කතුවැකිය

විනාශය ක්ෂණිකය ඒත් ගොඩනැගීම අසීරුය

විනාශයෙන් මෙපිට පාඩම් ඉගෙන නොගැනීමේ වන්දිය ඉකුත් 9 වැනිදා මුළු රටම ගෙව්වේය. තුන්කල් දක්නා ඉසිවර නුවණින් නිසි කලට නිසි ලෙසට විසඳුම් සෙවීමට අසමත් වීමේ විපාකයට මුළු රටම ගොදුරු විය. පැරැණි පන්නයේ ත්‍රාඩ, තුච්ඡ පිළිවෙතට ප්‍රහාර එල්ල කිරීමේ හා ප්‍රති ප්‍රහාර එල්ල කිරීමේ මාදිලිය රටක් වශයෙන් අප සිටින පසුගාමීත්වය පෙන්නුම් කළේය. රටම නොනිමෙන ගිනි මැලයක් බවට පත්ව ඇති අනතුරුදායක තත්ත්වය හෘදය සාක්ෂියක් සහිත සියලු මිනිසුන්ට අලුත් සිතීමකට බලකර ඇත.

11 May 2022

ගාලු මුවදොර සිද්ධිය හෙළා දකිමු

අරලියගහමන්දිරය අසළ විරෝධතා පවත්වමින් සිටි පිරිස අතරට ඊයේ කඩා වැදී ඔවුන්ට පහර දී අට්ටාල කඩා බිඳ දැමූ කලහකාරී පිරිසක් එතැනින් නොනැවතී ගාලුමුවදොර නිර්පාක්ෂික විරෝධතා අරගල භූමියට ද ගොස් එම විරෝධතාකරුවන්ට ද පහරදී ඔවුන්ගේ අට්ටාල ද ගිනි තබා එම ප්‍රදේශයම යුදපිටියක් බවට පත් කළහ. මේ ප්‍රචණ්ඩකාරී හැසිරීම් හේතුවෙන් පිරිසක් තුවාල ලබා රෝහල් ගත කිරීමට ද සිදු වූ අතර නැවත දැනුම් දෙනතුරු රටටම ඇඳිරි නීතිය පැනවීමට ද ආරක්ෂක අංශවලට සිදුවිය.

09 May 2022

රටට විහිළු සපයන මැතිසබේ ක්‍රියාකලාපය

රටේ ජනතාවගේ පරමාධිපත්‍යය ක්‍රියාත්මක විය යුතු පාර්ලිමේන්තුව වැඩකට නැති, කාලය කා දමන කෝළම් මඩුවක් බවට පත්වන්නේ නම්, ජනතාවගේ විරෝධය මන්ත්‍රීවරුන්ට එල්ල වීම ගැන පුදුම විය යුතු නැත. පසුගිය දින කිහිපය තුළදී පාර්ලිමේන්තුවේ වැඩ කෙරුණු ආකාරයෙන් පැහැදිලි වන්නේ, ආණ්ඩුවේත් විපක්ෂයේත් මන්ත්‍රීවරුන් තමන්ගේ වගකීම් පිළිබඳ සළුපිළි උනා දමා නිර්ලජ්ජිතව හැසිරුණු බවය. ඒ හැසිරීම් හේතුවෙන් රටේ ජනතාවගේ බලවත් උදහසට ලක්වෙමින් සිටින බවය.

09 May 2022

මල්වතු මහ නාහිමිගෙන් දේශපාලකයන්ට පාඩමක්

මෙරට දේශපාලනඥයන්ට මල්වතු මහා විහාරයේ දොර වැසීමත් එසේ වැසී ගිය දොර කොළඹ ගාලු‍මුවදොර පිටියේ ගෝඨාගෝ ගම විරෝධතා අරගලයේ නිරතව සිටින පිරිස නියෝජනය කරමින් ගිය පිරිසකට විවෘත වීමත් පසුගියදා මාධ්‍යයේ සිරස්තල මැවීය.

