IMG-LOGO

2024 ජුලි මස 14 වන ඉරිදා


අදට ගැලපෙන බලවේගයක අවශ්‍යතාව

ශ්‍රී ලංකා මහ බැංකුව විසින් ලංකාව නීත්‍යානුකූල නොවන ලෙස බංකොලොත් බව ප්‍රකාශයට පත්කරනු ලැබීමෙන් පසු මතු වූ රට ගොඩ ගැනීමේ සංවාදය අද වන විට දේශපාලනයේ ප්‍රමුඛත්වය අත්පත් කරගෙන ඇත. මේ වන විට සුබාරංචි හා අසුබාරංචි පිළිබඳ තැනක එම සංවාදයේ මුහුණත දක්නට ලැබේ. මේ තීව්‍ර හා ගතික සංවාදය තුළ බොහෝ අය කතා කරන්නේ කොළේ වහගෙන ය. දත්ත මත පදනම්ව වාස්තවික සත්‍ය කතා කිරීමට එහි දී කිසිවකු උත්සාහ නොදරනු පෙනේ. බොහෝ විට ඒ කරුණු නොදැනීම නොව, එය කතා කිරීම තමාට ලජ්ජා සහගත අත්දැකීමක් වන නිසා විය හැකිය.

ඇත්ත වශයෙන්ම ලංකාවට අසුබ ආරංචිය ලැබූයේ 2015 ජනවාරි 8 වැනිදා ය. ඒ මෛත්‍රීපාල සිරිසේන ජනාධිපතිවරයා ජනාධිපති ධුරයට පත්ව එදින ගොම්මනේ ටොරිංටන් නිදහස් චතුරශ්‍රයේ සිට දිවුරුම් දීමත් සමග ය. ඔහු ධුරයේ දිවුරුම් දුන්, රටම අඳුරෙන් ගිල ගත්තා වූ ඒ අඳුරු මොහොත මගින් සංකේතවත් කළේ මීළඟට රට ගිල ගැනීමට නියමිතව තිබූ රටේ ඒ අඳුරු කාල පරිච්ඡේදයයි. අපට අතීතයේ සිදු වූ දෙය ගැන දැන් කතා කිරීමෙන් පලක් නැත. එහෙත් අපට ඉන් ඉගෙන ගැනීමට පාඩම් රැසක් තිබේ. මේ ඒ වෙනුවෙනි.

2015 යනු මෙරට මෑත ඉතිහාසයේ කඩයිම් වසරකි. ආර්ථික වශයෙන් එය විශේෂයෙන්ම සත්‍යයකි. අපගේ ආර්ථිකයට කණකොකා හැඬීමට පටන් ගත්තේ මින් මතුවයි. 2015 වන විට ලෝකයේ හොඳම කොටස් වෙළඳපොළ තිබුණේ මේ කුඩා ලංකාවේ ය. ඒ තරමට මෙරට ආර්ථික ක්‍රියාකාරිත්වය ඉතිහාසයේ අන් කවරදාකටත් වඩා ප්‍රාණවත් වෙමින් තිබුණි. ඊට නම වසරකට පෙර තිබූ ඩොලර් බිලියන 23ක දළ දේශීය නිෂ්පාදිතය බිලියන 79කට වැඩී වී තිබුණි. ඒක පුද්ගල ආදායම ඩොලර් 1200 සිට 3835 දක්වා ඉහළ යාමෙනි. ඒ සියල්ල මගින් ප්‍රකාශ වුණේ අප රට වසර 30ක ත්‍රස්තවාදයෙන් අළුගසා නැගිට එමින් තිබූ බවයි. එහෙත් ඒ සියල්ල එසේ තිබිය දී බොරු කන්දක් ගොතා මහජනයා රවටා රාජපක්ෂ පාලනය බිඳ දමන්නේ නැවතත් අප 2005ට පෙර තිබුණ තත්වයට රට ඇද දමමිනි.

