(යොහාන් භාසුර)
සංස්කෘතික කටයුතු අමාත්යංශය සංවිධානය කළ අන්තර් සංස්කෘතික මධ්යස්ථාන ප්රතිභා 2023 තරගාවලියේ සමස්ත සම ශූරතාව සන්දිලිප්පායි සහ කඩුවෙල සංස්කෘතික මධ්යස්ථාන දිනාගැනීමට සමත් විය.
එම තරගාවලියේ සම්මාන ප්රදානෝත්සවය බුද්ධශාසන ආගමික හා සංස්කෘතික කටයුතු අමාත්ය විදුර වික්රමනායක මහතාගේ ප්රධානත්වයෙන් මරදාන එල්ෆින්ස්ටන් රඟහලේදී පැවැත්විණි.
සංස්කෘතික මිනිසෙකු බිහි කිරීමේ අරමුණින් දැයේ දූ දරුවන් සෞන්දර්ය අධ්යාපනය සඳහා නැඹුරු කිරීමට, සංවේදී සුචරිතවත් අනාගත පරපුරක් බිහි කිරීමට සහ ඔවුන්ගේ කලා කුසලතා වර්ධනය කරවීම සඳහා බුද්ධශාසන ආගමික හා සංස්කෘතික කටයුතු අමාත්යාංශයේ සහයෝගය ඇතිව සංස්කෘතික කටයුතු දෙපාර්තමේන්තුව මෙම තරගාවලිය සහ සම්මාන ප්රදානෝත්සවය සංවිධානය කරයි.
සිංහල සහ දමිළ ද්වීභාෂාවන්ගෙන් සංගීත, නර්තන, නාට්ය සහ චිත්ර ආදී විවිධ ක්ෂේත්ර ඔස්සේ ජයග්රහණ ලැබූ ශිෂ්ය ශිෂ්යාවන්ට මෙහිදී සම්මාන ප්රදානය කළේය.
එමෙන්ම මෙහිදී විවිධ තරග කාණ්ඩ ඔස්සේ ජයග්රහණය කළ ශිෂ්ය ශිෂ්යාවන්ට ජුරියේ සම්මාන, කුසලතා සම්මාන සහ සහතිකපත් ද ප්රදානය කෙරිණි.
බුද්ධශාසන, ආගමික හා සංස්කෘතික කටයුතු අමාත්යංශයේ ලේකම් සෝමරත්න විදානපතිරණ, අතිරේක ලේකම් තිලක් හෙට්ටිආරච්චි, අධ්යක්ෂ සංස්කෘතික ප්රවර්ධන ආචාර්ය ප්රසාද් රණසිංහ, සංස්කෘතික කටයුතු අධ්යක්ෂ යසින්තා ගුණවර්ධන, ප්රවීණ නාට්යවේදීන් වන එල්.එස්. මොහාන් රාජ්, කලෙයි චෙල්වම් යන මහත්ම මහත්මීන් ඇතුළු පිරිසක් මෙම අවස්ථාවට එක්වූහ.
ක්ලීන්ටෙක් ප්රයිවට් ලිමිටඩ් ආයතනය, සිය තිරසාරත්වයෙන් යුතු ගමන්මගේ සුවිශේෂ සන්ධිස්ථානයක් සනිටුහන් කරමින් Zero Waste to Landfill (ZWL) සහතිකය දිනා ගැනීමට සමත් විය. සම
2007 නොබෙල් සාම ත්යාගයේ සම-ජයග්රාහකයා (උප සභාපති, IPCC-AR4) සහ 2021 නිල් ග්රහලෝක ත්යාගය(Blue Planet Prize) ලැබූ මහාචාර්ය මොහාන් මුණසිංහ මහතා
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 57 වැනි ශාඛාව පසුගියදා තඹුත්තේගම නගරයේදී විවෘත කෙරිණ. සියපත ෆි
ප්රතිභා 2023 තරගාවලියේ ජය