IMG-LOGO

2024 අප්‍රේල් මස 16 වන අඟහරුවාදා


සමාජය බියගන්වන කුරිරු අපරාධකරුවන් දඬුකඳේ ගහමු

මේ වසරේ අද (29) ගෙවී ගියේ දෙවැනි මාසයයි. දින වශයෙන් ගණන් තැබුවොත් 60කි. මේ දින 60ට රටේ විවිධ ප්‍රදේශවල වෙඩි තැබීම්වලින් සිදුව ඇති ඝාතන සංඛ්‍යාව 14ක් වන අතර තවත් හය දෙනෙක් රෝහල්ගතව ප්‍රතිකාර ගනිමින් සිටිති. මෙසේ 14 දෙනෙකු මරාගෙන තවත් 06 දෙනකු රෝහල්ගත කිරීමට වෙඩි ප්‍රහාර 20ක් යොදාගෙන තිබෙන බවද පොලිස් ආරංචි මාර්ග පසුගියදා හෙළි කළේය.

පොලීසියේ තොරතුරු අනුව මෙම වෙඩි තැබීම් සහ ඝාතනවලට ප්‍රතිවිරුද්ධ කල්ලි අතර ගැටුම් හේතු වී තිබේ. මෙසේ මරාගෙන මැරෙන්නේ පාතාල කල්ලි සාමාජිකයන් බව පොදු පිළිගැනීමයි. එහෙත් එසේ වෙඩි උණ්ඩවලින් සිදුකරගන්නා බිහිසුණු පළිගැනීම් මෙරට සමාජය  භීතියෙන් තැතිගන්වා තිබේ. රටේ නීතිගරුක පුරවැසියන්ටද  නිවී සැනසිල්ලේ සිය නිවෙස්වලට වී ගත කරන ජීවිත සම්බන්ධයෙන් දැඩි අවිනිශ්චිත  බවක් මේ තුවක්කු සංස්කෘතිය මගින් ඔවුන්ගේ සිත් තුළ ඇති කර තිබේ. එය රටේ නීතිය හා සාමය පවත්වාගෙන යාම සම්බන්ධයෙන් ද ඇතිකර තිබෙන්නේ බරපතළ ගැටලුවකි.

මේ මිනීමැරුම් අතරේ රටේම අවධානය දිනාගත් ඇසූ දුටු සියලු දෙනාගේ හදවත් කම්පා කළ මිනීමැරුමක් වාර්තා වූයේ ඇල්පිටිය පොලිස් වසමෙනි. කුරා කුහුඹුවකුටවත් කිසිදු වරදක් සිදු නොකළ රාජකාරිය අකුරට ම ඉටුකළ රජයේ ඉතා වැදගත් තනතුරක් හෙබවූ කරන්දෙණිය පරිපාලන මහජන සෞඛ්‍ය පරීක්ෂක දිලීප රොෂාන් කුමාර මහතා ඔහුගේ නිවෙස තුළදීම වෙඩි තබා ඝාතනය කිරීම එම සිද්ධියයි. යහපත් නිලධාරියකු වශයෙන් ප්‍රදේශයේ නමක් දිනා සිටි  ඒ මහතා  ඝාතනය කර තිබුණේ තම පස් හැවිරිදි පුංචි පුතු ඉදිරියේදීම වීම අහස පොළොව නූසුලන අපරාධයකි. එම දරුවා තම දෑස් ඉදිරිපිට  තම පියාට වෙඩි තබනු දැක පවසන ඉතා අනුවේදනීය කතාව අසන දකින කිසිවකුටත් නෙතට කඳුළක් ඉනීම නවතාගත නොහැකි විය. මේ තරම් දරුණු අපරාධයකට පැමිණි ඝාතකයන් මිනිසුන් වශයෙන් හැඳින්වීම මිනිස්කමටත් සිදුකරන නිගාවකි.