අද ඇතැම්හු රජපක්ෂවරුන් රට බංකොලොත් කළ බව කියන්නෝය. ඒ තරම් මිථ්‍යාවක් තවත් නැත. යහපාලන ආණ්ඩුව විසින් මහබැංකුව කොල්ල කා රටේ ව්‍යාපාරික විස්වාසය බිඳ දැමීම හා ඉන් පසු පැමිණි ආර්ථික වර්ධනය කඩා වැටීම පිරිමසා ගැනීමට එම ආණ්ඩුව ගත් ඩොලර් බිලියන 13ක අන්තර්ජාතික බැඳුම්කර ණය ගැන කිසිවෙක් කතා කරන්නේ නැත. ජාතික ආරක්ෂාව නොසලකා හැරීම නිසා ඇති වූ පාස්කු දින ප්‍රහාරය හා ඒ හරහා ලංකාවට ඩොලර් පැමිණීම නැවැත් වූ පාස්කු දින ප්‍රහාරය ගැන මීක් නැත. එවන් අර්බුද රැසක් මැද ආණ්ඩුව ගෙන මාසය 6ක් යෑමටත් පෙර පැමිණි වසංගතය ගැන නිනව්වක් නැත. ඒ සියලු‍ අර්බුද තිබිය දීත් ණයත් ගෙවාගෙන, සැමට එන්නත දී වසංගතයෙන් මිනිසුන් ද ගොඩගෙන, ඔවුන්ට කෑමට හා බීමට සියල්ල ගෙදරටම රැගෙන විත් දී තිබිය දීයි විවිධ කුමත්‍රණකරුවන් විසින් අරගලය නම් දේශපාලන කුමන්ත්‍රණය ගෙන එන්නේ.

පවතින තත්වයෙන් ගොඩ ඒම සඳහා අපට මනා දේශපාලන හා ආර්ථික දැක්මක් අවශ්‍ය වේ. මා නිකමට යෝජනා කරන්නේ 2015 දී මහින්ද රාජපක්ෂ පාලනය පරාජය කිරීමට ඔබ කටයුතු කළේ ඇයි ද? යන්න ගැන අවංකව සිතන ලෙසයි. බොහෝ විට ඔබ එසේ කළේ මහින්දලාට පාඩමක් ඉගැන්වීම සඳහා ය. මා දන්නා විශාල පිරිසක් මට පෞද්ගලිකව එසේ කියා ඇත. එහෙත් ඇත්තටම පාඩම ඉගෙන ගත්තේ රාජපක්ෂලා ද? රට ද? යන ප්‍රශ්නය අසනවාට ඒ බොහෝ අය දැන් කැමැති නැත. මහින්ද රාජපක්ෂ පරාජයෙන් පසු අප සැම එන්න එන්නම පිරිහුණා මිස එක දශමයක් ගොඩ ගියේ නැති හෙයිනි. බොරුවට වාතය නාරින ලෙස ගම්වල කතාවක් තිබේ. ඒ ඇත්තටම ඒ හරහා අසූචි පිටවිය හැකි හෙයිනි. අපට සිදු වූයේ එය නොවේ ද?

ඇතැමුන් සිතන්නේ අප මේ වන විට ආර්ථික අර්බුදයෙන් ගොඩවිත් ඇති බවයි. එහෙත් ඇත්ත වශයෙන්ම සිදුවී තිබෙන්නේ දේශපාලන ආර්බුදය අවසන් වීම මත අප සුපුරුදු ගමනට වැටී තිබීම පමණි. අරගලය නොපැමිණියේ නම්, අප වර්තමානයේ සිටින අර්බුදයට කිසිසේත්ම වැටෙන්නේ නැත. 2022 මාර්තු මාසයේ සංචාරක පැමිණීමේ දත්ත ගෙන බලන්න. එම මාසයේ සංචාරක පැමිණිම පමණක් එක් ලක්ෂ හය දහසකි. ඉන්පසු පැමිණි ගෝල්ෆෙස් විගඩම නිසා එය නැවතත් පාස්කුදා ප්‍රහාරයෙන් පසු වැනි තත්වයකට වැටුණි.

මා මේ සියල්ල කියන්නේ අතීත කාමය නිසා යැයි කෙනකුට සිතෙන්නට බැරි නැත. එහෙත් ඇත්ත වශයෙන්ම මට අවශ්‍ය වන්නේ අපට ප්‍රශ්නයට උත්තරය සෙවීමට පෙර ප්‍රශ්නය කුමක්දැයි තේරුම් ගැනීම සඳහා ය. එසේ නොවුවහොත් උත්තර ලැබෙන්නේ වැරදි ප්‍රශ්නයකටයි. එවිට අප නැවතත් 2015 වැනි අර්බුදයකට පල්ලම් බැසීමේ අවදානමක් ඇත.

