‘‘පුළුල් නළල් තලය පසු කොට පීරා හළ කළු වන් කෙටි කෙස් කළබ විසුරුවා තම තියුණු පැහැදිලි නෙත් සඟළ සභාව කෙරෙහි රඳවමින් පිළිරැවු දුන් තම වදන් පෙළ අනුව සිය දිගු දුඹුරුවන් ඇඟිලි ලෙළවමින් ඔහු ධර්ම ප්රචාරකයකුගේ ඒකාන්ත ප්රතිමුර්තියක් පළ කළා මතු නොවේ. සමස්ත ශිෂ්ට ලෝකයේහි ආසියාවේ ආලෝකය පතුරුවා හැරීමෙහි හා සකල බුද්ධ ශ්රාවකයන් සුස්ථිත කරනු ද සඳහා අරඹන ලද ව්යපාරයක නායකත්වයෙහි මෙබදු පුද්ගලයකු සිටිනු දකින්නට ලැබීම රොමෝද්ගමනය ඇතිකරවන්නක් ද විය.’’ ඇමෙරිකාවේ චිකාගෝ නුවර දී 1893 වසරේ පැවැති ලෝක ආගම් සමුළුව අමතා ශ්රීමත් අනගාරික ධර්මපාලතුමන් කළ විශිෂ්ට දේශනය සෙන්ට් ලූවි ඔබ්සර්වර් පුවත් පත වාර්තා කළ අයුරුයි ඒ.අනගාරික ධර්මපාලතුමා කළ සේවයන් අතර අපේ රට අවුරුදු 300 ට වැඩි කාලයක් මුළුල්ලේ විදේශිකයන්ගේ බලපෑමට යටත්ව තිබූ අවධියේ අකී්රයව තිබූ ලක්දිව බුදු සමය හා සිංහල සංස්කෘතිය පණ ගැන්වීම ප්රධාන වෙයි.එතුමන්ගේ ඒ උදාර අරමුණ ලක්දිව පුරා ව්යප්ත කරලීමේ මහගු කාර්යයට අමිල වස්තුවක් වූයේ සෝබන මාලිගාවයි. මෙම මහගු ජාතික වස්තුව බණ්ඩාරගම වීදියගොඩ ඞී.ඩබ්.හපුආරච්චි මහතා සන්තකයේ තිබෙන බව දැනගත් මහා බෝධි සංගමයේ උප සභාපති අග්රශ්රාවක මහා විහාරාධිපති හා ජපානයේ ප්රධාන සංඝනායක බානගල උපතිස්ස නාහිමි සහ එහි විධායක සභික මදුරාසි මහා බෝධි මධ්යස්ථානයේ විහාරාධිපති සහ නුගේගොඩ නාලන්දාරාමාධිපති තිනියාවල පාලිත හිමි එම රථය ලබාගත්හ.පසුව ශ්රී ලංකා යුද හමුදාවේ මේජර් ජනරාල් නීල් ඩයස් මහතාගේ අධීක්ෂණය යටතේ ශ්රී ලංකා යුද හමුදා විදුලි හා යාන්ත්රික ඉන්ජිනේරු බලකායේ ලූතිනන් කර්නල් තිස්ස ජයසූරිය මහතා ඇතුළු කාර්ය මණ්ඩලය විසින් එදා තිබූ ආකාරයන්ම ප්රතිසංස්කරනය කරනු ලැබ මරදාන මාලිගාකන්ද මහා බෝධි සංගම් මූලස්ථානයහි මහජන ප්රදර්ශනය සඳහා තැන්පතව තිබේ.
නිෂ්පාදිත රට | ඇමරිකාව |
නිෂ්පාදිත ආයතනය | ජනරල් මෝටර් කම්පැණි |
වාහන වර්ගය | ජී එම් |
සීමොඩලය | ටී 20 |
ලියාපදිංචි අංකය | ජී-406 |
චැසි අංකය | 7439 සී |
බර | 6600 එල් බී එස් |
චැසි අංකය | 7439 සී |
දිග | අඩි 19 අගල් 6 |
පළල | අඩි 6 |
උපරිම ධාවන වේගය | පැයට සැතපුම් 35 |
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ධර්මපාල චාරිකා රථය හෙවත් සෝබන මාලිගාව
සංජීව ජගත් Wednesday, 21 September 2011 08:41 AM
පැරණි වාහන එකතුවක්නමි හොදයි.
දමිත රණසිංහ Wednesday, 21 September 2011 09:20 AM
මෙය කෞතුක වස්තුවක් සේ තබාගෙන සිටිනවාට වඩා, ධර්මපාල තුමන් මෙම රථය යොදාගෙන සමාජයට කළ සේවය යළිදු පණගැන්වීමක් මම බලාපොරොත්තු වෙමි.
පවන් Tuesday, 13 September 2011 08:15 PM
මමත් හරි ආසයි මේවට
ජයවීර Wednesday, 14 September 2011 10:58 AM
හරිම ලස්සනයි ඒත් ඇයි මේක ඇමරිකාවේ හැදුවේ අපේ නිර්මාණයක් වගෙයි