07 May 2022

අර්බුදයේ වගකීම ආණ්ඩුව බාරගත යුතුයි

‘‘ප්‍රමාදය මරණයට හේතුව’’ බව බුදු බණෙහි සඳහන්ය. සදාතනික සනාතනික සත්‍යයකි. මේ රට දැන් ඔප්පු කරමින් තිබෙන්නේ එයයි. නිසි කලට නිසි තීන්දු නොගැනීමේ වන්දිය මුළු රට ගෙවමින් තිබේ. ‘‘ගෝඨා ගෝ ගම’’ සෑම තැනම පැතිරී ඇත. එහි ජාත්‍යන්තර ශාඛාවක් ද ඉදිවී ඇත. ජනතාවගේ පුපුරා හැලෙන පීඩනය එමගින් මනාව පෙන්නුම් කරයි. අද රට අත්විඳිමින් සිටින අර්බුදය නොගෙන්වා ගැනීමට හැකියාව තිබූ බව පැහැදිලිය.

06 May 2022

පාඩු ලබන සුදු අලින්ගේ බර ජනතාව පිට පටවන්න එපා

ශ්‍රී ලංකාව මේ දිනවල මුහුණදෙන ආර්ථික අර්බුදය ගැන අර්ථකථන රාශියකි. මේ අර්ථකථන සහ වාද විවාදවලින් හෙම්බත් වූ සමාජය තුළ දක්නට ලැබෙන්නේ ද ව්‍යාකූල බවකි. පවත්නා අර්බුදය හටගත්තේ අසවල් අසවල් ආණ්ඩු අසවල් තීරණ ගැනීම නිසා යැයි නැගෙන චෝදනා සහ ප්‍රති චෝදනා කොතරම් බරසාර වුවද ඒ එකක්වත් ප්‍රශ්නයට විසඳුමක් නොවේ. ගමේ භාෂාවෙන් කියතොත් ඒ සියල්ල පය බරවායට පිටිකර බෙහෙත් බැඳීමක් හා සමානය.

05 May 2022

දේශපාලනය කිලිටි කරන මැති ඇමැතින්ගේ දූෂණ

රටම අරගල බිමකි. එය එසේ වූයේ ආර්ථික පීඩනය, ගෑස් හිඟය, ඉන්ධන හිඟය හා විදුලිය අර්බුදය නිසා පමණක්ම නොවේ. කාලයක් මුළුල්ලේ සිටම මෙරට නිදැල්ලේ වැඩෙන අශිෂ්ට, අනීතික, දූෂිත හා අශීලාචාර දේශපාලන සංස්කෘතියට එරෙහිව සමාජයේ පතුල බිඳගෙන එළියට පැන්න විරෝධය ද අරගල බිමට උත්තේජනය සපයා ඇත. ‘‘225 ම එපා’’ යැයි සටන් පාඨ නිර්මාණය වී තිබෙන්නේ ද ඒ අනුවය. දූෂිත දුෂ්ට දේශපාලනයක නියාමන සෑම වර්ණයකටම අයත් දේශපාළුවන්ගේ දණ හිස් වෙවුළුවා තබන්නට අරගල බිම සමත් වී ඇති බව ඒකාන්තය.

04 May 2022

වගකීම ඉටුනොකරන උද්ඝෝෂණ සාධාරණද?

ආණ්ඩුවට ඉල්ලා අස්වන ලෙස බල කරමින් එක් දින මහා වැඩවර්ජනයක් 28 වැනිදා සංවිධානය කෙරිණි. ඊට පෙර ගුරු - විදුහල්පති එක් දින වැඩවර්ජනයක්ද ක්‍රියාත්මක වූ අතර පාසල් පද්ධතියම එම දිනයේ අඩාල විය. වැඩ වර්ජන මෙතැනින් නවතින බවක් පෙනෙන්නේ නැත. ආණ්ඩුවද තම ධුර අත්හැරීමේ සූදානමක නොසිටින බව ඔවුන්ගේ කතාවලින්ද ක්‍රියාවෙන්ද පෙන්නුම් කර තිබේ. මේ හේතුවෙන් අද මුළු රටම හතරමං හන්දියක හිර වී සිටී. රටේ ජනතාව කිසි කලෙක නොතිබූ අමාරුවක වැටී සිටිති.

