IMG-LOGO

2024 ජුනි මස 18 වන අඟහරුවාදා


සරසවියට සංගීත තාක්ෂණය හඳුන්වා දුන්නේ මමයි

‘‘ශ්‍රී ලාංකේය රවි ශංකර්’’ ලෙස විරුදාවලිය ලත්, එතෙර මෙන්ම මෙතෙරදීත් ඇගැයුමට හා ප්‍රශංසාවට ලක්වූ, රාජ්‍ය විශ්වවිද්‍යාල පද්ධතියට මුලින්ම සංගීත තාක්‍ෂණවේදය හඳුන්වා දුන් අධ්‍යාපනඥයා ලෙසද සැලකෙන ප්‍රවීණ සිතාර්වාද්‍ය ශිල්පී මහාචාර්ය ප්‍රදීප් රත්නායක ඉදිරිපත් කරන 18 වැනි ‘‘ප්‍රදීපාංජලී’’ ප්‍රසංගය මෙම 21 වැනිදා පස්වරු 7.00 ට කොළඹ ලයනල් වෙන්ඩ්ට් රඟහලේදී පැවැත්වේ.

මෙවර මහාචාර්ය ප්‍රදීප් වේදිකාවට නගින්නේ මෙරට සිටින සුවිශේෂී හා ප්‍රවීණතම සංගීතඥයන් වන හර්ෂ මාකලන්ද (පියානෝව), ආචාර්ය රවිබන්ධු විද්‍යාපති (බෙර), ඇල්ස්ටන් ජෝකිම් (බේස් ගිටාරය) හා ශිරාස් නූර්අමින් (ඩ්‍රම්ස්) යන ශිල්පීන් සමඟය. 1997 වසරේදී, ඉන්දියාවේ විශ්වභාරතී ශාන්ති නිකේතන් විශ්වවිද්‍යාලයෙන් එවකට සිතාර් උපාධියකින් ලබාගත් ඉහළම ලකුණු සහිත උපාධිධාරියා ලෙස මෙරටට පැමිණ මුලින්ම ජර්මානු සංස්කෘතික මධ්‍යස්ථානයේ පැවැති ‘‘ප්‍රදීපාංජලී’’ ප්‍රසංගයේදී වේදිකාවට ගොඩවුණේද මේ සිවුවාදන ශිල්පීන් සමඟ වීම විශේෂත්වයකි.

ඊට අමතරව ඊළඟ පරම්පරාවේ තබ්ලා වාද්‍ය ශිල්පීන් වන වාද්‍ය නිපුන් පේෂල මනෝජ් හා ශාස්ත්‍රපති ඉසුරු පෙරේරාද මෙවර ‘‘ප්‍රදීපාංජලී - 18’’ ප්‍රසංගයට එක්වෙති. මෙවර සුපුරුදු පරිදි ශාස්ත්‍රීය හින්දුස්ථානි රාගයකින් ‘‘ප්‍රදීපාංජලී - 18’’ ආරම්භ කරන මහාචාර්ය ප්‍රදීප් අනතුරුව පණ්ඩිත් රවි ශංකර්ගේ ‘‘පංචම් සෙගාරා’’ වයනු ලැබේ. ප්‍රදීප්ගේ නිර්මාණ වන ‘‘වයින් පැහැති සඳ, සරු පස, මුල’’ සහ ‘‘සුළඟ’’ ද මේ සන්ධ්‍යාවට ඇතුළත්වේ. විශේෂත්වය නම් පළමුවරට තම පියාණන් සමඟ වාදනය කිරීමට මහැදුරු ප්‍රදීප්ගේ දියණියන් දෙදෙනා ද මෙවර ‘‘ප්‍රදීපාංජලී’’ වේදිකාවට ගොඩවීමයි. පියානෝවෙන්. චෙලෝවෙන් හා තම කටහඬින් සංගීත අංග කිහිපයක් මේ දියණියන් දෙදෙනා ඉදිරිපත් කරනු ලබති. මෑතකදී අප අතරින් සමුගත් විශිෂ්ට සංගීතඥයක වූ සරත් ප්‍රනාන්දු නිර්මාණවේදියාට උපහාරයක් ලෙස ඔහු සංගීතවත් කළ ‘‘නිල් අහස් තලේ’’ ගීතයද මෙහිදී වැයෙනු ඇත.