පොලීසිය ප්‍රකාශ කර ඇති පරිදි මේ ඝාතනයට පාතාලයේ සම්බන්ධයක් ඇති බවට කිසිදු සාක්ෂියක් නැත. එය පාතාල ඝාතන රැල්ලෙන් මිදී තිබුණත් නීතිගරුක පුරවැසියකුට රජයේ සේවකයකුට තැබූ මේ වෙඩි පහර මෙරට නීතිගරුක ජන සමාජයටම එල්ල කරන ලද වෙඩි පහරක් වශයෙන් සැලකිය යුතුය. ඔහු මෙලෙස අමානුෂික ඝාතනයට ලක්වූයේ තම රාජකාරිය අකුරට ම ඉටු කිරිමේ ‘වරද’ දැයි වහාම සොයා බැලීමට පොලිසිය ක්‍රියාත්මක විය යුතුය. හොරකම, වංචාව සහ දූෂණය පිරී ඉතිරී ගිය ජන සමාජයක රාජකාරිය හරියට ඉටුකිරීම‘වරදක්’ වීම විශ්මයට හේතුවක් නොවේ. එසේ රාජකාරිය ඉටුකිරීමේ දී එයින් අගතියට පත් පාර්ශ්වයක් පාතාලයේ කුලී මිනීමරුවන් යොදවා මේ අපරාධය  සිදුකර ඇති බවට සැකයක් ද තිබෙන බවත් සඳහන්ය. හැකි ඉක්මනින් ඝාතකයන් කොටුකර ගැනීමටත් ඉන්පසුව අප්‍රමාදව ඒ පසුපස සිටි සැබෑ ඝාතකයාට හෝ ඝාතකයන්ට එරෙහිව නීතිය ක්‍රියාත්මක කරවීමටත් පොලීසිය වගබලා ගත යුතුය. මෙවැනි අපරාධයකට යළිත් වරක් ඉඩක් තැබිය යුතු නැත.

අප එසේ කියන්නේ පාතාල කල්ලි මෙහෙයවීමෙන් සිදු කෙරෙන සංවිධනාත්මක අපරාධ සහ මිනීමරා ගැනීම් නැවැත්වීම පහසු කටයුත්තක් නොවන බැවිනි. පාතාල කල්ලි නායකයන් යැයි කියා ගන්නා අපරාධකරුවන් ඝාතනය  වූ විට හතු පිපෙන්නාක් මෙන් තවත් පිරිස් බිහිවෙන බැවිනි. එසේම පාතාල කල්ලි මෙහෙයවන ‘‘ගෝඩ් ෆාදර්’’ලා බලයේ සිටින දේශපාලන බලවතුන් සමග සමීප සබඳතා පවත්වන බවද සුප්‍රකට රහසකි. මේ සම්බන්ධතාව හරහා මොන තරම් අපරාධ සිදුකළත් පාතාල කෙරුමෝ නීතියෙන් ගැලවෙති. කුලී මිනීමරුවන් පමණක් දඬුවම් ලබා කාලයක් සිරගතවී සිට ආපසු පැමිණ පැරණි අලුගෝසු රස්සාව ම කරති. පාතාලයත් දේශපාලනයත් අතර සබඳතා පවතින තුරු ‘‘යුක්තිය’’ මෙහෙයුම් කොතරම් ක්‍රියාත්මක කළත් සැබෑ වරදකරුවන් කොටු කරගැනීම  මිරිඟුවක් පමණි.

මේ රටේ අපරාධ රැල්ල තුරන් කර දැමීම පහසු කටයුත්තක් නොවුණත් කරන්දෙණිය පී.එච්.අයි. මහතාගේ ඝාතනය වැනි අපරාධ   නැති කර දැමීමට හෝ පොලිසිය උපරිම බලය යොදා ක්‍රියා කිරීම අවශ්‍ය බව අපි සිතමු.  එහිදී කිසිදු බලපෑමකට පොලිසිය යට නොවන තරමට  එම කාර්යය ඉටුකර ගැනීම පහසුවනු ඇත.

(***)



අදහස් (1)

සමාජය බියගන්වන කුරිරු අපරාධකරුවන් දඬුකඳේ ගහමු

kannangara buva Wednesday, 06 March 2024 11:28 AM

හරි හරි... දඬුකඳේ ගහමු. අපිටද කියන්නේ ඔහේ එනවා නම් අපිත් එනවා දඬුකඳක් හදාගෙන...

:       0       0

ඔබේ අදහස් එවන්න

කතුවැකිය

වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 158 0

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 149 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 273 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 167 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 1007 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 904 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 140 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1423 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1348 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site