02 May 2022

ජනතා විරෝධතා දිනයේ කටුනායක ‘ගොන්කම’

ඉකුත් 29 වැනිදා අප පුවත්පතේ ප්‍රධාන ප්‍රවෘත්තියේ සිරස්තලය වූයේ ‘‘රටම කොට උඩ’’ යන්නය. මුළු රටේම තත්ත්වය එම සිරස්තලයෙන් පිළිබිඹු වේ. එම සිරස්තලය අදටත් වලංගුය. ප්‍රශ්නය වන්නේ එය හෙටටත් වලංගු වේද යන්නය. රට හමුවේ තිබෙන බරපතළම ප්‍රශ්නය එයය.

02 May 2022

බඩගින්නේ සිටින ජනතාවට මුලින්ම සහන දෙන්න

කුසගින්නේ සිටින ජනතාවට දහම් දෙසන්නට එපා යැයි ගෞතම බුදුරජාණන් වහන්සේ දේශනා කර ඇත. ඔවුනගේ කුසගිනි නිවා දැමීමෙන් පසු දෙසන දහමක් දේශනා කළ යුතු යැයි ද එම බුදු වදනේ සඳහන්ය. දැනට අප රට තුළ දිනපතා අසන්නට දකින්නට ලැබෙන ආවේගශීලී කතා බස්වලින් පෙනෙන්නේ ජනතාවගේ නියෝජිතයන් ලෙස පත්ව සිටින පක්ෂ විපක්ෂ දේශපාලන භවතුන් සියලු‍ දෙනාම ජනතා ප්‍රශ්න විසඳීම වෙනුවට තම තමන්ගේ දේශපාලන න්‍යාය පත්‍ර ක්‍රියාත්මක කිරීමට යාමෙන් සතර කොන පටලවාගෙන ඇති බවය.

30 April 2022

මේ මොහොතේ අවශ්‍යතාව කුමක්ද?

මුළු රටම අරගල බිමකි. ‘පාන් ගෙඩියක් රුපියල් 500ක් විය හැකි බවට’ අනුමාන කිරීම් ද ඒ අතර වේ. ආර්ථික අර්බුදයේ තරම එමගින් මනාව ප්‍රදර්ශනය වේ. කුණු බක්කි අවුස්සා කෑමට යමක් සොයන ශාපලත් පරිසරයක් තවමත් නිර්මාණය වී නැතද එබඳු පරිසරයක් නිර්මාණය නොවේ යැයි සහතිකයක් ද නැත. නයන පිනවන මේ රන් දිවයින තුන් බිය පිරුණු විශාලා මහනුවර වෙත සෙමෙන් ගමන් කරන සෙයකි.

29 April 2022

අන්තර්වාර ආණ්ඩුවක්

කැලඹී ව්‍යාකූල වී තිබෙන දේශපාලනය සහමුලින්ම අවුල් ජාලයක් බවට පත්ව තිබේ. එක් පසෙකින් ජනතාව පෙළන ආර්ථික අර්බුදයකි. ඊට සමගාමීව හටගත් දේශපාලන අර්බුදය උත්සන්න වෙමින් පවතී. මේවා විසඳීමට තිබෙන ප්‍රායෝගික ක්‍රමය කුමක්ද යන්න සැමගේ සිත් සතන් තුළ කැකෑරෙන ප්‍රශ්නයයි.