ප්‍රදීප් ශ්‍රී ජයවර්ධනපුර සරසවියේ සංගීතය හා නිර්මාණාත්මක තාක්ෂණය යන නමින් නව අධ්‍යයනාංශයක් බිහිකර එහි නිර්මාතෘ හා අංශ ප්‍රධාන තනතුරෙහි වැඩ භාරගෙන නව විෂයමාලා හඳුන්වා දී උපාධි වැඩසටහනක්ද ආරම්භ කළේය. සංගීත සිසුන්ට ශීඝ්‍රයෙන් වෙනස්වන සංගීත ලෝකයට සරිලන අධ්‍යාපනයක් දීමට ඔහු පුරෝගාමී විය. 2003 දී සංගීත තාක්‍ෂණය තම විෂය මාලාවලට ඇතුළත් කිරීමෙන් රාජ්‍ය විශ්වවිද්‍යාල පද්ධතියට මුලින්ම සංගීත තාක්ෂණය හඳුන්වා දුන් අධ්‍යාපනඥයා වන්නේද මහාචාර්ය ප්‍රදීප් වීම විශේෂත්වයකි.

මහාචාර්ය ප්‍රදීප් තම ‘‘ප්‍රදීපාංජලී’’ ප්‍රසංගය ලොව විශිෂ්ට ස්ථානවල පවත්වා විශිෂ්ට සංගීතඥයන් අතර ඉහළ තැනක් හිමිකරගෙන තිබේ.

(*** යහම්පත්)

 



අදහස් (0)

සරසවියට සංගීත තාක්ෂණය හඳුන්වා දුන්නේ මමයි

ඔබේ අදහස් එවන්න

විශේෂාංග

පරිත්‍යාග රැසක් සිහිකරන හජ් වන්දනාව
2024 ජුනි මස 17 62 0

ලොව පුරා වෙසෙන මුස්ලිම් බැතිමතුන් ඉමහත් බැතියෙන් සමරන හජ් උත්සවය අදට (17) යෙදී ඇත. මෙම ලිපිය පළ වන්නේ ඒ නිමිත්තෙනි.


මෝදිගෙන් ගතයුතු පාඩම්
2024 ජුනි මස 17 207 0

ඉන්දියාවේ ලෝක් සභා මැතිවරණය, දෙවතාවක් අගමැති ධුරය හෙබවූ නරේන්ද්‍ර මෝදි හා නේරු පවුලේ බලයේ උරුමකරු වූ රාහුල් ගාන්ධි යන ප්‍රධාන තරගකරුවන් දෙදෙනාම කනස්


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 61 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


හිටිගමන් මතක් වූ දහතුන
2024 ජුනි මස 15 284 1

උතුරේ ඇතැම් දේශපාලනඥයන් ඉදිරි ජනාධිපතිවරණය වර්ජනය කරන්නේද නැත්නම් වෙනම දෙමළ පොදු අපේක්ෂකයකු ඉදිරිපත් කරන්නේදැයි විවාද කරමින් සිටින අතර තුර දකුණේ ප


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 189 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


ලංකාවේ උසස් ප්‍රේක්ෂකයන් සිටීම අසිරිමත්
2024 ජුනි මස 14 432 0

‘‘සහන්‍යා පදනම ශ්‍රී ලංකා’’ හා ‘‘සිද්ධිවිනායක් සිනෙ ආර්ට්ස්’’ වෙනුවෙන් කෞශල්‍යා වික්‍රමසිංහ සංවිධාන කරන ‘‘සුබ්‍රමනියා ග්ලෝබල් ෆියුෂන්’’ ප්‍රසංගය


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3043 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2493 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site