නාලක සංජීව දහනායක

මෙරට පිහිටි සියළුම කුඩා වැව් කඩිනමින් ප්‍රතිසංස්කරණය කිරීමට කෘෂිකර්ම අමාත්‍යංශය තීරණය කර ඇත.

කෘෂිකර්ම අමාත්‍යංශය විසින් ක්‍රියාත්මක කරන  වැව් දහසක් - ගම් දහසක් වැඩසටහන යටතේ මෙම වැඩපිළිවෙල ක්‍රියාත්මක කරන අතර මේ සඳහා රුපියල් මිලියන 9000 මුදලක් වෙන්කළ බව කෘෂිකර්ම අමාත්‍ය මහින්ද අමරවීර මහතා පැවසීය.

ඒ අනුව මෙම වසරේදී වැව් දහසක් සහ ඒ ආශ්‍රිත ගම්මාන දහසක්ද සංවර්ධනය කරන අතර ගොවි ජනතාව සඳහා බීජ, ක්‍ෂද්‍රමූල්‍ය ණය පහසුකම් ලබාදීම සිදුකෙරේ.

මෙරට වැව් පද්ධතිය තුළ කුඩාවැව් දහතුන් දහසකට අධික ප්‍රමාණයක් ඇති අතර වසර ගණනාවක් තිස්සේ ඒවා ප්‍රතිසංස්කරණය නොකිරීම නිසා අවශ්‍ය තරම් ජලය රඳා නොපැවතීම, වැව් කණ්ඩි දුර්වලවීම, රොන් මඩ පිරීම වැනි හේතු නිසාවෙන් ඒවා ඵලදායක ලෙස කෘෂිකර්මාන්තයට යොදාගැනීමට නොහැකිවී තිබෙන බවද අමාත්‍යවරයා කීය.