IMG-LOGO

2024 අප්‍රේල් මස 20 වන සෙනසුරාදා


කෝච්චියේ වඩේ වික්ක ඌවේ අලූත් ඇමැති

   UVA-MAHA-AMETHI_P10

පිළිකාවක් හැදිල මගේ අම්මා මැරෙනකොට මගේ වයස අවුරුදු 6යි. ඊට පස්සේ මගේ පුංචි අම්මා දෙමෝදරට ගෙනැල්ලා මාව ඇති දැඩි කරලා තියෙනවා. පුංචි අම්මා දෙමෝදර වත්තේ තේදළු කඩලා මාත් ඇගේ දරුවෝ හතරදෙනාත් ලොකු මහත් කරන්න ලොකු යුද්ධයක් කළා. ආර්ථික ප‍්‍රශ්න නිසා අධ්‍යාපනය අතරමගදී නතර වුණ තැන කෝච්චියේ වඬේ විකුණලත් තියෙනවා යැයි ඌව පළාත් සභා මැතිවරණයේදී බදුල්ල දිස්ත‍්‍රික්කයෙන් දෙවැනි තැනට මනාප ලබා ක‍්‍රීඩා හා යෞවන කටයුතු, විදුලිබල හා බලශක්ති, පේෂකර්ම හා කුඩා කර්මාන්ත සහ සමුපකාර අමාත්‍යධුරයෙන් පිදුම් ලැබූ චාමර සම්පත් දසනායක මහතා ඉරිදා ලංකාදීපය සමඟ පිළිසඳරකට එක්වෙමින් පැවසීය.

1
ඇල්ලේ චාමර නමින් කොයි කවුරුත් හඳුන්වන මේ පොදුජන හිතවතා සොයා මම දෙමෝදරට ගියෙමි. ඔහුගේ නිවෙස පිහිටා තිබුණේ දෙමෝදර බෝරුකට නුදුරින් වෙළෙඳසල් පෙළක් මැදය. එම නිවෙස කඩකාමර දෙකක් වැනිය. ‘‘මේක තමයි මගේ ගෙදර’’ චාමර පැවසුවේ ප්ලාස්ටික් පුටුවක් මාවෙත පිළිගන්වා ඔහු ද ප්ලාස්ටික් පුටුවක වාඩි වෙමිනි.


මගේ විමතිය දුටු ඔහු මුලින්ම කතා කළේ නිවහන ගැනය.
‘‘ඇමති තියා ඉන් ඉහළට ගියත් මං මුල අමතක කරන්නේ නැහැ. මිනිස්සු මැද ඉන්න නිසා තමයි මට හැම ජයග‍්‍රහණයක්ම ලැබුණේ. හූවක් කිව්වොත් කොල්ලො 100ක් එකතු කරන්න පුළුවන්. අනෙක් එක මෙතැන ඉන්න නිසා මගේ ජනතාවට මාව මුණ ගැහෙන්නත් ලේසියි’’ ඔහු පැවසුවේ තේ කෝප්පයකින් මට සංග‍්‍රහ කළ බිරිඳ දෙස බලමිනි.

3

 


ඔබේ අතීත කතාව වසන් කරන්න කැමැති නැද්ද?
‘‘අපෝ නැහැ’’ මම ඒ කටුක ඉතිහාසයට තවම ආදරය කරනවා. වයස අවුරුදු 6 දී මාව ගෙනැත් හදාගත් මුගේ පුංචි අම්මා තේදළු නෙළන්න ගිය හැටි මට කවදාවත් අමතක වෙන්නේ නැහැ. ඒ වගේම කෝච්චියේ වඬේ විකුණපු හැටි මා හැමදාම සිහි කරනවා.


මං වේදිකාවට නැගල කිව්වෙත් මගේ ඉතිහාස කතාව තමයි. අපේ පළාතේ ඉන්නේ වැඩිපුරම නිර්ධන පංතියේ මිනිස්සු. ඒ අය මා වටා රොක්වුණා’’
ඔබට උසස් අධ්‍යාපනයට යන්න නොලැබීම ගැන දුක්වෙනවද.