27 April 2022

කල් නොමරා රටේ ස්ථාවරත්වය ගොඩනගමු

ආණ්‍ඩුවට එරෙහිව ඉදිරිපත් කිරීමට නියමිත විශ්‍වාසභංග යෝජනාවට සහාය ලබා ගැනීමට සහ අන්තර්කාලීන ආණ්‍ඩුවක් පිහිටුවීම සම්බන්ධයෙන් සමගි ජන බලවේගය සහ ආණ්ඩුවෙන් ඉවත්වූ ස්වාධීන වූ මන්ත්‍රී කණ්ඩායම අතර තීරණාත්මක හමුවක් ඉකුත් 25 වැනිදා පැවැති බව අප පුවත්පත ඊයේ වාර්තා කළේය.

27 April 2022

ගැටලුවලට විසඳුම් දෙන ව්‍යවස්ථා සංශෝධනයක්

පවතින අරගලයේ අවසානය කොතැනකදැයි අපි කිසිවකුත් නොදනිමු. රාජපක්ෂ පාලනයේ ඉවත්වීමක් දකිනතුරු අඛණ්ඩව අරගලය ගෙන යන බවට විරෝධතාකරුවන් සහ ඔවුන්ට සහාය දක්වන විවිධ සමාජ කොටස් ප්‍රකාශ කරන අතර එතැනින් මෙහා විසඳුමකට යාමට ජනාධිපති, අගමැති ප්‍රමුඛ ආණ්ඩුවත් පාර්ලිමේන්තුව තුළ කණ්ඩායම් කිහිපයකුත් දැඩි උත්සාහයක නිරතව සිටී.

25 April 2022

සැමට ඉහළින් ඇත්තේ නීතියයි

රඹුක්කන පැවති මහජන උද්ඝෝෂණයක් අතරතුර සිදු කළ පොලිස් වෙඩි ප්‍රහාරයකින් පුද්ගලයකු මරණයට පත්වීම ඛේදජනක සිදුවීමකි. මහජන උද්ඝෝෂණයක් අතරතුර කවර හේතුවක් නිසා හෝ නිරායුධ පුද්ගලයකු පොලිස් වෙඩි පහරට ලක්වීම සාධාරණීකරණය කළ නොහැක. සති කිහිපයක් තිස්සේ රටේ පවතින දේශපාලන ආන්දෝලනය තවත් තීව්‍ර වී උණුසුම් වීමට රඹුක්කන වෙඩි ප්‍රහාරය ප්‍රබල හේතුවක් විය.

25 April 2022

විරෝධතා උද්ඝෝෂණවලදී විනාශකාරී වැඩ එපා

ටයර් දමා පිළිස්සීම හේතුවෙන් විනාශ වූ බගවන්තලාව නගරයේ මාර්ග කොටසක් නගර සභා සේවකයකු ඉවත් කරන අයුරු අප පුවත්පත ඊයේ වාර්තා කර තිබුණේ සේයාරුවක්ද සමගිනි. ඉන්ධන මිල ඉහළ යාම හා ඉන්ධන හිඟයට විරෝධය පා රටේ පළාත් 8ක ප්‍රධාන මාර්ග අවුරා විරෝධතා දැක්වූයේ ඉකුත් 20 වැනිදාය. ගස් කපා පාරවල්වලට දමා ටයර් පුළුස්සා, එම විරෝධතා පැවැති බව මාධ්‍ය වාර්තාවල සඳහන්ය. එම විරෝධතාවේදී ස්ථාන දෙකකදී බස් රථ දෙකකටද පහර දී තිබිණි.

