(මැදිරිගිරිය චාපා මධුභාෂිණී)
කළුමැදිරිය ලී කොට 11ක් ප්‍රවාහනය කළ මෝටර් රථයක් අද (07) දහවල් 1.30ට පමණ යාය 7 බිසෝබණ්ඩාරගම ප්‍රදේශයේදී ප්‍රතිවිරුද්ධ දිශාවෙන් පැමිණි යතුරුපැදියක ගැටී සිදු වූ අනතුරෙන් තිදෙනෙකු තුවාල ලබා ඇතැයි මැදිරිගිරිය පොලිසිය කියයි.


අනතුර සිදුවූ අවස්ථාවේදීම මෝටර් රථයේ රියදුරු ප්‍රවාහනය කරමින් තිබූ කළුමැදිරිය ලී කොට තොගය අසල ගෙවත්තකට විසිකර ඇති බවට පොලිසිය කළ පරීක්ෂණයේදී අනාවරණය වී ඇති අතර මෙම මෝටර් රථයද කුලී පදනමට ගෙන කළුමැදිරිය ලී කුට්ටි ප්‍රවාහනය කර ඇතැයි පොලිසිය කළ මූලික පරීක්ෂනවලදී අනාවරණය වී ඇත.
පසුව පොලිසිය විසින් එම ලී කොට 11 ත් සමග රියදුරු අත්අඩංගුවට ගෙන ඇත.


අනතුර හේතුවෙන් යතුරුපැදියේ ගමන් කළ පියා සහ දියණිය තුවාල ලබා මැදිරිගිරිය මූලික රෝහලට ඇතුලත් කර ඇති අතර ඒ අයගේ තත්ත්වය බරපතල නොවන බව රෝහල් ආරංචි මාර්ග කියයි.


අනතුර සම්බන්ධයෙන් මැදිරිගිරිය පොලිස් ස්ථානාධිපති පොලිස් පරීක්ෂක පී.ඒ.එච් පිටිගල මහතාගෙන් මෙහෙයවීමෙන් රථවාහන අංශයේ ස්ථානාධිපති සරත් කුමාර මහතා ඇතුළු නිලධාරීහු වැඩිදුර පරීක්ෂණ පවත්වති.