බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීපයේ ප්රධාන සිරස්තලයකින් හෙළි කර තිබිණි. මේ රටේ සුදුසුකම් ලත් බරවාහන රියදුරු රැකියාවේ නිරතව සිටි මේ පිරිසට දැන් සිදුවී ඇත්තේ තමන් කරමින් සිටි රැකියා අහිමිවී බලාපොරොත්තු තබා සිටි විදෙස් රැකියාව ද නොලැබී ගොස් යුරෝපයේ අතරමං වීමටය.
බරවාහන රැකියා වෙනුවට විකල්පයක් වශයෙන් ලබාදුන් ඌරුකොටු රැකියා ප්රතික්ෂේප කිරීම හේතුවෙන් ශ්රී ලාංකිකයන් පිරිසට ලිතුවේනියාව ලබා දුන් නේවාසික වීසාද අවලංගු කිරීම නිසා මොවුහු දැන් කබලෙන් ළිපට වැටී සිටිති.
මේ සිද්ධියේ වඩාත් කැපී පෙනෙන්නේ ලිතුවේනියා රැකියා ලබාදීම ශ්රී ලංකා රජයේ මැදිහත්වීමෙන් සිදුව තිබීමයි. ඒ මැදිහත්වීම මත ඔවුන් 108 දෙනා ශ්රී ලංකා විදේශ සේවා නියුක්ති කාර්යාංශයේ ලියාපදිංචිවී රුපියල් ලක්ෂ 12 ක මුදලක් කොළඹ රැකියා නියෝජිත ආයතනයකට ගෙවා රැකියා සඳහා පිටත්ව ගොස් ඇතත් ඔවුන්ට ලබාදෙන බවට පොරොන්දු වූ රැකියා ලබාදී ඇත්තේ දෙදෙනකුට පමණක් බවත් සෙසු පිරිස ඌරු කොටුවක වැඩට තල්ලුකර දමා ඇඟ බේරා ගැනීමට එරට සමාගම කටයුතු කර ඇති බවත් කියැවෙයි. මෙය රැකියා පිළිබඳ ගිවිසුම් බරපතළ ලෙස උල්ලංඝණය කිරීමකි. ඒ සම්බන්ධයෙන් සොයා බලා හැකි ඉක්මනින් යුරෝපයේ අතරමංව සිටින සියලු දෙනා ගෙන්වා ගැනීමට ඔවුන්ට සාධාරණය ඉටු කිරීමට රජය මැදිහත් විය යුතු බව අපි විශ්වාස කරමු.
සිද්ධියට අදාළ ලිතුවේනියා රැකියා ලබාදීමට රජය මැදිහත් වීමක් තිබෙන බව තහවුරු කරමින් එම පිරිස ගුවන්ගත වන උත්සව අවස්ථාවට අග්රාමාත්ය දිනේෂ් ගුණවර්ධන මහතා ද සහභාගීවී සිට ඇත. එවැනි රජයේ ඉහළ මට්ටමේ සහභාගීත්වයෙන් සිදුවන විදෙස් රැකියා සැපයීමේ වැඩපිළිවෙළකට මෙවැනි ඉරණමක් අත්වීමට ඉඩක් නැති බව අපගේ පිළිගැනීමය. මේ රැකියා ලාභීන් පිටත්ව යද්දී එතැන අග්රාමාත්යවරයාගේ සහභාගීත්වයෙන් උත්සවයක් පැවැති බව ඔවුන්ගේ පවුල්වල උදවිය ද දැක ගන්නට ඇත. ඒ හේතුවෙන් තමන්ගේ ස්වාමියා හෝ පියා හෝ ලබා ගන්නා රැකියාව පිළිබඳ පවුලේ සාමාජිකයන්ට ද දැනෙන්න ඇත්තේ විශාල බලාපොරොත්තුවකි. දැන් ඒ බලාපොරොත්තු සියල්ල ඔවුන්ගේ හිස්මත කඩා වැටී තිබේ. ඔවුන් දැන් දෑස් දල්වාගෙන බලා සිටිනු ඇත්තේ අතරමංව සිටින තමන්ගේ සමීප ඥාතියා ආපසු මෙරටට පැමිණෙන්නේ කවදාද යන බලාපොරොත්තුව ඉටුවනතුරුය. එම බලාපොරොත්තු කඩ නොකිරීම රජයේ බලධාරීන්ගේ වගකීමකි.
