පොළොන්නරුවේ දෙමළ මහා සෑය ඉදිකැර ඇත්තේ මෙතෙක් සිතා සිටි ආකාරයට නොවන බවත් එය කිසිදු ඉදිකිරීමකට දෙවැනි නොවන විශ්මිත නිර්මාණයක් බවත් මධ්යම සංස්කෘතික අරමුදලේ අධ්යක්ෂ ජනරාල් මහාචාර්ය ගාමිණී අධිකාරී මහතා පවසයි.
11 වැනි හා 12 වැනි සියවස් වල දී සාදා ඇති දෙමළ මහා සෑයට ඒ නම ලැබී ඇත්තේ මහා පරාක්රමබාහු රජු ඉන්දියාවේ ප්රදේශ කිහිපයක් ජයගෙන අල්ලාගෙන ආ දෙමළ වහලුන් 12,000 ක් යොදා ඉදිකරන ලද බැවින් යැයි ද එය දකුණු ඉන්දියාවට පෙනෙන උසකින් ඉදිකරන ලද බව ද වංශකතාවේ දැක්වේ. දාගැබේ වටප්රමාණය රියන් 1300ක් හා උස අඩි 1000ක් වූ බව ද පැවසේ. එය ගරාවැටී ඇති බැවින් නිශ්චිත මිනුම් දැනගත නොහැකියැයි පර්යේෂකයෝ කියති.
1984 දී සහ 1991 දී මෙහි කැණීම් සිදුකැර ඇති අතර කැණීමේ දී චෛත්ය මධ්යයෙන් බොරළු මතුවී ඇත. බොරළු ඇත්තේ පිහිටි පොළවේ යැයි තිබූ මතය හේතුවෙන් එකළ පුරාවිද්යාඥයන් නිගමනය කැර ඇත්තේ කන්දක් වටකැර ගඩොල් බැඳීමෙන් දාගැබ සාදා ඇති බවයි.
දැන් එහි කැණීම් සිදුකරන ආචාර්ය නිමල් පෙරේරා ඇතුළු පර්යේෂකයන් පවසන්නේ එම මතය ඉවත දැමීමට සිදුවන බවයි. අක්කර තුනහමාරක පමණ භූමියක පැතිර ඇති මේ දාගැබ කැණීමේ දි පෙනීගොස් ඇත්තේ දාගැබ තැනීමට කන්දක් වටකැර නැති බවයි. අඩි හැටක් පමණ උස එවැනිම පළලක් ඇති වෘත්තාකාර විශාල බැම්මක් බැඳ ඒ මැද පස්වලින් පුරවා මේ දාගැබ තනා ඇත.
ආචාර්ය නිමල් පෙරේරා මහතා ඒ ගැන මෙසේ කියයි.
‘‘ කන්දක් වටකරලා ගඩොල් යොදා දාගැබක් හැදීම 12,000ක් වහළුන්ට පහසු දෙයක්. නමුත් මේ දාගැබ සාදා තිබෙන්නේ පිළිස්සූ මැටි ගඩොලින් ඉදිකර විශාල වෘත්තාකාර ප්රාකාරයක් මැදට පස් පිරවීමෙන්. දාගැබ සෑදීමට අපූරු තාක්ෂණයක් භාවිතා කර තිබෙනවා. දාගැබේ මධ්යය පිරවීමට පස්, බොරළු, කුඹුරු මැටි, වැව්වල රොන් මඩ ආදී බොහෝ ද්රව්ය භාවිතා කරලා තිබෙනවා. එහි ඇති විශේෂත්වය තමයි මේ දාගැබට අඩියක පමණ පස් හෝ මඩ තට්ටුවක් දාලා එයට ජලය යොදමින් අඩිය අඟලකට තළලා. ඇතැම් ස්තානවල බොරළු තට්ටුව සෙන්ටිමීටර පහක් පමණ ඝනකමට තිබෙනවා. මෙය ඉතා ශක්තිමත් දාගැබක්. විශාලත්වය අනුව සැළකූ විට මේ තාක්ෂණය ඒ සඳහා මනාව ගැලපෙනවා. දාගැබ මධ්යයේ කැණීම් කරන විට වළං කැබලි, පොළොන්නරුවේ ම ගොඩනැගිලි වලින් ඉවත් කළ කොටස් පවා තිබෙනවා. ඒ වගේ ම ප්රාග් ඓතිහාසික මානව සාධක හමුවන රතුවන් දුඹුරු පස් සහිත ප්රදේශයෙන් ද පස් ගෙනවිත් තිබෙනවා. මේ දාගැබේ තිබී ප්රාග් ඓතිහාසික ශිලා මෙවලම් පවා අපට හමුවුණා.“
පුරාවිද්යාඥයන්ගේ මතය වන්නේ අඩි හැටක් පමණ උසකින් සමතලා ආකාරයට ඉදිකරන ලද දාගැබ මධ්යෙය් හතරැස් මළුවක තවත් කුඩා දාගැබක් තිබෙන බැවින් මෙය දෙමහල් දාගැබක් බවයි.
