුත් කරමින් කියා සිටී.
රහස් පොලිසිය කිසිදු අවස්ථාවකදී වාචිකව හෝ ලිඛිතව හෝ අධිකරණයට එවැනි දැනුම්දීමක් කර නැතැයි ඇමැතිවරයා සඳහන් කරයි. අධිකරණ කටයුතු වාර්තා කිරීමට මාධ්යවේදීන්ට නිදහස ඇතත් මූලාශ්ර දැක්වීමකින් හෝ තහවුරු කිරීමකින් තොරව කලබලවලට හේතුවිය හැකි ආකාරයේ වාර්තා ප්රසිද්ධ කිරීම සමාව දිය නොහැකි වරදකැයි ඇමැතිවරයාගේ නිවේදනයේ සඳහන් වෙයි.
රහස් පොලිසිය විසින් අධිකරණ නියෝගයක් ලබාගෙන මාසෙල් තෝමස් නමැති ඉන්දීය ජාතිකයා අත්අඩංගුවට ගෙන ඇත්තේ ත්රස්ත ක්රියාවක් සිදු කිරීමට යෑමේ සැලැස්මක් පිළිබඳව බලධාරීන්ට නොදැන්වීමෙන් ඔහු ත්රස්තවාදය වැළැක්වීමේ පනත යටතේ වරදක් සිදුකර ඇත්දැයි යන්න සම්බන්ධයෙන් පරීක්ෂණ පැවැත්වීමට බවද ඇමැතිවරයා කියා සිටී.
මේ අතර ජනාධිපති මෛත්රීපාල සිරිසේන, හිටපු ජනාධිපති මහින්ද රාජපක්ෂ සහ හිටපු ආරක්ෂක ලේකම් ගොඨාභය රාජපක්ෂ යන තිදෙනා ඝාතනය කිරීමේ කුමන්ත්රණයක් තිබෙන බවට නැගී ඇති බරපතළ චෝදනාව සම්බන්ධයෙන් රහස් පොලිසිය පරීක්ෂණ පවත්වාගෙන යන බවද මෙම චෝදනාවට එකම පදනම වී ඇත්තේ ඒ.එච්. නාමල් කුමාර නමැත්තා කර ඇති ප්රකාශයක් බවද ඇමැතිවරයා සඳහන් කරයි.
එවැනි කුමන්ත්රණයක් පැවැති බවක් පෙන්නුම් කෙරෙන කිසිදු සාක්කියක් රහස් පොලිසිය මෙතෙක් සොයාගෙන නැතැයි කියන ඇමැතිවරයා මෙම බරපතළ චෝදනාව පිළිබඳව පූර්ණ පරීක්ෂණයක් පැවැත්වීම රහස් පොලිසිය සෑම පියවරක්ම ගත යුතු බවද කියා සිටී.
2025 නොවැම්බර් මස 21
39
0
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
148
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1001
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ඝාතන කුමන්ත්රණයක් ගැන ඉන්දියානු ජාතිකයා කියා නෑ
Bamunuarachchi Friday, 28 September 2018 08:24 AM
මෙයා පරීක්ෂණවලට සහයෝගය දෙන්නේ නැහැ.. මෙයාගේ මත ප්රකාශ කරනවා. ඔහේගේ මතට තිත තියාගන්න.
Priya Friday, 28 September 2018 09:50 AM
එහෙනම් මංගල මහත්තයෝ ඇයි එයාව අත්අඩංගුවට ගත්තේ? ඔහු එහෙම දෙයක් කියා නැත්නම් ඔහු රාජ්ය ආරක්ෂාවට අභියෝගයක් නැත්නම් නිදහස් කරන්න. පිස්සුද ඔහෙලට?