‘‘මගේ උසස් අධ්‍යාපනයට බාධා දෙකක් තිබුණා. එකක් පුංචි අම්මාට ලැබෙන සොච්චමින් ළමයි හතර දෙනෙක් සමඟ මාව නඩත්තු කරලා පාසල් වියදම් දැරීමට තිබූ අසීරුව.


අනෙක් එක තමයි එදා තිබූ භීෂණ වාතාවරණය.
මා සමාජගත වීමත් සමඟ සමාජය නැමැති විද්‍යායතනයේ දී මහා දැනුම් සම්භාරයක් ලැබුවා. ඒක සරසවියකින් ගන්න බැරි තරමේ සුවිසල් අධ්‍යාපනයක්.


දෙවැනි කඩඉම පටන් ගන්නේ කොහොමද?

ඒක තමයි මම රජයේ රැකියාවකට යාම. මං 1989 දී කොස්තාපල්වරයෙක් ලෙස පොලිස් දෙපාර්තමේන්තුවට බැදුණා. ඒත් ඒක මට හරි ගියේ නැහැ. පස්සේ සුළු වෙළෙඳාමක් පටන්ගෙන ඉන්නකොට 1994 දී බණ්ඩාරවෙල හිටපු ශ්‍රී ලංකා නිදහස් පක්ෂ සංවිධායකවරයෙක්වූ විල්ප‍්‍රඞ් රත්නායක මහතා දැන හඳුනාගෙන ඔහුට උදව්කළා.


1996 දී බණ්ඩාරවෙල ශ්‍රීලනිප සංවිධායක වූ සමරවීර වීරවන්නි මහත්තයත් මමත් හුඟාක් සමීප වුණා. පළාත් පාලන ආයතනවලට අවුරුදු 35ට අඩු අපේක්ෂකයන් ද ඉදිරිපත් කළ යුතු වූ නිසා වීරවන්නි මහත්තයා මගේ නම යෝජනා කළා. මේ වන විට මට හොඳ සංවිධාන ශක්තියක් තිබුණා.
මම ඇල්ල ප‍්‍රාදේශීය සභාවට තරග වැදුණා. හැබැයි මම පැරදුණා. මට මනාප ලැබුනේ 4 වැනි තැනට.


ජෝති, ඇල්ලේ මල්ලි, අමරනාත් යන අය දිනුවා.
මම තවදුරටත් වීරවන්නි මහත්තයට උදව් කරමින් සිටියා.


1999 දී වීරවන්නි මහත්තයා ඌව පළාත් සභාවේ මහ ඇමති වුණා. හැබැයි 2001 දී එතුමා එක්සත් ජාතික පක්ෂයට ගියා. හැබැයි මම මගේ ස්ථාවරය වෙනස් කළේ නැහැ. මම වීරවන්නි මහත්තයත් එක්ක ගමන අතහැරියා. ඊට පස්සේ දැනට පාර්ලිමේන්තු මන්ත‍්‍රීවරයෙක් වෙලා ඉන්න බණ්ඩාරවෙල ශ්‍රී ලංකා නිදහස් පක්ෂ සංවිධායක දොස්තර පුෂ්පකුමාර මහත්තයට උදව් කළා.


2002 දී මං නැවත ඇල්ල ප‍්‍රාදේශීය සභාවට තරගවැදුනා. මනාප 4310ක් ගත්තත් මට ලැබුණේ විපක්ෂනායක කම.
මා ක‍්‍රමයෙන් ඡුන්ද දායකයන්ගේ මනාපය වැඩිකර ගත්තා. 2006 දී ඇල්ල ප‍්‍රාදේශීය සභාව ජයගෙන සභාපති වුණා. ලබාගත් මනාප ප‍්‍රමාණය 12,000ක්. ඒක වැඩිම මනාප ප‍්‍රතිශතය වුණා.


