(ඉන්දිකා රාමනායක)

කොලොන්නාව කුණු කන්ද කඩා වැටීම නිසා විපතට පත්වූවන් සොයාගැනීමේ මෙහෙයුම් කෙරෙමින් පවතින අතරම අවදානමට මුහුණ දී සිටින පිරිස් ප්‍රදේශයෙන් ඉවත් කිරීමේ කටයුතුද කෙරෙමින් පවතී. කුණු කන්දේ විශාල කොටසක් දිරායාම හේතුවෙන් තල්ලු වී පැමිණීම නිසා ඇතැම් නිවෙස් කොයි මොහොතේ හෝ බිමට ඇදවැටීමේ අවදානමකට ලක්ව තිබේ. 

ඉවත් කෙරෙන පිරිස් සඳහා කොලොන්නාව බාළිකා විද්‍යාලයේ තාවකාලික පහසුකම් සපයා තිබේ. විපතට පත්වූවන් සොයාගැනීමේ ප්‍රධානතම ගැටළුව වී ඇත්තේ කුණු කන්ද නාය ගිය 14 වැනිදා සිංහල අලුත් අවුරුදු දිනය වූ හෙයින් එම ප්‍රදේශයේ පදිංචිකරුවන්ගේ ඥාතීන් රැසක් එම නිවෙස් කරා පැමිණ තිබීම හේතුවෙන් නිශ්චිත වාර්තා සපයා ගැනීමේ අපහසුවයි. 

ත්‍රිවිධ හමුදා නිලධාරීන් සහ සහන කණ්ඩායම් වලට අයත් 500 කට වැඩි පිරිසක්, බැකෝ යන්ත්‍ර යොදාගනිමින්, කොලොන්නාවේ නාගහමුල්ල, නීල්ගෙවත්ත, දහම්පුර සහ 23 වත්ත යන ප්‍රදේශ හතරෙන් කණ්ඩායම් යමින් විපතට පත්වූවන් සොයා බලමින් සිටිති. කුණු කන්ද  කඩා වැටි ඇත්තේ මීතොටමුල්ල දහම්පුර ප්‍රදේශයේ  නිවාස145 ක් පමණ සිද්ධියෙන් විනාශ වි තිබුණි.

නායයෑමෙන් මියගිය 16 දෙනකුගේ සිරුරු මේ වන විට සොයාගෙන තිබේ. ඔවුන්ගේ සිසුරු කොලොන්නාව රජමහා විහාරයේ තැන්පත් කර ඇති අතර ආගමික  වතාවත් වලින් පසුව කොලොන්නාව පොදු සුසාන භුමියේ හිමිදන් කෙරෙනු ඇත.  සිද්ධියෙන් පවුල් 180 ට අයත් පුද්ගලයින් 625 දෙනකු අවතැන් වි ඇති අතර ඔවුන් කොලොන්නව ටෙරන්ස් ඇන් ද සිල්වා විද්‍යාලයේ රදවා සිටිති.

ඡායාරූප - ෂෙහාන් ගුණසේකර