ඉන්දියාව අපූරු රටකි. මිහිපිට ස්වර්ගය මෙන්ම අපාය ද එහි ඇත. එය විවිධ භාෂා, සම්ප්රදායන්, සංස්කෘතීන් හා ආගම්වලින් පිරුණකි. එහි වෙසෙන ජන වාර්ගිකයන් අතර අගෝරි සාධුවරුන්ට හිමි වන්නේ සුවිශේෂී ස්ථානයකි. ඒ ඔවුන්ගේ සුවිශේෂී ජීවන රටාව හේතුවෙනි. මොවුහු සාම්ප්රදායික හින්දු දහමට විරුද්ධ වූවන් ය. මිනිස් මාංශ අනුභවය, සතුන් බිලි දීම හා මිනිස් හිස්කබල් උපයෝගී කර ගනිමින් කරන ආගමික වතාවත් සහ මත්පැන් හා මිනීමස් භාවිත කරමින් සිදු කරන පූජාකර්ම හා අද්භූතජනක වත්පිළිවෙත් මානව සංකල්පරූප ඉක්මවා යන්නකි.
අගෝරි යන නාමය බි`දී ඇත්තේ අගෝර් යන සංස්කෘත වදනිනි. අගෝර් යන්නට විවිධ අරුත් ඇත. ‘මතකයෙන් බැහැර නොවන’ ‘දරුණු නොවන’ නැතිනම් ‘අ`දුරින් තොර’ යන අරුත් එයින් ගම්ය වෙයි. අගෝරි සාධුවරුනට අනුව නම් එහි අරුත ‘බියෙන් තොර වූ’ හා ‘හිංසනයෙන් වියුක්ත වූ’ යන්න ය. එම අර්ථකථනය අනුව අගෝරි සාධුවරුන් බියෙන් හා ජුගුප්සාවෙන් තොර පුද්ගලයන් විය යුතු වුව ද ඔවුන්ගේ පූජාකර්ම ජනතාව බිය ගන්වන හා ජුගුප්සාජනක ඒවා ය. ඔවුහු ශිව දෙවියන්ගේ අනුගාමිකයෝ ය. ශිව යනු සියලූ දෙවිවරුන් අතරින් බලවත්ම දෙවියා හා සියල්ල විනාශ කරන්නකු ලෙස ප්රකටය. ඔවුන්ගේ විශ්වාසය අනුව සෑම මිනිසකුගේම හදවත ශිව දෙවියන් ය. එහෙත් ඒ වටා ඉන්ද්රිය පිනවීම, කෝපය, ලෝභය, සිත තුළ ඇති හැ`ගීම්, බිය, වෛරය, ද්වේශය වැනි බැ`දීම් රැුසක් පවතී. අගෝරි සාධුවරයකුගේ ප්රධාන අරමුණ මෙම බැ`දීම්වලින් විනිර්මුක්ත වීම ය. අමු සොහොනක වාසය කිරීම තුළින් බිය සහ ලිංගික ආසාවන් තුරන් කිරීම හා නිරුවත්ව සිටීම තුළින් ලජ්ජාව නැති කිරීම අරමුණු වෙයි. මේ සියල්ලේ අපේක්ෂාව මෝක්ෂය සාක්ෂාත් කර ගැනීම ය.
අගෝරි සාධුවරු විශ්වයේ සරල නීතිය අනුව ජීවත් වෙති. මේ මායා ලෝකයේ ජීවිතය මරණයෙන් අවසන් වන බව ප්රත්යක්ෂ කරමින් ඔවුහු නිරුවතින් සැරිසරති. ආදරය, වෛරය, ඊර්ෂ්යාව සහ මමංකාරය වැනි මිනිස් හැඟීම්වලින් විනිර්මුක්ත මොවුහු තමා විසින්ම සියල්ල අවබෝධ කර ගැනීම මඟින් සම්බෝධියට පත්වීම අරමුණු කරගෙන සිටිති. ඒ ස`දහා ඉතා උසස් අයුරින් සියලූ පූජාකර්මවල නිරත වෙති. දෙවියෝ සියලූ දෙය තුළ වාසය කරන බව ඔවුහු අදහති. ලොව ඇති සියල්ල ශුද්ධ වස්තු ලෙස සලකන මොවුහු සෑම මොහොතක්ම සුබ මොහොතක් ලෙස සලකති.
