(රොමේෂ් මධුෂංඛ)

උතුරු පළාත් සභාවේ පුරප්පාඩු අමාත්‍ය ධූර දෙක සඳහා නව අමාත්‍යවරුන් දෙදෙනකු පත් කිරීමේදී පළාත් සභාවේ මන්ත්‍රීවරුන් දෙපිරිසක් අධ්‍යාපන අමාත්‍යධූරයට නම් දෙකක් ලබා දීම නිසා එම පළාත් සභාව තුළ ගැටලුකාරී තත්ත්වයක් ඇතිවීමේ අවධානමක් මතුව ඇතැයි ආරංචි මාර්ග පවසයි.

උතුරු පළාත් ප්‍රධාන අමාත්‍යවරයාට එරෙහිව විශ්වාශ භංග යෝජනාව බාර දුන් ඉලංගෙයි තමිල් අරුසකච්චි පක්ෂයේ මන්ත්‍රීවරුන් ඇතුළු පිරිස නව අධ්‍යාපන අමාත්‍යවරයා වශයෙන් එමානුවේල් ආනෝල්ඩ් මහතා නම් කර ඇත.

එම විශ්වාසභංගයට විරෝධය පෑ මන්ත්‍රීවරුන් 15 දෙනාගෙන් යුත් පිරිස නව අධ්‍යාපන අමාත්‍යවරයා වශයෙන් කන්දයියා සර්වේෂණ් මහතාගේ නම යෝජනා කර ඇත.

මේ අතර උතුරු මහඇමැතිවරයාට පක්ෂපාති මන්ත්‍රීවරුන් 15 දෙනා සහ සී.වී.විග්නේෂ්වරන් මහතා අතර පැවති විශේෂ සාකච්ඡාවකදී නව අධ්‍යාපන ඇමැති වශයෙන් කන්දයියා සර්වේෂන් මහතාගේ නම සහතික කරගෙන තිබේ.

ඉලංගෙයි තමිල් අරුසකච්චි පක්ෂ මන්ත්‍රීවරුන්ගේ යෝජනාව ප්‍රතික්ෂේප කිරීම නිසා පත් කැරෙන නව අමාත්‍යවරුන්ට ඉදිරියේදී විරෝධතා ඇති වෙනු ඇතැයි පළාත් සභා මන්ත්‍රීවරු පවසති.