අද රට හදන බවට පෙරට විත් මාධ්‍යවල දේශනා පවත්වන පිරිස් එමට ය. එහෙත් කනගාටුවෙන් හෝ කිව යුත්තේ මේ සියලු‍ දෙනා එදා ත්‍රස්තවාදය අවසන් කිරීමේ මෙහෙයුමේ දී පවා රටේ කකුලෙන් ඇදි පිරිස් ය. ජනතා විමුක්ති පෙරමුණ එදා කිලිනොච්චි එල්ටීටීඊ කඳවුර වැටෙන විටම ආණ්ඩුව හැරදා ගියේ ය. ඒ දතක් සේ එල්ලෙමින් තිබූ රාජපක්ෂ ආණ්ඩුව වැටී නැවත මැතිවරණයකට යෑමට සිදුවන විට, අනිවාර්යයෙන්ම ප්‍රභාකරන් මානුෂීය මෙහෙයුම් පරාජය කරන බව දැන දැන ය. ඉතා සූක්ෂමව දේශපාලන ක්‍රියාමාර්ග තෝරන ඔවුන්ට එය සිතා ගැනීමට දුෂ්කර දෙයක් නොවේ. එම තත්වය උදාවීමට පරිසරය නිර්මාණය කිරීමටමයි ඔවුන් ආණ්ඩුවෙන් ගියේ. එදා එජාපයෙන් කරු ජයසූරිය ඇතුළු 17 දෙනකු ගෙන ආණ්ඩුව ස්ථාවර කර නොගත්තේ නම්, ලංකා රාජ්‍ය ත්‍රස්තවාදයට බිලිවීම වළකාගත නොහැකි වනු ඇත. ස්වකීය දේශපාලන බඩගෝස්තරය ගැන පමණක් සිතා ජවිපෙ ගත් එම තීන්දුව ඔවුන්ගේ රට ගැන වන ආදරය මනාව පිළිබිඹු කරන්නේ ය. ඔවුන්ය අද රට හදන බවට දේශනා පවත්වන්නේ.

ජවිපෙ ඉන්ද නවතින්නේ නැත. 2009 මහින්ද රාජපක්ෂට එරෙහිව බටහිර තානාපති කාර්යාලවල අනුග්‍රහය ඇතිව ඉදිරිපත් කළ සරත් ෆොන්සේකාගේ මැතිවරණ මෙහෙයුමේ ඉදිරියෙන්ම සිටියේ එම පක්ෂයයි (හෙළි වූ විකිලීක්ස් කේබල් පණිවුඩ හරහා මේ බටහිර කුමන්ත්‍රණය දැන් තහවුරු වී තිබේ. ප්‍රසිද්ධියට පත් එක් කේබලයක ඇමරිකානු තානාපතිවරයා ඇමරිකානු රාජ්‍ය දෙපාර්තමේන්තුවට ලියන්නේ, ෆොන්සේකාගේ මැතිවරණ මෙහෙයුමට තමා ලබාදුන් මුදල් ජවිපෙ නායකයන් සොරකම් කළ බවයි). යුද්ධය නවත්වා සාමය උදාකිරීම වළකා ගැනීමට නොහැකි වීමේ දේශපාලන වාඩුව ගන්නේ එසේ ය. එය අසාර්ථක වූ තැන 2015 දී සිරිසේන ජනාධිපතිවරයා වෙනුවෙන් ජවිපෙ පූර්ණකාලීනව කැපවුණ අතර එහි දී ඔවුන්ගේ උත්සාහය සාර්ථක වේ. කෙසේ වෙතත්, ඉහත සාකච්ඡා කළ පරිදි රට අසාර්ථක වීම පටන් ගන්නේ ඒත් සමග ය.