ඔවුනට පවුල් බැ`දීම් නැත. ජීවිත කාලය පුරා අමු සොහොනක වාසය කරමින්, මිනී හිස්කබලක ආහාර පාන ගනිමින් ජීවිතය ගෙවති. ඔවුන්ගේ ජීවන රටාව අපට අනුමත කළ නොහැකි වුව ද දෙවියන් සොයාගත හැකි සැබෑ මාර්ගය ඇත්තේ එම ජීවන රටාව තුළ යැයි ඔවුහු අදහති. තාන්ති්රක හින්දු දහමේ ප්රධාන සංඝටකයන් අතුරින් ශිව ශක්ති (විශ්වය මැවීම), ඉච්ඡුා ශක්ති (චේතනාවේ බලය) ගයාන් ශක්ති (දැනුමේ බලය), කි්රයා ශක්ති (කාර්යය බලය) යන ශක්තීන් පමණක් විශ්වාස කරන අගෝරි සාධුවරු ශිව දෙවියන්ගේ සංකේතයක් වන බහිරව දෙවියන්ට පුද පූජා පවත්වති.
ඔවුන්ගේ පි්රයතම ආහාරය වන්නේ ගංගානම් ගංගාව දිගේ් පාවී එන කුණු වූ මිනිස් මළ සිරුරු ය. ඒ හැර මිය ගිය සතුන් හා ඉවත දැමූ ආහාර වළ`දති. මොවුන් ආහාර ගැනීම ස`දහා භාවිත කරන්නේ මිනිස් හිස් කබලකි. ඔවුන් ගිනි මෙලවීම ස`දහා භාවිත කරන්නේ චිතක දැල්වීමෙන් පසු ඉතිරි වූ දැව ද`ඩු ය. සිරුර වසන්නේ මළ සිරුරු ඔතා ඇති පිළිවලිනි. ගත තවරන්නේ දැවුණු මළමිනීවලින් ශේෂ වූ අළු ය. විවිධ ඇට වර්ගවලින් තැනූ අභරණ පළ`දිති. ශිව දෙවියන් අදහන අගෝරින්්ට නිවාස නැත. ඔවුන්ගේ වාසස්ථාන වන්නේ අමු සොහොන් ය. හින්දු සාධුවරුන් අතර ඉතා භයානක හා අන්තගාමී සාධුවරුන් ලෙස මොවුන් පිළිගැනෙයි. කාලි, දුර්ගා, කමක්්ය හෝ චම්මුණ්ඩ වැනි දේවතාවියන් පිදීම ස`දහා පවත්වන තාන්ත්රික කි්රයාකාරකම් සමඟ සතුන් සහ මිනිසුන් බිලිදීම, මිනී මස් අනුභවය වැනි ශිව දෙවියන්ගේ කි්රයාකාරකම් සමඟ සබ`දතාවක් පවතී.
අගෝරි සාධුවරු 14 වැනි සියවසේ ජීවත් වූ කපාලික නම් ශිව භක්තිකයන්ගෙන් විභේදනය වූ පිරිසක් ලෙස සැලකේ. වර්තමාන අගෝරින්ගේ පුරෝගාමියා ලෙස සැලකෙන්නේ කිනා රාම් ය. ඔහු 18 වැනි සියවසේ වාසය කළ වසර 150කට වැඩි කලක් ජීවත් වූ අගෝරි සාධුවරයෙකි. අගෝරි සාධුවරුන්ගේ ප්රධානතම පුද භූමිය වරාණාසියේ රවීන්ද්රපූරියේ පිහිටා ඇති කිනරාම් ආශ්රමයයි. කිනා රාම්ගේ සොහොන පිහිටා තිබෙන්නේ මෙම ආශ්රමයේ ය. අගෝරි සාධුවරු සහ අගෝරි බැතිමත්තු මෙම ස්ථානයට වන්දනාමාන ස`දහා පැමිණෙති.