23 April 2022

අලුත් ඇමැතිවරුන්ට ලොකු අභියෝගයක්

අලු‍තින්ම පත්වීම් ලද දොළොස් දෙනකුද ඇතුළු නව කැබිනට් අමාත්‍යවරු 17 දෙනෙක් පසුගියදා ජනාධිපති ගෝඨාභය රාජපක්ෂ මහතා ඉදිරියේ දිව්රුම් දුන්හ. මේ දිව්රුම් දීම සිදු වූයේ පසුගිය දා ඉල්ලා අස් වූ අමාත්‍යවරුන් හේතුවෙන් ඇති වූ පුරප්පාඩු පිරවීම සඳහාය. මෙතෙක් අමාත්‍යවරුන් වශයෙන් කටයුතු කළ ජ්‍යෙෂ්ඨයන් කිහිප දෙනකුම මේ හේතුවෙන් සාමාන්‍ය මන්ත්‍රීවරුන් බවට පත් වූ අතර ඉදිරියේදී ද ඔවුන්ට අමාත්‍ය ධූර නොලැබුණහොත් මේ පත්කිරීම් මේ රටේ දේශපාලනයේ සැබෑ හැරවුම් අවස්ථාවක් වනු ඇ

22 April 2022

අරගලය මැද රටේ නීතිය රැකීමත් ඕනෑ

අද රටේ ඇත්තේ අර්බුදකාරී වාතාවරණයකි. පසුගිය මාස ගණනාවක් තිස්සේ සෙමෙන් සෙමෙන් වර්ධනය වූ අර්බුද පුපුරා යන්නට පටන් ගත්තේ මෑතකදීය. වත්මන් ආණ්ඩුව ප්‍රශ්න පත්‍රයකට පාර කපා ගත්තේ එක රැයෙන් රසායනික පොහොර තහනම් කිරීමෙනි. එය රටපුරා පැතිරුණ ගොවි අරගලයකට මාවත සකස් කළේය. අනතුරුව හටගත්තේ ගෑස් පිපිරිල්ලයි. එයට සමගාමීව ගෑස් හිඟයක්ද හට ගැනිණ. විදුලිය කප්පාදුව, ඉන්ධන හිඟය සහ දරාගන්නට බැරි ජීවන වියදම ජනතාව මහපාරට තල්ලු‍ කරන ලද බව නොරහසකි.

21 April 2022

ඉන්ධන මිලත් ජනතාව පිට

ඉන්ධන මිල ගණන් නැවතත් ඉහළ දමා තිබේ. ඉහළ දැමූ ප්‍රතිශතය විශාල ගණනකි. ආර්ථික ප්‍රශ්න රාශියක් විසින් අන්ත අසරණ භාවයට පත්කරන ලද සමාජය තවදුරටත් කෝපයට පත්කෙරෙන තීරණයක් ලෙස අධික ඉන්ධන මිල හඳුන්වා දිය හැකිය. ඉන්ධන මිල ගණන් ඉහළ දැමූ විට භාණ්ඩ හා සේවාවල සමස්ත මිල මට්ටම් ඉහළ නගී. ආණ්ඩුව පසුගිය කාලයේ කරන ලද ඇතැම් අතපසු කිරීම් සහ වැරැදි තීරණවලට වන්දි ගෙවන්නට සමාජයට සිදුව තිබීම ඛේදවාචකයකි.

20 April 2022

අවුරුද්දෙන් පසු දැන්වත් දේශපාලන පසුවිපරමක් කරමු

සිංහල හින්දු අලුත් අවුරුද්ද ගෙවී ගියේය. දුරාතීතයේ සිටම උත්සවශ්‍රීයෙන් සැමරූ ජාතික සංස්කෘතික මහෝත්සවය මෙදා මළානික ස්වරූපයක් ගත්තේය. ආර්ථික අර්බුදයෙන් පීඩාවෙන් පීඩාවට පත්ව සිටින ජනී ජනයාගේ සිත්සතන් තුළින් අලුත් අවුරුදු අසිරි සිරිය පලා ගොස්ය. අද සිටවත් මේ සියලු අගති කුදලා දැමුණු රටක් සම්බන්ධ අත්නොහළ අපේක්ෂාව පමණක් තවමත් ජනී ජනයාට තනි රකිමින් සිටී.

