කිලිනොච්චිය මුලතිව් කොටින්ගේ මහ බළ කොටු වශයෙන් පැවති කාලයේ මාධ්යවේදියකු වශයෙන් ඒ ප්රදේශවල සංචාරය කළ අවස්ථා බොහෝ විය. වවුනියාව ඕමන්ත අපේ හමුදා මුරපොළ පිරික්සීම් වලින් පසු යුද මුක්ත කලාපය ඔස්සේ ගොස් කොටින්ගේ මුරපොළ වෙත පැමිණි පසු උන්ගේ ඊළාම් රාජ්යයට ඇතුළුවීම සඳහා වීසා ගැනීම දකුණේ සිට ඕනෑම අයකුට අනිවාර්යමවෙති දකුණේ සිට යන ඕනෑම ජගතෙකුට මෙම වීසා බලපත්රය ලබා ගත යුතු අතර ඒ සඳහා මුදල් ද ගෙවිය යුතුය. දැඩි පිරික්සීම් ඡායාරූප ගැනීම් සහ වීඩියෝගත කිරීම්වලින් පසු කොටින්ගේ ඊළාම් සිහින රජ්යයට ඇතුළුවීම සඳහා වීසා බල පත්රය නිකුත් කරනු ලැබේ. මත්පැන් බෝතල්, සිගරට් පැකට් හෝ වෙනත් බඩු බාහිරාදිය බොහොමයක් කොටි කප්පම් මුදල් ලබාගනිති. මෙම කාරිය ඉටුකරනු ලබන්නේ කොටින්ගේ රේගු අංශය විසිනි. කොටින්ගේ රේගු අංශය විසින් ලබාගන්නා මෙම මුදල් කප්පම් වශයෙන් සඳහන් නොකරන ලෙස එක් කොටි නායකයකු එක් අවස්ථාවකදී කළ ඉල්ලීමක් මගේ මතකයේ තවමත් රැඳී පවතී. කොටින්ගේ ඊළාම් සිහින රාජ්යයට ඇතුළු වී නැවත පිටව යනතෙක් ඒ වීසා බලපත්රය ළඟ තබා ගැනීම අත්යවශ්යය. එය ළඟ තබා නොගැනීම බොහෝවිට කොටින්ගේ හිරේ විලංගුවේ වැටීමට හේතුවනවා ඇත. කොටින්ගේ ඊළාම් සිහින රාජ්යයට ඇතුළු වූ පසු ක්රියාත්මක වන්නේ දකුණේ අපට බලපාන නීති රීති හෝ අණ පනත් නොවේ. එහි ඇත්තේ කොටිනායකයන් විසින් පනවන ලද අණ පනත් හා නීති රීති ය. එහි එදා රජකළේ කැලෑ නීතිය වුවත් කොයි කවුරුත් ඒ නීතියට අවනත විය යුතුය. කොටි නායකයාව සිටි වේලූ පිල්ලේ ප්රභාකරන් දෙස් විදෙස් මාධ්යවේදීන් හමුවට පැමිණ මාධ්ය සාකච්ඡාවක් පවත්වනු ලැබුවේ එවකට පැවති ඒ එජාප රජය සමග පැමිණි සාම ගිවිසුමෙන් පසුවය. කිලිනොච්චිය වට්ටකච්චියේදී පැවති මෙම මාධ්ය සාකච්ඡා සඳහා ලෝකයේ බොහෝ රටවලින් මාධ්යවේදීන් විශාල පිරිසක් සහභාගි වූ අතර මේ මගින් කොටි සංවිධානය එදා වෙනම රාජ්යයක් පවත්වාගෙන යන බව මුළු ලෝකයාටම පෙන්වීමට අවස්ථාවක් කරගත් බව පැහැදිලිවම පෙනී ගිය කරුණකි. ප්රභාකරන් සහභාගිවන මාධ්ය සාකච්ඡාවට පැවති ස්ථානයට එදා අපව රැගෙන ගියේ දැඩි ආරක්ෂක රැකවල් මැද්දේය. දුඹුරු වීදුරු සහිත බස් රථවල නංවාගෙන විශාල ආරක්ෂක ජාලයක් එදා ක්රියාවට නංවා තිබුණ බව අපට දැන ගැනීමට ලැබිණි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ප්රභාකරන්ගේ එදා මාලිගාව අද
ඩිලාන් Monday, 09 January 2012 03:59 AM
ප්රභාකරන් සැප විදලා. අහංසක දෙමල ජනයා දුක් විදලා
ishanka Wednesday, 11 January 2012 10:06 AM
සබන් ගාලද නෑවේ
දැදිගම Wednesday, 11 January 2012 11:33 AM
ප්රභාකරන්... මේ නමටත් මම වෛර කරනවා
අමිල Friday, 13 January 2012 01:23 PM
ඔය දේ වෙන්න තිබුණේ මීට කලින්.
Sam Friday, 13 January 2012 06:32 PM
ඇයි මේ ඡායාරූපවල තියෙන නාමපුවරු සිංහල/ඉංග්රීසිවලින් විතරක් තියෙන්නේ?
ප්රියන්ත Saturday, 14 January 2012 02:08 PM
ජනපතිට පින්සිදු වේවා
අමල් පෙරේරා Sunday, 15 January 2012 04:50 PM
අපේ සරත් ෆොන්සේකාට පින්සිදු වේවා!
ප්රියලාල් Thursday, 12 January 2012 10:23 AM
දිට්ඨ ධම්ම වේදනීය කර්මය
සමීර් Thursday, 12 January 2012 11:51 AM
සක්කරයට උණත් පව් පළ දෙනවා