1999 ඌව පළාත් සභා මැතිවරණයට අපේක්ෂකයන් තෝරන කොට පළාත් සභා ආයතන වලින් මාව තෝරාගත්තේ නිමල් සිරිපාල ඇමතිතුමාගේ මැදිහත්වීම අනුවයි. එම මැතිවරණයේදී මනාප 24500ක් අරන් පළාත් සභා මන්ත‍්‍රී කෙනෙක් වුණා.

 


පසුගිය පළාත් සභා මැතිවරණයේදී අභියෝග තිබුණද?


ඔව්.
එක්සත් ජාතික පක්ෂයෙන් ඉදිරිපත් කරල තිබුණේ ශක්තිමත් කණ්ඩායමක්. පාර්ලිමේන්තුවේ හිටපු මන්ත‍්‍රීවරයෙක්, හා පළාත් සභාවේ හිටපු විපක්ෂනායක උපාලි සමරවීර, පාර්ලිමේන්තුවේ හිටපු නියෝජ්‍ය ඇමතිවරු වූ රවීන්ද්‍ර සමරවීර හා සච්චිත්තානන්දරන්, ර.මු. රත්නායක වගේ ජනප‍්‍රිය චරිත එම කණ්ඩායමට ඇතුළත් වුණා. එහෙම බලනකොට ඉන් තරගවැදුනේ බී කණ්ඩායම වගෙයි.


අනෙක් අතට හරින්ට එකවරම ඇතිවූ ආකර්ෂණය රැුල්ලක් බවට පත්වුණා. ඒ නිසා මගේ ඡුන්දත් ටිකක් කැඩුණා. නැතිනම් මීට වඩා මනාපය මට ගන්න තිබුණා.

 


ඇමතිකම පිළිබදව අවසන් වෙනකල්ම දෙගිඩියාවක් තිබුණා නේද?


තරගයක් තිබුණා පාර්ලිමේන්තුවේ හිටපු නියෝජ්‍ය ඇමතිවරයෙක් වගේම ඌව පළාත් සභාවේ හිටපු සභාපතිනිය වූ හේමා රත්නායක මෙන්ම හිටපු පළාත් සභා මන්ත‍්‍රී මේජර් සුදර්ශන දෙනිපිටියත් ඇමතිකම බලාපොරොත්තු වුණා.


හැබැයි ජනාධිපතිතුමා, ශ්‍රී ලංකා නිදහස් පක්ෂයේ මහා ලේකම්තුමා මෙන්ම එක්සත් නිදහස් සන්ධානයේ ලේකම්තුමාත් ශ්‍රී ලංකා නිදහස් පක්‍ෂ මධ්‍යම කාරක සභාවත් මා වඩාත් සුදුස්සා බවට තීරණය කළා. මහ ඇමති ශෂීන්ද්‍ර මහත්තයගේ නිර්දේශයත් මට ලැබුණා.

 


ඔබ ඒ සඳහා බලපෑම් කළාද?


අපෝ නැහැ. මම පියවරෙන් පියවර ආ දේශපාලන ගමන ගැන ඒ අය පැහැදුණා. ඒ වගේම මම දිස්ත‍්‍රික්කයෙන්  දෙවැනි තැනට ලබාගත් මනාප 34,337 ලොකු පිටුබලයක් වුණා.


බණ්ඩාරවෙල මැතිවරණ කොට්ඨාසය ජයගන්නටත් පුළුවන් වුණෙත් ඇල්ලෙන් ලැබුණු ඡුන්ද නිසයි.

 


ඔබට ලැබුණ අමාත්‍යංශය ගැන සතුටු වෙනවද?
ඔව්. මන්ත‍්‍රීවරයෙක් ලෙස කළ වැඩට වඩා වැඩි වැඩ කොටසක් ජනතාවට කරන්න හැකි වෙනවා කියලා හිතනවා.