18 April 2022

අන්තර්කාලීන ආණ්ඩුව හොඳ ප්‍රවේශයක්

අරගලයේ ගිනි දැල් රටපුරා තැනින් තැන බුර බුරා නගිමින් පවතී. කොළඹ ගාලුමුවදොර පිටියේ දින ගණනාවක් තිස්සේ එක දිගට විරෝධතා ව්‍යාපාර පැවැත්වෙයි. ඉන්ධන පෝලිම්, ගෑස් පෝලිම්, පිම්මේ ඉහළ නැග ඇත. අත්‍යාවශ්‍ය ආහාර මිල ගණන් තවමත් වෙනසක් නැත. අග්‍රාමාත්‍ය මහින්ද රාජපක්‍ෂ මහතා මාධ්‍ය ඔස්සේ කළ විශේෂ ප්‍රකාශයෙන් ද මේ තත්ත්වය සමනය කිරීමට කිසිම තල්ලුවක් නොලැබිණි. පාර්ලිමේන්තුව ඇතුළේ බලය උරගා බලන දේශපාලන කඹ ඇදිලිවල අවසානයක් ද නොපෙනෙයි.

18 April 2022

නව මහ බැංකු අධිපතිට කාගේත් සහාය අවශ්‍යයි

අද රට දේශපාලන අස්ථාවරභාවය නමැති රකුසාගේ ග්‍රහණයට පත්වෙමින් තිබේ. අර්බුදයෙන් ගැලවීමට මාර්ගයක් සොයා ගැනීමට නම් රට දේශපාලන වශයෙන් ස්ථාවර විය යුතුය. කෙසේ වුවද ශ්‍රී ලංකා මහ බැංකුවට සහ මුදල් අමාත්‍යාංශයට අලුත් මුහුණු දෙකක් එක්වීම ගිනි ගොඩක් මත සිටින රටට කිසියම් හෝ සහනයක් ලබා දී තිබේ.

11 April 2022

රෝහල්වල ඖෂධ හිඟයෙන් සෞඛ්‍ය සේවයේ බිඳවැටීමක්

රට අර්බුද පොකුරක සිරවී තිබේ. ජනයාට නිදහසේ හුස්ම ගැනීමට නොහැකි තරමට තත්ත්වය තියුණුය. ආහාර ද්‍රව්‍ය ඇතුළු අත්‍යවශ්‍ය භාණ්ඩවල මිල අහස උසට නැග තිබේ. ඉන්ධන පෝලිම්වල, ගෑස් පෝලිම්වල සහ භූමිතෙල් පෝලිම්වල දිවා රෑ දෙකෙහි නිරා දුක් විඳීම ජීවිතයේ දෛනික අංග බවට පත්වී තිබේ. විදුලිය විසන්ධිය. ජන ජීවිතය උඩුයටිකුරු කිරීමට හේතු වී තිබේ. දෙවසරක් අහිමි වූ අලුත් අවුරුද්ද සිත් සේ සැමරීමේ ජනතාවගේ අපේක්ෂාව ගලක හැපුණු වීදුරු පාත්තරයක් මෙන් කුඩු පට්ටම් වී ගොස් තිබේ.

09 April 2022

දේශපාලන ගැත්තකුගේ තවත් නිහීන වැඩක්

රටේ පැය 13 ක විදුලි කප්පාදුවක් තිබිණ. එහෙත් ඊයේ පැයකුත් මිතිත්තු 40 කට සීමාවිය. අද විදුලිය කප්පාදුව පිළිබඳව පත්‍රය මුද්‍රණය වනතෙක් තීරණයක් ගෙන තිබුණේ නැත. දවසින් අඩක් පමණ විදුලිය කැපුණේ ඉතිහාසයේ පළමු වතාවටය. ණය ගනිමින් ඒ ණය පියවිමටත් ණය ගනිමින් රට පතුළ නොපෙනෙන ආගාධයකට ඇද දමා තිබේ. රට සිංගප්පූරුවක් කරනවා යැයි කියමින් රට ඇද වට්ටා තිබෙන්නේ එබඳු නරකාදියකටය.

