2025 මැයි මස 09 වන සිකුරාදා
මෙරට ජාතික ක්‍රීඩාව නොවූව ද ජනප්‍රියම ක්‍රීඩාව ක්‍රිකට්ය. ලෝක සිතියමේ අබැටක් තරම් කුඩා රටක් වුව ද ජාත්‍යන්තරය තුළ අභිමානයෙන් නැගී සිටීමට මේ රටට හැකි වූයේ ක්‍රිකට් ක්‍රීඩාවේ ආනුභාවයෙනි. ජයග්‍රහණ අහිමිව පරාජයේ දුක්ඛිත අත්දැකීම් නොනැවතී විඳින මෙරට ජනයාගෙන් සාතිසය බහුතරයක් සිය ප්‍රමෝදයේ ප්‍රධානම මෙවළම බවට ක්‍රිකට් ක්‍රීඩාව පත්කර ගත්හ. 1996 වසරේ දී අර්ජුන රණතුංග ඇතුළු පිරිවර ක්‍රිකට් ලෝක කුසලානය දිනා ගැනීමත් සමග මෙරට ගම් නියම්ගම් නගර ජනපද සිසාරා ක්‍රිකට් උන්මාදය ගංවතුරක් මෙන් ගලා ගියේය.
ඒ වූ ක්‍රිකට් අද අප රටේ තහනම්ය. වහාම ක්‍රියාත්මක වන පරිදි ශ්‍රී ලංකාවට ජාත්‍යන්තර ක්‍රිකට් ක්‍රීඩාවේ යෙදීම ජාත්‍යන්තර ක්‍රිකට් කවුන්සිලය තහනම් කර ඇත. නිලවරණයකින් පත් වූ නිලධාරී මණ්ඩලයකට කටයුතු කරගෙන යාමට ඇති දේශපාලන බලපෑම් හේතුවෙන් ජාත්‍යන්තර ක්‍රිකට් කවුන්සිලය මෙම තීරණය ගෙන ඇති බව ද සඳහන්ය.
ක්‍රීඩා අමාත්‍ය රොෂාන් රණසිංහ මහතා ප්‍රකාශ කර සිටියේ ජාත්‍යන්තර ක්‍රිකට් කවුන්සිලය මෙම තීරණය ගනු ලැබුවේ ශ්‍රී ලංකා ක්‍රිකට් ආයතනයේ නිලධාරීන් කළ ඉල්ලීමකට අනුව බවය. ශ්‍රී ලංකා ක්‍රිකට්හි සභාපති ෂම්මි සිල්වා සහ පිරිස පවසන්නේ තමන් එබඳු ඉල්ලීමක් නොකළ බවත් ක්‍රිකට් පරිපාලනයට සිදු කෙරෙන දේශපාලන බලපෑම් හේතුවක් අයි. සී.සී.ය මෙම තීරණය ගත් බවත්ය. හේතුව කුමක් වුවත් දැන් රටේ ක්‍රිකට් තහනම්ය.
මෙම ක්‍රියාදාමය තුළ රට පාවාදුන් දුෂ්ටයන් කවුදැයි සොයා බලා තරාතිරම් බේදයකින් තොරව ඔවුන්ට දඬුවම් කළ යුතුය. තම තමන්ගේ ප්‍රශ්න තම සීමාව තුළ විසඳා ගැනීමේ සමත්කම සියලු පාර්ශ්ව සතුවිය යුතුය. හන්දියේ චන්ඩින් මෙන් හැසිරී වහසි බස් දොඩමින් ප්‍රශ්න විසඳා ගත නොහැක. එහෙත් සිදු වූයේ එයමය. ප්‍රතිඵලය ක්‍රිකට් තහනම් වීමය. අලාභය පොදුවේ මුළුමහත් රටටමය.
ආසියානු කුසලාන අවසන් මහ තරගයේ දී ශ්‍රී ලංකා කණ්ඩායම ලැබූ පරාජයත් සමග ක්‍රිකට් ක්‍රීඩාව සම්බන්ධයෙන් පාර්ලිමේන්තුව තුළ එක්දින විවාදයක් පැවතුණි. මෙවර ශ්‍රී ලංකා කණ්ඩායම ලෝක කුසලාන තරගාවලියට සහභාගි වෙමින් සිටිය දී ක්‍රිකට් සම්බන්ධයෙන් පාර්ලිමේන්තුව තුළ විවාදයක් පැවතුණි. ඒ අතරවාරයේ දී ක්‍රීඩා අමාත්‍යවරයා ක්‍රිකට් පරිපාලනයට අතුරු කමිටුවක් දැමූ අතර ක්‍රිකට් පරිපාලනය එයට එරෙහිව අධිකරණයට ගියේය. අධිකරණය ලබාදුන් තීන්දුවෙන් ක්‍රිකට් අතුරු කමිටුව අහෝසි වී ගිය අතර හිටපු පරිපාලනයටම ක්‍රිකට් ආයතනය බාර විය. ජාත්‍යන්තර ක්‍රිකට් කවුන්සිලය ශ්‍රී ලංකාවේ ක්‍රිකට් තහනම් කිරීමට පියවර ගත්තේ ඔය අතරවාරයේදීය.
ලෝක කුසලාන තරගාවලියක් වැනි අතිශයින්ම වැදගත් තරගාවලියක් ඇතුළත සිදු වූ මෙම ක්‍රියාදාමෙයන් ක්‍රිකට් ක්‍රීඩකයන්ට බලපෑමක් ඇති නොවේ යැයි පැවසිය නොහැක. අපේ කණ්ඩායම වෙතින් අතිශය දුර්වල ක්‍රීඩා රටාවක් මතුවීමට කලක පටන් එන ක්‍රිකට් ආරවුල හේතු වූ බව ද සත්‍යයකි.
වැරැදි කර ඇත්නම් වැරැදිකරුවන්ට එරෙහිව අධිකරණයට යාමට කිසිදු බාධාවක් නැත. ඒ සඳහා වන විධිවිධාන අප රටේ තිබේ. එ මග නොයා නොමග යෑමේ ප්‍රතිඵලය රටේ ක්‍රිකට් තහනම් වීමය. දැන් කවුරුත් කළ යුත්තේ තහනම ඉවත් කර ගැනීමට සද්භාවයෙන් කටයුතු කිරීමය.
(***)
පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා
අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව
මාලිමා ආණ්ඩුව මෙවර පළාත් පාලන මැතිවරණ ප්‍රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො
දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07
ශ්‍රී ලංකාවේ මෑතකදී තේරී පත් වූ ජනාධිපති අනුර කුමාර දිසානායකගේ දේශපාලන සන්ධානය වන ජාතික ජන බලවේගය, බහුතර සිංහල ප්‍රජාවෙන් මෙන්ම සුළුතර දෙමළ ප්‍රජාවෙ
පළාත් පාලන මැතිවරණය ඊයේ අවසන් විය. දැන් ඉතිරි වී ඇති තවත් එක් ප්‍රශ්නයක් වන්නේ රජය විදුලිබිල ඉහළ දමනු ඇත්තේ කවදා ද යන්න සහ කොපමණ ප්‍රමාණයකින් ද යන්නයි.
2025 මැයි මස 09
27
0
ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
2025 අප්‍රේල් මස 29
1294
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
333
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
ජාත්‍යන්තරයෙන් ශ්‍රී ලංකා ක්‍රිකට් තහනම