( සිරාජ් හසීම් )
 
යාපනයේ ශිවයෝගනාදන් විද්‍යා සිසුවිය ඝාතනයේ ප්‍රධානම සාක්ෂිකරු  වන උදයසූරියන් සුරේෂ්කරන්   තමන්ගේ හා තම පවුලේ ආරක්ෂාවට තර්ජනයක් වීමේ අවධානමක් ඇතැයි කියමින් විවෘත අධිකරණයේ සාක්ෂි ලබා දීම අද  (29)   ප්‍රතික්ෂේප කළේය.
 
සාක්කිකරුගේ ඉල්ලීම සලකා බැලූ ත්‍රිපුද්ධගල විනිසුරු මඬුල්ල අධිකරණයේ සිටි මාධ්‍යවේදීන් ඇතුළු සියලු දෙනා ඉවත් කර සාක්කි විමසීම පැවැත්වීමට නියෝග කළේය.
 
ඝාතන සිද්ධියේ ප්‍රධාන සාක්ෂිකාරු උදයසූරියන් සුරේෂ්වරන් රජයේ සාක්කිකාරයෙකු වශයෙන් අද දින සාක්ෂි ලබා දීමට දැඩි ආරක්ෂාව යටතේ අධිකරණයට ඉදිරිපත් කළේය.
 
සාක්කි විභාගය අතරතුර විද්‍යා දැරිය පැහැර ගන්නා ලෙස පුද්ගලයකු ලබා දුන් මුදල් කොන්ත්‍රාත්තුවක් ගැන සඳහන් වූ අතර තමන්ගේ සහ පවුලේ උදවියගේ ආරක්ෂාව ගැන සලකමින් ඒ ගැන විවෘත අධිකරණයේ වැඩිදුර සාක්කි ලබා දිය නොහැකි බව සුරේෂ්කරන් කීවේය.
 
විවෘත අධිකරණයේදී තවදුරටත් සාක්ෂි ලබා දෙන්නේ නම් තමාටත් තම මවට සහ නැගනියන්ටත් තර්ජන හා බලපෑම්වලට මුහුණ දීමට සිදුවන බවද සාක්ෂිකරු කීවේය.
 
අනතුරුව මේ සම්බන්ධයෙන් ත්‍රිපුද්ගල විනිසුරු මඩුල්ලත්, නීතිපති දෙපාර්තුමේන්තුවේ නිලධාරීනුත් , සැකකකරුවන් වෙනුවෙන් පෙනී සිටි නීතිඥවරුනුත්  මිනිත්තු 10ක පමණ සාකච්ඡා කර අධිකරණයේ සිටි පිරිස් හා මාධ්‍යවේදීන් ඉන් ඉවත් කර සාක්ෂි විමසීම රහසිගතව සිදුකරනු ලැබීය.
 
එම සාක්ෂිය විමසන අවස්ථාවේ අධිකරණය තුළ රැඳී සිටියේ ත්‍රිපුද්ගල විනිසුරු මඩුල්ල හා  පැමිණිල්ලේ සහ විත්තියේ නීතීඥවරුන් පමණි.