04 April 2022

සාමකාමීව උද්ඝෝෂණ කරමු.. ඒත් පොදු දේපොළ වනසනු එපා

ජනාධිපති ගෝඨාභය රාජපක්ෂ මහතාගේ පෞද්ගලික නිවෙස පිහිටි නුගේගොඩ මිරිහාන පිවිසුම් මාර්ගය අවුරා නැගීසිටි දහස් සංඛ්‍යාත උද්ඝෝෂකයෝ පිරිසක් ජනාධිපතිවරයාට ධුරයෙන් ඉවත් වන ලෙස බල කළහ. ඒ ඉකුත් බ්‍රහස්පතින්දා සන්ධ්‍යාවේදීය. පොලිසිය, කැරලි මර්දන බළකා, විශේෂ කාර්ය බළකාය ඇතුළු ආරක්ෂක අංශ ජනාධිපතිවරයාගේ නිවෙසට උද්ඝෝෂකයන්ට පැමිණීමට නොහැකි පරිදි ආරක්ෂාව තර කර තිබුණද පළමු මාර්ග බාධකය බිඳ උද්ඝෝෂකයෝ ඉදිරියට ගියහ.

02 April 2022

අලුත් අවුරුද්දෙවත් ජනතා අපේක්ෂා සඵලවේවා

පීඩිත ජන කැළකගේ දුක් වේදනා පත්තර පිටු මතත් විද්‍යුත් නාලිකාවලත් මහා මිනිස් අනුරාගයක් මෙන්ම මිනිස් වේදනාවන්ද අවුළුවමින් ගලා යයි. දෙවසරකට වඩා වැඩි කාලයක් මුළුල්ලේ කොරෝනා මාරාන්තික වයිරසයෙන් මෙරට ජනයා අතොරක් නැතිව බැට කති.

26 March 2022

ඕමල්පේ නාහිමියන්ගේ යෝජනාව: දේශපාලකයන්ටත් වචනයක්

රට මුහුණ දී සිටින බරපතළ ආර්ථික අර්බුදය හමුවේ විශාල ධනයක් ඇති බෞද්ධ, අබෞද්ධ සෑම සිද්ධස්ථානයකින්ම භාණ්ඩාගාරයට යම් පරිත්‍යාගයක් කළ යුතු යැයි ආචාර්ය ඕමල්පේ සෝභිත නාහිමියෝ පසුගියදා ප්‍රසිද්ධ ප්‍රකාශයක් කළහ. රට අමාරුවේ වැටී තිබෙන, රටට අවශ්‍යම අවස්ථාවක ඉදිරිපත් වූ මේ ඉල්ලීම සද්භාවයෙන් සිදුකෙරුණු ඉතාම වැදගත් ඉල්ලීමක් වශයෙන් අපි දකිමු. මෙය සාමාන්‍යයෙන් අප අසා තිබෙන දැක ඇති ක්‍රමයට වඩා වෙනස්ය.

25 March 2022

සංස්කෘතික අරමුදලේ මුදල් කාබාසිනියා කිරීම

ජනතාවගේ මුදල් නූලට තිතට හා වගකීමෙන් යුතුව විය පැහැදම් කිරීම රාජ්‍ය පාලනයේ යහපත් බව ප්‍රදර්ශනය කිරීමකි. නාම පුවරු, බෝඩ් ලෑලි හා ප්‍රතිපත්ති ප්‍රකාශනවල බොහෝ සාර සංකල්ප සඳහන්ව තිබුණද ඒවා නිවැරැදි ලෙස ක්‍රියාත්මක නොකරන්නේ නම් එයින් රටට දුගතියක් මිස සුගතියක් නොවේ. නමින් යහ පාලනය වූ 2015-2019 යුගයේ රජය කර ඇති තක්කඩිකමක් ජාතික උරුම, ප්‍රාසාංගික කලා හා ග්‍රාමීය කලා ශිල්ප ප්‍රවර්ධන කටයුතු රාජ්‍ය ඇමැති විදුර වික්‍රමනායක මහතා ඉකුත්දා හෙළි කළේය.

19 March 2022