 


නිලධාරීන් ගෙන් වැඩගන්නේ කොහොමද?
ඒ ගැන මම හොඳටම දන්නවා. මන්ත‍්‍රී කාලෙත් මම නිලධාරින්ගෙන් වැඩ ගත්තා. තියෙන ප‍්‍රතිපාදන සොයාගෙන නිලධාරින් ළඟට විතරක් නොවෙයි ලිපිකරුවන් ළඟට ගිහිල්ලත් මා වැඩ කරගෙන තියෙනවා.


මොකද මට  ඕනෑ කොහොම හරි ඉක්මනට වැඬේ කරගන්නයි. ඒක ඌව පළාත් සභාවේ ඉන්න නිලධාරීන් වගේම ලිපිකරුවනුත් දන්නවා.
ඌවේ ඡුන්ද ප‍්‍රතිඵලයට විශාල බලපෑමක් කළ හැකි ලංකා කම්කරු කොන්ග‍්‍රසයේ තොණ්ඩමන්ට පවා අභියෝගයක් වෙමින් සෙන්දිල් තොණ්ඩමාන්

 

 

තුන්වැනි තැනට දාලා ඔබ දෙවැනි තැනට ආවේ කොහොමද?
මම ගම, වත්ත වෙනසක් නැතිව කවුරුත් එක්ක ජීවත් වන කෙනෙක්. මරණයක් දුකක් ආපදාවක් වූ ගමන් මා එතැනට කළහැකි හැම උපකාරයක්ම කරනවා. ඒ වගේම ශ්‍රී ලංකා කම්කරු ප‍්‍රජා සංගමය නමින් මම වෘත්තීය සමිතියක් පිහිටුවා ගත්තා. නමුනුකුල, බල්ලකෙටුව ප‍්‍රමුඛ වතුකරයේ ජනයා එම වෘත්තිය සමිතිය ගැන විශ්වාස කළා.

 


ඇමතිවරයෙක් ලෙස ලොකු වැඩ පටන් ගන්නේ කොතැනින්ද?
මගේ ලොකු ආශාවක් තියෙනවා විදුලිය නැතිව දුක්විඳින ඌව පළාතේ ජනතාවට විදුලිය දෙන්න. දැනට ඌවේ සියයට 90කට විතර විදුලිය තිබුණත් විදුලිය නැති පිරිසකුත් ඉන්නවා.


ආර්ථික ප‍්‍රශ්න නිසා ඒ අයට විදුලිය ලබාගන්න බැරි තත්ත්වයක් තියෙනවා.


සාමාන්‍යයෙන් විදුලිය ගන්න රුපියල් හැටදාහක් විතර වියදම් කළයුතු තැන අමාත්‍යංශයෙන් රුපියල් හතළිස් දාහක් ලබාදිය හැකි ක‍්‍රමයක් තිබෙනවා. ඒ ක‍්‍රමය අනුව විදුලිය නැති ගෙවල් 2000කට විදුලිය ලබාදෙනවා. ඒ සඳහා ප‍්‍රධාන ඇමති ශෂීන්ද්‍ර රාජපක්ෂ මහතාත් උදව් කිරීමට කැමැත්ත පළ කළා.
ඒවගේම ක‍්‍රීඩාවලටත් මා ආසයි. අපේ දෙමෝදර කොල්ලෝ තමයි හැමදාම වොලිබෝල්වලින් කප් ගහන්නේ. ඒ වගේම ගම්මානවලත් වතුකරයේත් වොලිබෝල් ක‍්‍රීඩකයෝ ඉන්නවා. අනෙක් ක‍්‍රීඩා දියුණු කරන ගමන් ක‍්‍රීඩා ඇමති ලෙස ගම්මාන වල වොලිබෝල් ක‍්‍රීඩාව නංවාලන්න කටයුතු කරනවා.

