IMG-LOGO

අපි කවුරු ද

ගීවිනිස - 104

 

 

මෙි ගීතයේ ගේයපද,ගායනය හා සංගීතය යන ත්‍රිත්වය ම සැපයූවෝ ⁣නොබෝදා අප අතරින් වියෝ වූ ජනප්‍රිය ගායක සේනක බටගොඩයෝ ය.මෙි වූකලී මිනිසාගේ පුද්ගල අනන්‍යතාව ප්‍රශ්න කරන සුදුර්ලභ ගීමිණකි.සේනක බටගොඩයෝ මෙරට සිටි සුදුර්ලභ වාග්ගේයකරුවෙක් වූහ.මෙනයින් ඔවුහු කණ්ඩායම් සංගීතයේ නව නැම්මක් ඇති කරමින් ජනප්‍රිය ගීත ගණනාවක් ම නිර්මාණය කළහ.සිහින දකින්නැති අහස උසට,අපි සැනසිල්ලේ, රස්තා,රෑ අහසේ තරු තිබුණට වැනි අතිශය ජනප්‍රිය ගීත රැසක් බටගොඩයෝ ගායනා කළෝය.ඒ අතරින් වඩාත් ජනප්‍රිය වූයේ අපි කවුරුද නමැති ගීතය බව අපි කවුරුත් දනිමුු.එහෙත් සේනක බටගොඩයන්ගේ  නිර්මාණ තුළ මතුපිටින් පෙනෙන සැහැල්ලුව,සරල සුගම බවට ඔබ්බෙන් කිසියම් ජීවන යථාර්ථයක් සැඟවී තිබිණි.

ජීවිතයේ පැවැත්ම සහ ශූන්‍යතාව  ඔවුහු නිරතුරු විමැසුමට ලක් කළහ.මෙනයින් බලන කල බටගොඩයෝ සාංදෘෂ්ටිකවාදියෙක් ද වෙති.සාංදෘෂ්ටිකවාදය යනු කිම? බටහිර චින්තනය ගොඩනැගීමෙි දී සාංදෘෂ්ටිකවාදය ( Existentialism) යන වචනය  මුලින්ම ඇසෙන්නේ දෙවැනි ලෝක යුද්ධයට පසුවය.මිනිසාගේ පැවැත්ම හා සාරය පිළිබඳ මෙයින් විග්‍රහ කෙරේ.

සාංදෘෂ්ටිකවාදීන්ගේ චින්තනයට අනුව මිහිමත අනෙක් සියලු පැවැත්මෙන් මිනිසා වෙනස් වන්නේ ඔහුට හෝ ඇයට තමන් කැමති දෙයක් කිරිමට ඇති නිදහස අනුවය. අපට කිරීමට නිදහසක් නැති එකම දෙය නම් නිදහස් නොවී සිටමට තීරණය කිරීමය. කන්දකට, කුඩා පිහියකට හෝ කුරුමිණියෙකුට සොබාදහමින් ඒවාට උරුම වුණු ස්වභාවයක් ඇත. නමුත් මිනිසා කවුරුන්දැයි යන්නට නියමිත ආකෘතියක් නැත. මා නමැති පුද්ගලයා මත ජීව විද්‍යාත්මක, සංස්කෘතික වටාපිටාව තුළින් බලපෑම් එල්ල විය හැකි නමුත් මා කවුරුන්ද යන්න තීරණය වන්නේ මම කරන්නේ කුමක්ද යන්න ගැන මා කරන තෝරාගැනීම් මත නො වෙි ද?ප්‍රංශයේ ජීවත් වූ විශිෂ්ට සාහිත්‍යධරයකු සහ සාංදෘෂ්ටිකවාදී විචාරකයකු වන ෂොන් පෝල් සාත්‍රෙ කියන ආකාරයට මිනිසා  වහල්භාවයට ඇද දමන කිසිදු පෙර ඇදී මාවතක් නැත.ඔහුගේ මාවත නිරතුරවම සොයා ගන්නේ ඔහුම විසිනි. එය සොයා යාමට නම් ඔහු නිදහස්, වගකීම් සහිත නිදහසට කාරණා ඉදිරිපත් නොකරන්නෙකු විය යුතුය. එවිට ඔහුගේ සියලු අපේක්ෂාවන් ඔහු අණසක යටතට පත්වෙයි. සා⁣ත්‍රෙගේ යටකී ප්‍රකාශය නිවැරැදිය.මිනිසා කවුරුන් දැයි තහවුරු වන්නේ ඔහු කරන කියන දේවල් අනුවය.

