IMG-LOGO

2025 මැයි මස 13 වන අඟහරුවාදා


තැලී - පොඩිවූ සමාජයට තව තවත් බදුබර පැටවීම

ශ්‍රී ලංකාව ජාත්‍යන්තර මුල්‍ය අරමුදලින් ණය සපයා ගැනීම සඳහා වන විස්තීරණ ණය වැඩසටහනට එකතු වීමත් සමඟ ලැබෙන අත්දැකීම් වේදනාත්මක වන බව මහ බැංකු අධිපතිවරයා පසුගියදා ප්‍රකාශ කළේය. ඇතැම්විට මෙම වේදනාව බරපතළ සමාජ අරගලයක් කරා තල්ලු‍ විය හැකි බවට ද ඔහු අනතුරු අඟවා තිබුණි. මහ බැංකු අධිපතිවරයාගේ මෙම ප්‍රකාශනයත් යථාර්ථයක් වන ලකුණු දැන් දැන් පහළ වෙමින් තිබේ. පරිහාණියට පත් ආර්ථිකයක් සමඟ ගනුදෙනු කරන සමාජය මත අසීමිත බදු බර පැටවීමත් සමඟ ජනතාව වේදනාවට සහ කෝපයට පත්ව සිටී.

ලෝක බැංකුව වේවා, මුල්‍ය අරමුදල වේවා, පිරිහුණු ආර්ථිකය ගොඩනංවන්නට කිසියම් මුල්‍ය ආධාරයක් පිරිනමන්නේ බරපතළ කොන්දේසි සහිත බෙහෙත් වට්ටෝරුවක් ද සමඟය. මෙම ආයතන ශ්‍රී ලංකාව වැනි රටවල්වලට ලබා දෙන ප්‍රධානම නිර්දේශ ගණනාවකි. රාජ්‍ය ආදායම් වැඩිකර ගැනීමට අලු‍තෙන් බදු පැනවිය යුතුය යන්න පළමු නිර්දේශයයි. දෙවැන්න දැනට රජය මගින් නඩත්තු කරන පාඩු ලබන ව්‍යවසාය පෞද්ගලිකකරණයකොට පාඩුව පියවා ගන්නා අතර රජයේ ගිණුමට ආදායමක් උපයාගත යුතුය යන්නයි. අනෙක් සියලු‍ නිර්දේශ මෙම නිර්දේශ දෙකට යටත්ව පවතී.

රජය දැන් පිටපොට ගසන්නේ මෙම නිර්දේශ ක්‍රියාත්මක කොට ජාත්‍යන්තර මුල්‍ය ආයතනවල ප්‍රසාදය දිනා ගැනීමටය. ඒ සඳහා පාඩු ලබන ව්‍යවසාය පෞද්ගලිකකරණය කළ යුතුය යන්න ගැන දැන් දැඩි සමාජ විරෝධයක් නැතිවා පමණක් නොව සමාජයේ ආශිර්වාදයද ලැබෙමින් පවතී. එහෙත් දරාගත නොහැකි ලෙස බදු බර පටවන විට සමාජය කැළඹෙයි. ඔක්තෝබර් මස පළමුවැනිදා සිට ක්‍රියාත්මක කෙරෙන සමාජ ආරක්ෂණ බද්ද තවත් බදු ගණනාවක් සමඟ පූට්ටු වී ද්විත්ව බදුකරණයට යටත්ව සමාජයට විශාල ජීවන බරක් පටවයි. තමන්ගේ ආදායම එක තැනම පල්වෙමින් තිබියදී අතේ තිබෙන සොච්චමටත් තට්ටු කරන අධික බදු බර විසින් සමාජ අසහනය දැඩි ලෙස තීව්‍ර කරමින් තිබේ.

ඒ අතර පේරාදෙණිය සරසවිය කළ පර් යේෂණයකින් තහවුරු වී ඇත්තේ මෙරට සාමාන්‍ය පවුලක බදු බර පසුගිය කාලයේ සියයට 42 කින් ඉහළ ගිය බවයි. එසේම සිව්දෙනකුගෙන් යුතු පවුලක් මසකට රුපියල් 28,000ක වක්‍ර බද්දක් රජයට ගෙවන බවද සඳහන්ය. රාජ්‍ය හා පෞද්ගලික ඇතැම් අංශවල සුළු සේවකයන්ගේ මාසික වැටුප රුපියල් 20,000ත් 30,000ත් අතර පවතිද්දී රු. 28,000 ක් බදු ලෙස ගෙවන විට හටගන්නා සන්තෑසිය වචනයෙන් විස්තර කළ නොහැක.

පාසල් දරුවන් උදේ ආහාරය නැතුව ක්ලාන්ත වී ඇද වැටෙන්නේත් ඇතැම් දරුවන් පොල් මද ආහාර ලෙස භාවිත කරන්නේත් මෙම පීඩාවේ ප්‍රතිඵල ලෙස නොවේ යැයි කාට නම් කිව හැකිද? මෙම යථාර්ථයට එරෙහිව දේශපාලනඥයන් කොතරම් සුන්දර පිළිතුරු සමාජගත කරන්නට තැත් කළ ද යථාර්ථය අත්විඳින ජනතාව ඒවා කෝපයෙන් හා පිළිකුලෙන් යුතුව බැහැර කරන බව ප්‍රකට කරුණකි.