 


ඡන්ද ගැටුම් තිබුණා නේද?
ඇල්ල පොලිස් බල ප‍්‍රදේශයේ නම් අප කවුරුවත් ගැටුනේ නැහැ. හැබැයි බණ්ඩාරවෙල හරින් එක්ක පොඩි ප‍්‍රශ්නයක් ඇති වුණා. පස්සේ අප ඒක අමතක කරලා යාළු වුණා.


මොන පක්ෂයේ වුණත් අපේ මිනිස්සුනේ. මම හිතන්නේ එහෙමයි. මම ඉදිරියට වැඩකරන්නේත් එහෙම හිතාගෙනයි.

 


දැන් ඉතින් ඌවේ බලගතු අමැතිවරයෙක් නේ අභිමානය දැනෙනවද?
නිහතමානීව සතුටුවෙනවා එහි සියලූ ගෞරවය මට නොවෙයි මගේ ජනතාවටයි. හැබැයි කැමති නැහැ. ඇමති කියල කතා කරනවට චාමර කිව්වම හොඳටම ඇති’’ යැයි ඔහු පැවසුවේ සුපුරුදු හිනාවෙන් මුව පුරවාගනිමිනි.


m



අදහස් (0)

කෝච්චියේ වඩේ වික්ක ඌවේ අලූත් ඇමැති

සෙනරත් Monday, 03 November 2014 07:04 AM

ඔබ ඔය විදියට හිතනතාක් ඔබේ පළාතේ ජනතාව ඔබ සමග සිටීවි. එය අමතක කරන්න එපා. ඔබට තව දිගු ගමනක් යන්න පුළුවන් වෙයි කියා සිතනවා. එය එසේම වේවා කියා ප්‍රාර්ථනය කරනවා. අහිංසක දුප්පත් මිනිසුන්ට තව තවත් වැඩකරන්න. පාර්ලිමේන්තු ඇමතිකම් නොකලත් ඔබට රටට වැඩකළ අවංක කෙනෙකු ලෙස ගෞරවය තියාගෙන මිය යා හැකියි මතු යම් දිනෙක. (නදී)

:       0       0

නිමල Monday, 03 November 2014 07:17 AM

නරකකට කියනවා නෙමේ. අපේ රටේ ඕන කෙනෙක්ට රට පාලනය කරන්න පුළුවන්. (ර)

:       0       0

සාගර Monday, 03 November 2014 04:30 PM

ඇමතිතුමා ඔහොම යං. (ර)

:       0       0

ලසිත් Saturday, 01 November 2014 12:19 PM

අනේ අපේ මාල කඩපු ඇමතිතුමාගේ කතාවත් දාන්නකෝ, හරිම රසවත් ඇති.(හේ)

:       0       0

බමුණු Friday, 31 October 2014 02:23 AM

තාම ඉන්නේ කඩ කාමරයේ උනාට තව ටික දවසකින් හදයි අහස උසට මාලිගා. (නදී)

:       0       0

යොහාන්‍ Monday, 03 November 2014 05:41 PM

මොනතරම් උත්සාහවන්තයෙක්ද? (නි)

:       0       0

වාසනා Monday, 03 November 2014 05:44 PM

ඔබට ජයවේවා! (නි)

:       0       0

ජයතු Friday, 31 October 2014 02:25 PM

කෝචචියේ වඩෙි වික්ක කෝචචියෙ මාල කඩපු අය තමයි අද රටේ උත්තරිතර පර්ලිමෙින්තුවේ ඉන්නෙ අාශ්චර්ය.....(අ)

:       0       0

නුවන් Sunday, 02 November 2014 06:46 PM

ඇමතිතුමනි, ඉතා ආදරයෙන් ඕනෑකමින් ඉල්ලන්නේ, තව අවුරුදු කීපයකින් මීට හාත්පසින් වෙනස් ප්‍රවෘත්තියක් අපිට අහන්න නම් තියන්න එපා. ඔය කරන විදියටම කරගෙන යමු. සැප සම්පත් මිල මුදල් පස්සේ හඹායන්න නම් එපා. (නි)