රට රැකියාවලට යන මෙරට කාන්තාවන් පමණක් නොව පිරිමින් ද අමාරුවේ වැටෙන අවස්ථා තිබෙන බවට මෙය කදිම උදාහරණයකි. ඇතැම් වංචනික විදෙස් රැකියා නියෝජිතයන් මෙරට අසරණ තරුණ කාන්තාවන්ට පිටරට හොඳ රැකියා ලබා දෙන බවට පොරොන්දු වී ඔවුන් එම රටවලට නොගොස් ගණිකා මඩම්වල සිට රැකියා කළ නොහැකි නරකාදි බඳු ආයතන වලට බලෙන් යොමුකරන අවස්ථාද දක්නට ලැබී තිබේ. එවැනි අවස්ථාවලට එරෙහිව රජය මගින් දැඩි පියවර ගන්නා බව ද වාර්තාවී ඇත. ලිතුවේනියා සිද්ධිය ද ජාවාරම්කාර විදෙස් රැකියා නියෝජිතයන් සම්බන්ධයෙන් ලංකාවට ලබා දී තිබෙන්නේ ප්රබල සංඥාවකි. ආණ්ඩුවේ මැදිහත්වීම් තිබුණත් තමන්ට අවශ්ය ඕනෑම දෙයක් කළ හැකි බවට කවුරුන් හෝ මෙහිදී පෙන්වාදී තිබේ. ඒ ගැන සොයා නොබලා සිටීමට රජයේ වගකිවයුත්තන්ට හැකියාවක් නැත.
ලිතුවේනියාවේ රැකියා බලාපොරොත්තුවෙන් ගිය පිරිස මෙරට නිකම් සිටි පිරිසක් නොව බරවාහන රියැදුරන් වශයෙන් රැකියාවල නියුතු වූවෝ වෙති. ඔවුන් රට රැකියා සොයා විදෙස්ගත වීමට පෙළඹෙන්නේ රටේ දැන් පවතින ආර්ථික තත්වය මත ආදායම ප්රමාණවත් නොවීම හේතුවෙනි. තම අවශ්යතා සපිරෙන ආදායමක් තිබෙන පුද්ගලයකු තමන්ගේ දූ දරුවන් ද හැර දමා විදෙස්ගතවීමට පෙළඹෙන්නේ කලාතුරකිනි. රජය ද මේ තත්වය තේරුම් ගත යුතුය. ඔවුන් පිටත්ව යන අවස්ථාව උත්සවයක් වූවානම් එය වැරදි ගිය අවස්ථාවේ අහක බලා ගැනීමට රජයට හැකියාවක් තිබිය නොහැක. වැඩේ වැරැද්දූ අයට ද නීතියෙන් දඬුවම් පැමිණවීමට අවශ්ය පියවර ද ගත යුතුය.
(***)
‘‘ගුරුවරයා අල්තීනායි නගරයට යන දවසේ සමුගන්නා සැටි චිත්ර ගත කරපන්. මතකද ඔහු අන්තිම වරට කෑගැසූ හැටි. අල්තීනායි අද වනතුරුත් අමතක නොකර, සෑම මිනිසකුගේම හදව
‘‘ශ්රී ලාංකේය රවි ශංකර්’’ ලෙස විරුදාවලිය ලත්, එතෙර මෙන්ම මෙතෙරදීත් ඇගැයුමට හා ප්රශංසාවට ලක්වූ, රාජ්ය විශ්වවිද්යාල පද්ධතියට මුලින්ම සංගීත තාක්ෂ
රුසියාවේ යුක්රේන යුද බිමේ ඉදිරි ආරක්ෂක වළල්ලේ මාස එකහමාරකට ආසන්න කාලයක් දිවා රෑ ජීවිතයත් මරණයත් අතර දෝලනය වෙමින් එම්.එච්. නිශ්ශංක පින්තු මහතා සටන් වැද
කලින් කලට විවිධාකාරයේ ජාවරම් රට තුළ නිර්මාණය වේ. වැලි ජාවාරම්, මත්ද්රදව්යැ ජාවරම්, ඖෂධ ජාවාරම් ආදිය ශ්රී ලංකාවට අලුත් අත්දැකීම් නොවන්නේය. මේ දිනවල උණ
රට මැතිවරණ කාලයකට ගමන් කිරීම මේ වනවිටත් ආරම්භ වී ඇත. මැතිවරණ කොමිෂන් සභාව මේ පිළිබඳව ප්රකාශයක් කර තිබුණි. ව්යවස්ථාව ප්රකාරව මේ වර්ෂයේ ජූලි මස 17 වැනි
ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලිතුවේනියා රැකියාවලට වංචා කළ නරුමයන් අල්ලනු
chandima Thursday, 02 May 2024 12:43 AM
ඔය හාල්මැස්සේ අල්ලලා වැඩක් නැ ... රටටම වංචා කරපු උන් මේ පා ඡන්දෙට ලැස්ති වෙනවා
chandima Friday, 03 May 2024 09:59 PM
තව ඉස්සරහට ඊශ්රායල් රස්සාවල් අයදුම්පත් පුරවගෙන වංචා කරප උනුත් අල්ලන්න පුළුවන් .. ඉස්සරහට එන ආණ්ඩුවේ නිතීය සැමට එක හා සමානයි කියනවා නේ
පිටරටවැසියා Thursday, 09 May 2024 02:04 PM
මුන් ඔක්කොම රට කාල වනසන , කම්භ හොරු, තක්කඩි, අපතයන් ....පරම්පරා සියයකටම වැහි නැති හෙණම ගහපිය....