කැණීම් ව්යාපෘතියේ කළමනාකරු ලෙස තිලක් දුනුවිල මහතා ද, ප්රධාන කැණීම් භාර නිලධාරී වරයා ලෙස ප්රියන්ත සිසිල් කුමාර මාරසිංහ මහතා ද ජ්යේෂ්ඨ කැණීම් භාර නිලධාරීවරයා ලෙස ඒ.වී.එල්. ද මෙල් මහතා හා ඒ.එම්.ඩී.කුමාරි අලහකෝන් මහත්මිය ද කරටුයුතු කරති.
පර්යේෂකයන් පවසන්නේ අහසින් වැටෙන එකම දියබිඳුවක් හෝ ප්රයෝජනයට නොගෙන මුහුදට ගලායන්නට ඉඩ දෙන්න එපා යැයි කියූ මහා පරාක්රමබාහු රජු එකම පස් පිඬක් හෝ අපතේ යැවීමට ඉඩ දී නොමැති බව දෙමළ මහා සෑයේ ඉදිකිරීම්වලින් පෙනෙන බවයි.
දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ කෙසේ සිදුවේවිදැයි යනුවෙනි. කාදිනල්වරුන්
ඉකුත් 6 වැනිදා පැවැති පළාත් පාලන මැතිවරණවල ප්රතිඵල පිළිබඳව මෙරට දේශපාලන පක්ෂ කරන විග්රහ අනුව බලන කල මෙම මැතිවරණයෙන් සෑම පක්ෂයක්ම ජයග්රහණය කර ඇත.
පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා
අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව
මාලිමා ආණ්ඩුව මෙවර පළාත් පාලන මැතිවරණ ප්රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො
දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
දෙමළ මහ සෑයේ රහස් වසර 1000 කට පසු
හැරල්ඩ් Monday, 01 September 2014 04:46 PM
අපි මෙවන් සම්පත් ආරක්ෂා කරගත යුතුයි (නි)
සම්පත් Saturday, 30 August 2014 11:43 AM
අපේ තාක්ෂණය ඉතිහාසය ගැන වර්තමාන පරපුරට හැගීමක් නැති වීම අභාග්යක් (අ)
ජයන්ත Friday, 29 August 2014 04:50 PM
මේකට මොකද ප්රතිචාර අඩු? (නි)
චාමර Friday, 29 August 2014 05:28 PM
මෙච්චර වැදගත් ලිපියක් වෙලත් අපේ බුද්ධිමත් පාඨකයෝ අදහස් පළකරලා නැහැ. කාලෙකින් දැකපු හොඳම ලිපියකි. (නි)
ධම්මික Friday, 12 September 2014 10:26 AM
මේ තුළ ඇති සියලුම දේ ආරක්ෂා කරමින් නැවත ගොඩනඟන්න හැකිද? (නි)
ශශීමාල් Wednesday, 10 September 2014 10:25 AM
වටිනා ලිපියක්. (නි)
ඩෑම් Tuesday, 09 September 2014 10:57 AM
ජයන්ත, බලන්න මේ "ධම්ම" කියන දේ .... (නි)
සුපුන් මදුරංග Tuesday, 23 September 2014 05:00 PM
ඇත්තටම මැණික් රත්තරන් හම්බු උනොත් ඕවා යන්නේ කාගේ සාක්කුවටද. (නදී)
චමින්ද Wednesday, 10 September 2014 04:02 AM
ඇත්තෙන්ම හොඳ වැඩක් (නි)
ධම්ම Sunday, 31 August 2014 11:48 AM
"එකළ පුරා විද්යාඥයන් නිගමනය කැර ඇත්තේ කන්දක් වටකැර ගඩොල් බැඳීමෙන් දාගැබ සාදා ඇති බවයි". මේ තරම් සරල නිගමනයක් කරන්න එම පුරා විද්යාඥයන් මෙතැන පර්යේෂණයක් කලාද යන්නත් සැක සහිතයි. (නදී)
ධම්මික Thursday, 18 September 2014 04:15 PM
ඉතිහසයේ පිරමීඩ වලට පසු ඉදිවූ විශාලම ඉදිකිරීමක්. ලංකාවට ආඩම්බරයක් (නි)
ලක්මාල් Friday, 05 September 2014 04:01 AM
ගොඩක් වටිනා ලිපියක් (නි)
රෝහණ Tuesday, 09 September 2014 03:09 PM
හැබැයි ඕක ඇතුලේ නිධාන එහෙම තිබුනොත් පොලිසියේ ආරක්ෂාව ඇතුවම අරන් යයි.(ස)
ලියනගේ Monday, 01 September 2014 06:29 AM
රජය මේ සඳහා වැඩිපුර මුදල් යොදවන්න ඕනේ, අපගේ පැරණි ප්රදේශ අාරක්ෂා කර ගන්න. (ස)