අගෝරි සාධුවරයකුගේ ජීවිතය පහසු වුවක් නොවේ. අගෝරි සාධුවරයකු වීමට ගුරු සාධුවරයකුගේ මඟ පෙන්වීම යටතේ වසර 12ක් නොකඩවා භාවනා කළ යුතු ය. අධ්යාත්මික ශක්තියකට ළඟා විය හැක්කේ ඉන් පසුව ය. අගෝරි සාධුවරයකු වීමට අපේක්ෂා කරන්නා නීති රීති රැුසක් අනුගමනය කළ යුතු ය. ප්රථමයෙන් ඔහු ගුරු සාධුවරයකු සොයා ගත යුතු ය. ඉන්පසු ගුරු සාධුවරයාගේ සියලූ බැල මෙහෙවර කරමින් ඔහු සමඟ කාලය ගෙවිය යුතු ය. ‘කප්පල’ නමින් හැ`දින්වෙන මිනිස් හිස් කබලක් සපයා ගැනීම ඔහුගේ ඊළඟ රාජකාරිය වෙයි. යෝගියකු බවට පත්වන තෙක් ඔහු සතු එකම පූජාකර්ම භාණ්ඩය වන්නේ එය පමණි. ශිව දෙවියන්ගේ ස්වරූපය සංඛේතවත් කරමින් තම සිරුරේ අළු තැවරීම කළ යුතු ය. අවසන් වෘතය වන්නේ කුණු වූ මිනිස් මළ සිරුරු අනුභව කිරීම සහ මළ සිරුරක් මත භාවනාවයි. ඔවුන් පානය කරනුයේ සතුන්ගේ මුත්ර ය.
බැතිමතුන් විශ්වාස කරන අයුරින් අගෝරි සාධුවරු සතුව සුවකිරීමේ හැකියාවක් පවතී. අගෝරි සාධුවරයකුගේ සිරුර සහ මනස එක්තැන් කිරීම තුළින් ලබා ගන්නා ශක්තිය මඟින් කෙරෙන එම සුව කිරීම ඔවුන් හ`දුන්වන්නේ රූපාන්තරණ සුවකිරීමක් ලෙසිනි.
දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ කෙසේ සිදුවේවිදැයි යනුවෙනි. කාදිනල්වරුන්
ඉකුත් 6 වැනිදා පැවැති පළාත් පාලන මැතිවරණවල ප්රතිඵල පිළිබඳව මෙරට දේශපාලන පක්ෂ කරන විග්රහ අනුව බලන කල මෙම මැතිවරණයෙන් සෑම පක්ෂයක්ම ජයග්රහණය කර ඇත.
පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා
අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව
මාලිමා ආණ්ඩුව මෙවර පළාත් පාලන මැතිවරණ ප්රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො
දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
මිනී මස් කන සාධුවරු
බක්ති Saturday, 20 December 2014 11:01 AM
ඉන්දියාවේ තියන්නේ විවිධ ආගම ,ඇදහිලි ,විශ්වාස ,ජාතින් , කුල ගෝත්ර විශාල ගණනක් තිබෙන රටක් .අපිට මේවා අලුත් දවල් වුනාට එම රටේ අයට මේවා සාමාන්ය දේවල් .බුදු දහමට අනුව මේ අය මිත්යාදුෂ්ටිකයන්.ඔවුන් මේ ගෙවන්නේ පව්කාර ජීවිතය .මේවා කරලා සංසාරයේ කෙළවරක් දැකීම වෙනුවට තව තවත් සසර දුක් විඳවමින් දිගු කරගන්නවා . ජිවිතයේ සැබෑ සත්ය කියා දෙන්නේ දුදු දහම තුලින් පමණයි.එම නිර්මල දහම අනුගමනය කිරීම සියලු දෙනාටම යහපත්ය,සසර දුකින් මිදීමට ඇති එකම පිළිසරණ එය පමණකි.(හේ) .