සේනක බටගොඩයන්ගේ ගීතවල නිතර නින්නාද දෙන්නේ  මෙකී යථාර්ථය නො වෙි ද? තතු කෙසේ වූව ද අපි කවුරුද ගීතයෙන් සේනක බටගොඩයෝ මෙරට ළමා තරුණ මහලු කා අතරත් ජනප්‍රිය වූහ.මෙනයින් සේනක බටගොඩ යනු ජන නියමු රොක් කලාකරුවෙකි( Folk rock artist ) යැයි කීමද අතිශයෝක්තියක් නොවෙි.තතු එසේ හෙයින් "අපි කවුරුද "මෙරට තරුණ තරුණියන්ගේ පුරවැසි හැඳුනුම්පත සෙවීමෙි ගීතය බවට පත්වී තිබෙි.එහෙත් ඔවුහු  ⁣පොප් රජු ක්ලැරන්ස් විජේවර්ධන හෝ රූකාන්ත ගුණතිලක තරම් ජනප්‍රිය නොවූහ.ක්ලැරන්ස් සහ රූකාන්ත ලියූ -  ගැයු - වැයූ ගීත හුඟකි. සේනක බටගොඩයන් ලියූ - ගැයූ - වැයූ ගීත සුඟකි. ඔවුහු  තිදෙනාම වාග්ගේයකරුවෝය.ගායකයකුට ජනප්‍රිය වීමට ගීත දහසක් ඇවැසි නැත.ඒ සඳහා එක ගීතයක් වූව ද සෑහේ."අපි කවුරුද?" ගීතයෙන් සේනක එය ඔප්පු කර ඇත.


 සී සී කඩ විසිරුණු සිතිවිලි
දිය බුබුළේ නළියන පෙණ කැටි වාගේ
නැතිවෑ
හුදෙකලාවෙ තනි වී සිටියම
සිහින ආකරේක වැටුණා වාගේ
නිමක් නෑ

මෙහොතින් මොහොතට ගෙවෙනා කාලය
දැනෙනව කාටත් එක විදියට
ගිනියම් ඉර සඳ සිසිලස
අතරේ හොයනව හොයනව මේ අපි කවුරු ද
ගීයකි ලොව සිතුවම් කළ
අතරේ අහනව බලනව මේ අපි කවුරු ද

ඉර බැස යන ගොම්මන් යාමේ
තරු එක එක දිලිසෙන කළු ආකාසේ
ගලා හැලෙන රිද්මේ නැහැවී
ඇදී යන්නෙ ඈතින් ඈතට පාවී
සුළඟ සේ


ගායනය: සේනක බටගොඩ
ගේයපද : සේනක බටගොඩ
සංගීතය: සේනක බටගොඩ



අදහස් (2)

අපි කවුරු ද

tissa Wednesday, 25 September 2024 06:53 PM

මම හිතන හැටියට මේ ගීතයේ පද රචනය සහ අයිතිය තියෙන්නේ වෙන කෙනෙකුට... මෑතකදී අධිකරණ මේ පිළිබඳව තීරණයක්ද දුන්නා.

:       2       2

Priyath LiyanageWednesday, 30 October 2024 10:01 AM

තවමත් උසාවියේ නඩුවක් යනවා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 8 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15418 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 520 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site