ලංකාවේ ධීවරයන් පිරිසක් මුහුදේ පාවෙමින් තිබූ බෝතල්වල අඩංගු යම් දියරයක් පානය කොට අවාසනාවන්ත ලෙස පසුගියදා ජීවිතක්ෂයට පත්වූහ. ඒ රැලිවල පාවෙමින් එන දේශපාලන විස පානය කිරීම කොතරම් විනාශකාරී ද යන්න තේරුම් ගැනීමට අපට ලබාදෙන ප්‍රායෝගික පාඩමක් වැන්න. මේ රට ගොඩ නැගිය හැක්කේ ව්‍යාජ රැලිවලින් නොවේ. එහෙත් යථාර්ථවාදී ලෙස මහපොළොව හඳුනාගෙන එහි සැබෑ ප්‍රශ්නවලට පිළිතුරු දීමෙනි. ඒ වෙනුවට රැලිවල ගහගෙන එන විෂ දියර පානය කිරීමෙන් වන්නේ අපට තිබෙන දෙයත් නැතිවීමයි. 2015න් පස්සේ අපට සිදූ වූයේ එයයි. අපේ ආදායම හා වියදම අතර පරතරය එන්න එන්නම වැඩිවිය. එහි තාර්කික ප්‍රතිඵලය ලෙස ආර්ථිකයේ ජීවනාලිය බඳු ව්‍යාපාරවල අාදායම ද කඩා වැටුණි. බොහෝ අයට රැකියා අහිමි වන්නේ ඒ මතින් ය. එම ව්‍යාපාරවලට නිෂ්පාදන හෝ අමුද්‍රව්‍ය සැපයූ අයගේ ආදායම් ද ඒ අනුව කඩා වැටේ. මේ සියල්ල පටිච්චසමුත්පාදය සේ අග සිට මුලට ද මුල සිට අගටද සිදුවන චක්‍රීය හේතුඵල සම්බන්ධයකි.

අපට නැවතත් මේ චක්‍රය ඉහළ දිසාවට ගමන් කරවීමට කිසියම් පරිශ්‍රමයක් දැරිය යුතු ය. ඒ තල්ලු‍ව දිය යුතු ය. එහෙත් එය ඵලදායි වන්නේ ඊට අවශ්‍ය දේශපාලන නායකත්වය රටතුළ තිබේ නම් පමණි. නායකත්වය මෙන්ම අනුරාගික කැපවීම හා වුවමනා ද ඊට අවශ්‍ය වේ. මේ අභියෝගකාරී යුගයේ එම නායකත්වයේ හිඩැස පිරවිය හැක්කේ මේ රටට සැබැවින්ම ආදරය කරන දේශපාලන බලවේගයකටම ය.

 

(***)
සබරගමුව විශ්වවිද්‍යාලයේ
ජ්‍යෙෂ්ඨ කථිකාචාර්ය
මහින්ද පතිරණ



අදහස් (4)

අදට ගැලපෙන බලවේගයක අවශ්‍යතාව

Deepal Nirosh Friday, 05 July 2024 09:07 PM

කතා සාරාංශය ඇත්ත වුවත් අද වන විට රාජපක්ෂ යනු ලංකා දේශපාලන භූමිකාවේ අවලංගු කාසියක්, නැවත රාජපක්ෂ හෝ හිතවදියෙකු හෝ බලයට පත්වුව හොත් ආයෙත් යන්න වෙන්නෙ 2020 ටයි. රට වැටුණූ ආර් ථික අර් බුදය අදටත් එතනමයි. විදේශ විනිමය අර් බුදයට තාවකාලික සහනයක් ලෙස ණය වාරික ගෙවීම වසර හතරකට කල් දමා තිබෙනවා. හැබැයි රාජපක්ෂ හෝ හිතවදියෙකු හෝ නැවත බලයට පත්වුව හොත් රටට ලැබුණු ඒ සහනයත් ක්ෂණයකින් අහෝසි වේවි.