ලාල් Friday, 19 December 2014 07:37 AM
මෙවැනි මිනිසුන් මිය ගියවිට ඒකාන්තයෙන්ම තිරිසන් ලෝකයේ හෝ පෙරේත ලෝකයේ හෝ අසුර ලෝකයෙහි උපත ලබයි. ඒ ඔවුන්ගේ සියලු ක්රියාවන් ඒ ඒ ලෝකවල පරිදිම සිදුකරන බැවිනි. මේ දේවල් දකිමින් වහ වහා යථාර්තය හා චතුරාර්ය සත්ය අවබෝධ කොටගන්නට මේවා උපකාරයක්ම වේවා. නමෝ බුද්ධාය. (නදී)
හේරත් Wednesday, 24 December 2014 04:48 AM
බුදුන් ඉපදුන රට........ මෙහෙම අයත් ඉන්නවාද? (නි)
මැටිපහන Thursday, 18 December 2014 01:16 PM
මේක විස්වාස කරන්න අමාරුයි. (ර)
ටානියා Monday, 29 December 2014 05:06 PM
වැදගත් ලිපියක් (නි)
කැලුම් Sunday, 21 December 2014 10:54 AM
අපේ මෙහෙමත් මිනිස්සු.අපේ මස් අපිම කනවා වගෙනේ.(හේ)
නෙත්මි Sunday, 21 December 2014 10:54 AM
මේ වගේ රටකද අපේ ගෞතම බුදුන් වහන්සේත් ඉපදුනේ.(හේ)
නෙත්මි Sunday, 21 December 2014 10:54 AM
ඉන්දියාව පුදුමාකාර රටක්නේ. (හේ)
සදුනි Thursday, 18 December 2014 03:32 PM
අපොයි! වැඩිය හිතන්න ඕනෑ නැහැ. මේක ඉන්දියාවනේ. (නි)
සෑම් Saturday, 20 December 2014 05:27 PM
මෙම ලිපිය කියවන සැමදෙනාම රේරුකානේ චන්දවිමල හිමියන්ගේ අභිධර්ම මාර්ගය කියන පොත කියවන්න.එහි දක්වා ඇත්තේ ලොව්තුරා බුදුන් දෙසා වදාළ අභිධර්මයයි.ලෝක සත්යය වටහාගන්න ලැබේවි (නි)
සංජය Friday, 19 December 2014 09:44 AM
ඉන්දියාව කියන්නේ නම් මිහිපිට අපායම තමා. (නි)
අානන්ද Thursday, 18 December 2014 05:04 PM
ගංගා නම් ගඟේ කියන හරියට විතරයි බැලුවේ. වමනේ යන්න ආවා. ඉතුරු ටික බැලුවේ නෑ. (නදී)
කෙනත් Thursday, 18 December 2014 05:56 PM
බුද්ධ කාලයේ පවා මේ වගේ ආගමික විශ්වාස ඉන්දියාවේ තුබුනා. බුදුරජාණන් වහන්සේගේ සද්ධර්මය අසා අවබෝධකරගත් සමහරු මේ මිත්යාවන් අතහැර කෙළෙස් ප්රහීන කර සසරින් මිදුනා. මිනිසා තුළ නොවෙනස්වන සදාකාලික ආත්මයක් ඇතැයි යන්න මේ අයගේ මෙන්ම බොහෝ පෙර සිටි සාධුවරුන්ගේත් පිළිගැනීම විය. (නි)
ජීවා Thursday, 18 December 2014 06:04 PM
මේ ලිපිය බලලා මට වමනය යන්න වගේ ආවා (නි)
සනත් Thursday, 18 December 2014 06:26 PM
මොන පවක්ද මේක? (නි)
මංජුල Friday, 19 December 2014 11:19 AM
මොකක්ද මේ ජිවිතේ.(හේ)
ප්රියන්ත Friday, 19 December 2014 12:46 PM
මෙවැන්නන් විනාශ කළ දැමිය යුතුයි (නදී)
ලසිත් Friday, 19 December 2014 12:27 AM
නමුත් බුදුහාමුදුරුවෝ කිවුවේ මැදුම් පිළිවෙතෙන් විතරයි නිවන් දකින්න පුළුවන් කියලා. මළකුණු කාලා අන්තිමට ලබාගන්න පුළුවන් වෙන්නේ මාරාන්තික ලෙඩදුක් පමණක් වෙන්න පුලුවන් (නි)
ශාන සෞදි Saturday, 20 December 2014 07:45 AM
ඉන්දියාව කියන්නේ නම් මිහිපිට අපායම තමා. ලෝකෙට පරකාසේ ගෙදරට මරගාතේ වගේ මිහිපිට ස්වර්ගය මෙන්ම අපාය ද එහි ඇත. (අ)