IMG-LOGO

අවුරුදු පහක් යද්දී රතුපස්වල ගැන යළි විමසයි

පිරිසිදු පානීය ජලය ඉල්ලූ රතුපස්වල ප්‍රදේශවාසීන්ට වෙඩි තබා තිදෙනකු මරා දමා ලබන අගෝස්තු පළමු වැනිදාට වසර පහක් ගතවීම නිමිත්තෙන් එම ගැටලුවේ ප්‍රගතිය ගැන විශේෂ සාකච්ඡාවක් අද ශ්‍රී ලංකා මානව හිමිකම් කොමිෂන් සභාවේ දි පැවැත්විණි.
 
සියනෑ පරිසරය සුරැකීමේ  ඒකාබද්ධ සංවිධානය, ශ්‍රී ලංකා තරුණ ජනමාධ්‍යවේදීන්ගේ සංගමය ඇතුළු පාර්ශ්ව කිහිපයක් ඊට සහභාගී විය.
 
රතුපස්වල වෙඩි වැදුණු පුද්ගලයන්ට වන්දි ලබා දීම සිදු වුවද වෙනත් කිසිදු ක්‍රියාවලියක් සිදුවී නැතැයි ශ්‍රී ලංකා මානව හිමිකම් කොමිෂන් සභාවේ විමර්ශන සහ පර්යේෂණ අධ්‍යක්ෂ වරයා ඉදිරියේ පැවැති එම සමාලෝචන රැස්වීමේදී ගම්වාසීහු පෙන්වා දුන්හ. වන්දි ලබා දීමේදී ද ඇතැම් පිරිස් වෙත වන්දි නොලැබුණු බවත්, පහරකෑ මාධ්‍යවේදීන්ට වන්දි ලැබුණත් අලාභ හානි වූ උපකරණ වෙනුවෙන් වන්දියක් ලබා නොදුන් බවත් ඔවුහු කීහ.  
 
මේ සම්බන්ධයෙන් ශ්‍රී ලංකා යුද හමුදාවෙන් මූලික පරීක්ෂණ උසාවියක් පවත්වා බ්‍රිගේඩියර් ඇතුළු පිරිසක් වරදකරුවන් කළත් ඔවුන්ට එරෙහිව යුද අධිකරණයක් හෝ විනය ක්‍රියාමාර්ග කිසිත් ක්‍රියාමක නොවූ බව කී ගම්වාසීහු අවධාරණය කළේ තමන්ට බොරු නඩු දැමූ පොලිසියට එරෙහිව ද කිසිදු ක්‍රියාමාර්ගයක් ගෙන නැති බවයි. 
 
මධ්‍යම පරිසර අධිකාරියද වරින් වර පරස්පර වාර්තා ලබා දී ඇති බව එම වාර්තා ගෙන හැර දක්වමින් පෙන්වා දුන් අතර ජල සම්පත් මණ්ඩලය ඇතුළු අනිකුත් ආයතන ද තම වගකීම් හරිහැටි ඉටු කර නැතැයි පෙන්වා  දුන්හ.
 
අදාළ ආයතනවලින් ලිඛිත කරුණු දැක්වීමක් කැඳවා ඉන් පසු සියලු පාර්ශ්ව ගෙන්වා විමර්ශනය පවත්වන බව ශ්‍රී ලංකා මානව හිමිකම් කොමිෂන් සභාව කියයි.
 
2013 අගෝස්තු පළමු වැනි දා සිදු වූ වෙඩි තැබීමෙන් පාසල් සිසුහු දෙදෙනෙක් ඇතුළු තිදෙනෙක් මිය ගියහ. තවත් විශාල පිරිසක් තුවාල ලැබූහ.
 



අදහස් (0)

අවුරුදු පහක් යද්දී රතුපස්වල ගැන යළි විමසයි

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 23 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15464 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site