:       16       5

චන්දිම Saturday, 06 July 2024 08:12 AM

ඔබතුමාට පුළුවන් නම් කියන්න ඔය රාජපක්ෂ පවුලේ අයියලා මල්ලිලා කොහොමද ඇමරිකාවේ මහා මන්දිර ගන්න සල්ලි හොයා ගත්තේ කියලා. බිස්නස් ක්ලාස් ටිකට් අරන් ලෝකේ පුරා සවාරි ගහන්නේ කොහොම උපයපු සල්ලිද කියලා. ඔය තිරුපති යන්න කොටි ගණන් වියදම් කරලා ලියර් ජෙට් ගෙන්නාගෙන ගියේ කොහොම උපයපු සල්ලිද කියලා... ඊළඟට අර එක පුතෙක් සැටලයිට් යවන්න කියලා අරන් ගිය ඩොලර් මිලියන 320ට මොකද වුනේ කියලා. ඔන්න ඔය ටිකවත් කිව්වෝත් අපි පිළිගන්නම් ඔබගේ කතාව හරි කියලා. නැතිනම් නිකම් හැමදාම කොලේ වහලා ලියන ලිපි ගානට තමයි ඕවා වැටෙන්නේ...

:       2       8

Kirthi Monday, 08 July 2024 05:43 AM

මෙම ලිපිය ලියලා තියෙන්නේ රාජපක්ෂ හෙන්චයියෙක්! මහ බැංකු හොරුන්ට සහාය දුන් රනිල්ව ජනාධිපති කලේ පොහොට්ටුවේ රාජපක්ෂලා එකතුවෙලා! ඔක්කොම හොරු

:       1       4

chandana Monday, 08 July 2024 11:30 PM

මේ ලිපිය ලිව්ව එක අහසින් වැටිලා..

:       1       3

ඔබේ අදහස් එවන්න

කිවිදා දැක්ම

ජනපති අපේක්ෂක අභියෝග
2024 ජුලි මස 12 176 0

මේ රටේ පුරවැසි අප ගත කරමින් සිටින්නේ රටේ දේශපාලනයේ තීරණාත්මක කාලයක්ය. මීළඟ ජනාධිපතිවරණයේ දින වකවානු ප්‍රකාශයට පත් කිරීමේ කාලය ආරම්භ වෙමින් පවතී. ලබන 17


අදට ගැලපෙන බලවේගයක අවශ්‍යතාව
2024 ජුලි මස 05 353 4

ශ්‍රී ලංකා මහ බැංකුව විසින් ලංකාව නීත්‍යානුකූල නොවන ලෙස බංකොලොත් බව ප්‍රකාශයට පත්කරනු ලැබීමෙන් පසු මතු වූ රට ගොඩ ගැනීමේ සංවාදය අද වන විට දේශපාලනයේ ප්‍


දේශපාලනයේ ආර්ථිකයේ සුබ අසුබ
2024 ජුනි මස 28 264 2

මේ දිනවල රටේ සමහර තැන්වල ප්‍රදර්ශනය වූ පෝස්ටරයකින් කියවුණේ ‘සුබ ආරංචියක්’ එන බවයි. සාමාන්‍යයෙන් ඉතිහාසයේ ‘සුබ ආරංචි’ කතාව තිබුණේ කතෝලික දේවධර්ම ඉගැන


මිහිඳු හිමි ශිෂ්ඨාචාරයෙන් රට යළි පුබුදුවමු
2024 ජුනි මස 21 142 2

මිහිඳු මාහිමියන් ලංකාවට වැඩම වීම මෙරට මිහිඳු ශිෂ්ටාචාරයක් සඳහා පදනම දැම්මේ ය. අප අද සිංහල බෞද්ධ ශිෂ්ටාචාරය බවට හඳුනා ගන්නා අපගේ සියලු‍ භෞතික හා ආධ්‍යා


රටට ඔබින ආර්ථික දැක්මක්
2024 ජුනි මස 14 281 0

ජනාධිපතිවරණය කැඳවීම සඳහා ව්‍යවස්ථාවෙන්ම මැතිවරණ කොමිෂන් සභාවට ලබාදී තිබෙන බලයට අනුව ලබන මාසයේ (ජූලි) 17 වැනිදායින් පසුව රටේ ක්‍රියාකාරීත්වය ඒ සඳහා ගොන


මෝදි සුළඟ ලංකාවට කෙසේ හමයිද?
2024 ජුනි මස 07 804 3

තුන්වැනි වරට ද පත්වන නායකයකු ලැබිය හැකි උපරිම ජයග්‍රහණය ලබා ගැනීමට ඉන්දියාවේ නරේන්ද්‍ර මෝදි පෙරේදා (ජූනි 5) සමත් වූවේ ය. ඇතැම් මාධ්‍ය විසින් උලු‍ප්පා ති


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 7 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1787 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site