(ජයන්ත සමරකෝන්)

අඹගමුව ප‍්‍රාදේශීය සභා බල ප‍්‍රදේශයේ මැතිවරණ පැවැත්වීමට එරෙහිව ඉදිරිපත් කර ඇති මූලික අයිතිවාසිකම් පෙත්සමෙන් පළාත් පාලන ඡුන්දයට කිසිදු බලපෑමක් සිදු නොවන බව පළාත් සභා හා පළාත් පාලන අමාත්‍ය ෆයිසර් මුස්තාපා මහතා ඊයේ (5) පැවසීය.

අඹගමුව ප‍්‍රාදේශීය සභා බල ප‍්‍රදේශය කොටස් 3කට බෙදා වෙන් කරන ලද ගැසට් නිවේදනය මගින් බෞද්ධයින්ට හිමිවන තැන අහිමි කර නැතැයි කී ඇමැතිවරයා ශ්‍රීපාද ස්ථානය අයත් වන්නේ රත්නපුර දිස්ත‍්‍රික්කයට මිස නුවරඑළිය දිස්ත‍්‍රික්කයට නොවේ යැයිද කීය.

යම් ගැටලූවක් සම්බන්ධයෙන් අධිකරණයට යෑමට  ඕනෑම අයකුට ප‍්‍රජාතන්ත‍්‍රවාදී අයිතියක් ඇතැයි ද ඊට එරෙහිව අධිකරණයට කරුණු දැක්වීම තමාගේ වගකීම යැයිද අමාත්‍යවරයා පෙන්වා දුන්නේය. රජය සැම විටම කටයුතු කරන්නේ ප‍්‍රජාන්ත‍්‍රවාදී ලෙස පමණක් බවද ඔහු කීවේය.

ඇමැති ෆයිසර් මුස්තාපා මහතා මෙම කරුණු දැක්වූයේ කොළඹ 2 යුනියන් පෙදෙසේ පිහිටි අමාත්‍යාංශ ශ‍්‍රවණාගාරයේ ඊයේ (5) පැවැති ප‍්‍රවෘත්ති සාකච්ඡාවකදී මාධ්‍යවේදියකු නැගු ප‍්‍රශ්නයකට පිළිතුරු දෙමිනි.