:       0       3

උපුල් Monday, 03 November 2014 08:19 PM

මට ඔබ ගැන හරිම ගෞරවයක් දැනෙනවා. එය මේ රටේ බොහෝ ප්‍රබල දේශපාලකයන්ට මගේ ඇති ගෞරවයට වඩා ඉහළයි. මේ රටේ බොහෝ දෙනෙකුට එය එසේම දැනෙනවා කියලා මට විශ්වාසයි. අනාගතයේදීත් අපට එසේම ඔබ ගැන සිතීමට ලැබේවා කියා මම ප්‍රාර්ථනා කරනවා. (නි)

:       0       0

තිලක් Thursday, 30 October 2014 11:39 AM

මගේ ප්‍රණාමය. ඔබ ගැන මට ආඩම්බරයි. . දුප්පත් කමට කළ හැකි ගොඩක් දේවල් තියෙනවා. ඔබට සුබ පැතුම්. (නදී)

:       0       0

ගීතිකා Thursday, 30 October 2014 12:09 PM

සුභ පැතුම් (නදී)

:       0       0

ලෙස්ලි ජයවර්ධන Sunday, 02 November 2014 08:57 AM

පුංචි මිනිහෙකුට ඡන්දෙ දීපු අයට ස්තුතියි. පාර්ලිමේන්තු ඡන්දෙට නම් ලක්ෂ 200ක් වත් හොයාගන්න වෙයි (නදී)

:       0       0

කැලුම් Saturday, 01 November 2014 07:42 AM

වඩේ විකිණීමයි මාල කැඩීමයි වෙනසක් තිබෙනවා.(ෆහ්)

:       0       0

බර්නාර්ඩ් Sunday, 02 November 2014 09:43 AM

ජයතු ඔබ හරි ලැවරිය වික්ක කෙනෙක් උඩට ගිහින් කරපු හරිය අපට මතකයි (බ)

:       0       0

අජිත් Thursday, 30 October 2014 02:48 PM

නියමයි. ඔහොම යං. (ර)

:       0       0

සිරිසේන Thursday, 30 October 2014 04:42 PM

මෙන්න වැඩ කාරයෙක්. (ර)

:       0       0

දකුණේ - සිල්වා Thursday, 30 October 2014 05:55 PM

ඔබ වැනි අවංක අය දේශපාලනයට අවශ්‍ය යුගයක් මේ. ඔබට මගේ ප්‍රණාමය (ර)

:       0       0

නන්දන Saturday, 01 November 2014 10:00 AM

කෝච්චි වල මාල කඩනවාද?(හේ)

:       0       0

වරුණ Saturday, 01 November 2014 01:41 AM

උත්සාහයෙන් නැඟී සිටි මිනිසෙක්! (නි)

:       0       0

ඔබේ අදහස් එවන්න

විශේෂාංග

ප්‍රගති මාවතේ අභියෝග
2024 අප්‍රේල් මස 19 144 0

සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්‍රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල


විදේශ සංචාරකයන්ට රට එපා කරවන අඳබාලයෝ
2024 අප්‍රේල් මස 19 285 1

ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො


ආර්ථිකය නොතකන අධ්‍යාපනය කුමකටද?
2024 අප්‍රේල් මස 18 351 1

රටේ පවත්නා ආර්ථික අර්බුදය මෙරට අධ්‍යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක


ඓතිහාසික මිහින්තලය රැකගැනීම ජාතියේ වගකීමක්
2024 අප්‍රේල් මස 18 89 0

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම


ඇත්ත නැත්තට ගොතන කතා අතේ පත්තුවීම
2024 අප්‍රේල් මස 17 528 0

ජාතියේ මහා සංස්කෘතික මංගල්‍යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්‍රිය


මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 290 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 221 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1536 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1431 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site