(අංජුල මහික වීරරත්න)
අපරාධ වැඩිවීමට මූලික හේතුවක් වු කුඩු ව්යාපාරය නතර කිරීමට නව නීති සම්පාදනය කරන බව නීතිය හා සාමය රාජ්ය පරිපාලන නියෝජ්ය අමාත්ය නලීන් බණ්ඩාර මහතා මාධ්ය හමුවක දී අද (10) පැවසීය.
බන්ධනාගාරයේ සිට අපරාධ මෙහෙයුම් සහ කුඩු ව්යාපාර නතර කිරීම සඳහා පොලිසියට සහ හමුදාවට බන්ධනාගාරය තුළ වැටලීම් කිරීමට අවස්ථාව දිය යුතු බව කී නියෝජ්ය අමාත්යවරයා බොහෝ අපරාධකරුවන් ඇණවුම් කරන “ඊෂි කෑෂ්” ක්රමය ඉදිරියේදී නතර කිරීමට සිදුවනු ඇති බවද කීය.
වර්තමානයේදී පාතාලයට රාජ්ය ආශිර්වාදය නොලැබෙන අතර සුදු වෑන් යුගයේදී රජයේ නිල පාතාල කල්ලි සිටි බව අමතක කළ යුතු නැතැයි පැවසීය.
පිටකෝට්ටේ සිරිකොත එක්සත් ජාතික පක්ෂ මූලස්ථානයේ දී මෙම මාධ්ය හමුව පැවැත්විණි.
ඡායාරූප - ජයමාල් චන්ද්රසිරි
COMMENTS
රටවටේ බැනබන යන්නේ නැතුව කුඩුකාරයින්ට මරණ දඬුවම ක්රියාත්මක කරන්න. බොරු බයිලා නව නීති වැඩක් නැ. මැදපෙරදිග 10 g ළඟ තියාගත්තත් ක්ෂණික එල්ලා මැරීම, ලංකාවේ 100 kg අල්ලගත්තත් හිරෙන් නිදහස් වෙනවා. අතීතයට බනින්නේ නැතුව, සංසන්දනය කරන්නේ නැතුව පුළුවන්නේ වර්තමානයේ ක්රියාමාර්ග ගන්න. දැන් ඔයගොල්ලන්ගේ ආණ්ඩුවනේ තියෙන්නේ. ලුසේනා.
අලුත් නීති උවමනා නැහැ, අවශ්ය වන්නේ දක්ෂ නිලදාරින්ට දේශපාලන ඇගිලි ගැසීම් වලින් තොරව රාජකාරිය කිරීමට ඉඩදීම පමණි. අද වෙලා තිඑන්නේ බොහොමයක් දේශපාලකයෝ කුඩුකාරයන්ගේ, පාතාලයන්ගේ ආධාරයෙන් ඡන්ද දිනන්නේ. ඒ වගේම ඔවුන්ගෙන් ලැබෙන මුදල් කුට්ටි මත නිවැරදි තීරණ ගන්නේ නැහැ. පක්ෂග්රාහී වෙනවා. ඒවයෙන් වෙන්නේ හොද නිලදාරීන් අධෛර්යමත් වෙලා ඔවුනුත් අන්තිමේදී සාක්කුවලට වැටෙනවා. එහෙම නැත්නම් මැරුම් කනවා. ඒ වගේම කුඩුකාරයන්ට පුළුවන් දේශපාලන හයිය අරගෙන හොද නිලදාරීන් දුර පළාත් වලට මාරුකරලා දඩුවම් දෙන්න.
නීති හදලා වැඩක් නැහැ සර්, නීති ක්රියාත්මක කරන්න නිලධාරින්ට වගේම රටේ පාලකයින්ටත් අවශ්ය තාවයක් තිබිය යුතුයි.......
නීති හදලා ඉවර වෙනකොට ලංකාව කුඩු වෙලා තියේවි.
අලුත් නීති උවමනා නැහැ, අවශ්ය වන්නේ දක්ෂ නිලධාරින්ට දේශපාලන ඇගිලි ගැසීම් වලින් තොරව රාජකාරිය කිරීමට ඉඩදීම පමණි. අද වෙලා තියෙන්නේ බොහොමයක් දේශපාලකයෝ කුඩුකාරයන්ගේ, පාතාලයන්ගේ ආධාරයෙන් ඡන්ද දිනන්නේ. ඒ වගේම ඔවුන්ගෙන් ලැබෙන මුදල් කුට්ටි මත නිවැරදි තීරණ ගන්නේ නැහැ. පක්ෂග්රාහී වෙනවා. එවයෙන් වෙන්නේ හොද නිලධාරීන් අධෛර්යමත් වෙලා ඔවුනුත් අන්තිමේදී කුඩන්ගේ සාක්කුවලට වැටෙනවා. එහෙම නැත්නම් කුද්දන් අතින් මැරුම් කනවා. ඒ වගේම කූද්දන්ට පුළුවන් දේශපාලන හයිය අරගෙන හොද නිලධාරීන් දුර පලත් වලට මාරුකරලා දඩුවම් දෙන්න. අන්තිමේදී සමහර නිලධාරීන් කුද්දන්ගෙන් උඩු ඉල්ලගෙන උසස්වීම් ගන්න අවස්ථා තියෙනවා.
පාතාලයට රාජ්ය ආශිර්වාදයක් ලැබෙන්නේ නැහැ කියන එක නම් ඇත්තයි. රජයක් නැති කල, ආශිර්වාදයක් කවර කල!
බන්ධනාගාරය තුළ සිට අපරාධ මෙහෙයවීමට ජංගම දුරකථන අවශ්යයි. බන්ධනාගාරය තුළට ජංගම දුරකථන ගෙන යාම වැලැක්වීම ඔය තරම් අමාරු දෙයක්ද? බන්ධනාගාර නිලධාරීන් තමන්ගේ රාජකාරිය නිවැරදිව කරනවා නම් ඔවැනි දේ වැලැක්විය හැකියි. මෙවැනි දේ සඳහා නව නීති සම්පාදනය කරන්නට යන බව කීම තමන්ගේ නොහැකියාව ප්රදර්ශනය කිරීමක් පමණි.
මේ අය දැන් නින්දෙන් ඇහැරිලා වගේ කතාකොරන්නේ. මේ අවුරුදු ගණනාවටම කුඩු නැති කෙරීමට රටේ නීති නැතියි කියා දැනගෙන සිටියේ නැද්ද.
අයියෝ තවම මේවා නැද්ද. කැබිනට් ඇමති කෙනෙක් පත්කරන්න
නරකද මේක ඉදිරි ජනාධිපතිවරණය සඳහා තියා ගත්තා නම්.
ඇයි දැන් තියෙන නීතියට අනුව කුඩු විකුණන්න ලේසි ද?