ශ්‍රී ලංකාව දකුණු ආසියාවේ ඒකපුද්ගල ආදායම අතින් දෙවැනි තැන පසුවුවද ඉතා දිළිඳු සමෘද්ධි ආධාර ලබන පවුල් සංඛ්‍යාව ලක්ෂ 17 කි. දරිද්‍රතාව ඉහළ යාම නිසා මේ වසරේ තවත් පවුල් 7,26,000 ක් සමෘද්ධි ආධාර පොරොත්තු ලේඛනයට ඇතුළත්ව සිටිති. මෙය සැබැවින්ම බරපතළ තත්ත්වයකි. මාසික සමෘද්ධි ආධාරය ලෙස ලැබෙන්නේ රු. 7500ක මුදලකි. එවන් පවුලකට ද වක්‍ර බදු ලෙස මසකට රු. 28,000 ක් කැප කරන්නට නියම කළ විට ඔවුන් කරන්නේ කුමක්ද? සමාජයේ සොරකම්, මංකොල්ලකෑම් ඇතුළු නොයෙක් අනීතික ක්‍රියා විශාල ලෙස වර්ධනය වන්නේ බඩගින්නෙන් හා බදු බරෙන් පෙළෙන සමාජය තමන්ගේ ප්‍රශ්නවලට විසඳුම් ලෙස ඒවාට යොමුවීම නිසාද යන්න ගැන විශේෂ පර් යේෂණයක් කළ යුතුය.

බදු අය කිරීම යනු මල් නොතලා රොන් ගන්නා ක්‍රමයක් විය යුතු යැයි අතීතයේ ආර්ථික අංශයේ විද්වතුන්ගේ මතයක් විය. එහෙත් දැන් සිදුවන්නේ මල් නොතලා රොන් ගැනීම වෙනුවට සහමුලින්ම මල නෙළා ගැනීමය. ඒ නිසා ආර්ථික අර්බුදය හා දරිද්‍රතාව විසින් පීඩාවට පත්කර ඇති සමාජය වෙත තවදුරටත් බදු පටවන්නට ගියහොත් එය අන්තවාදී දේශපාලනයට අවිආයුධ සැපයීමක් වන්නට පිළිවන.

දැන් බිත්තියටම හේත්තු වී සිටින සමාජය ආපසු හැරුණහොත් රටටම සිදුවන්නේ අනර්ථයකි. ලබන නොවැම්බරයේ ගෙන එන 2023 අයවැයෙන් ජනතාව තවදුරටත් බදු බරෙන් පීඩාවට පත් නොකොට සමාජයට කිසියම් සහනයක් හා අස්වැසිල්ලක් ලබාදිය හැකි නම් එය ආණ්ඩුවේ දේශපාලන සෞඛ්‍යයට වඩාත් ගුණදායක බව සඳහන් කරමු.

(***)



අදහස් (0)

තැලී - පොඩිවූ සමාජයට තව තවත් බදුබර පැටවීම

ඔබේ අදහස් එවන්න

 

 
 

විශේෂාංග

බුදු හාමුදුරුවො අපිත් දකින්නැති
2025 මැයි මස 13 107 0

හැත්තෑව අසූව දශකවල සහ ඉන් ඔබ්බෙහි මෙරට ගීත සාහිත්‍යයෙහි සුපෝෂණය සඳහා අතිමහත් මෙහෙයක් ඉටු කළ ප්‍රවීණ ගීත පද රචක රඹුකන සිද්ධාර්ථ හිමි‍යෝ වචනයේ පරිසමාප


​අසාද් මවුලානා ඉන්දියාව හරහා පලාගියේ ඇයි?
2025 මැයි මස 13 133 0

මෙම ලිපිය 2019 අප්‍රේල් 21 වැනිදාට යෙදුණු පාස්කු ඉරිදා දිනයේදී මරාගෙන මැරෙන බෝම්බකරුවන් විසින් සිදු කරන ලද ප්‍රහාර මාලාව පිළිබඳ ත්‍රිත්වයේ තුන්වැනි සහ අ


ඡන්ද ක්‍රමයේ වෙනසක අවශ්‍යතාව
2025 මැයි මස 13 59 0

වසර 2017 දී හඳුන්වා දෙන ලද පළාත් පාලන ආයතන සංශෝධන පනත යටතේ මෙවර පළාත් පාලන ආයතන ඡන්ද විමසීම පැවැත්විණි. ලංකාවේ මැතිවරණ ක්‍රමය වෙනස් විය යුතුය යන අදහස මුලි


ජීවිතය බබළවන බුදු සිරිතේ ආදර්ශ
2025 මැයි මස 13 25 0

සිද්ධාර්ථ ගෞතම චරිතය ලොවට දායාද වන්නේ ක්‍රිස්තු පූර්ව හය වැනි සියවසේදීය. එම අසිරිමත් උපත තත්කාලීන විවිධ ආගමික මතවාද ප්‍රකාශ කළ ෂඩ් ශාස්තෘවරුන්ට කිසි


බුදු දහමේ නියම රසය සොයා යමු
2025 මැයි මස 13 37 0

අප ජීවත් වන්නේ නව තාක්ෂණික ලෝකයකය. ඒහි පස්සිකෝ සන්දිට්ඨිකෝ හෙවත් එන්න බලන්න ගුණය අත්විඳින්න යන ගුණාංග ඇති ආගමකට පැවැත්මක් තිබේ. කෙසේ වුවත් ලෝකය කෙතරම්


ඇමරිකාවෙන් පත්වුණු නව පාප්තුමෝ
2025 මැයි මස 10 478 0

දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ ​කෙසේ සිදුවේවිදැයි යනුවෙනි. කාදිනල්වරුන්


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1294 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1540 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 400 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site