IMG-LOGO

2024 ජුනි මස 24 වන සඳුදා


විදුලි බිලේ සහනය ජනතා අපේක්ෂාව ඉටුකිරීමක්

ලංකා විදුලි පනත් කෙටුම්පත වැඩි ඡන්ද 44කින් පාර්ලිමේන්තුවේදී සම්මත විය. ඒ සම්බන්ධ විවිධ මතවාද තිබුණද ලංකා විදුලි පනත් කෙටුම්පත පාර්ලිමේන්තුවේදී සම්මත වූ බව අප පුවත්පත වාර්තා කළ දිනයේදීම විදුලි පාරිභෝගිකයාට අදාළ වැදගත් ප්‍රවෘත්තියක් ද අප පුවත්පත වාර්තා කළේය. එම ප්‍රවෘත්තියෙන් කියවුණේ විදුලි බිල ලබන ජූලි මාසයේදී අඩු කිරීමට  විදුලි බල මණ්ඩලය යෝජනා කරන මිල ගණන් ලැයිස්තුව විදුලි බල හා බල ශක්ති අමාත්‍ය කාංචන විජේසේකර  මහතා පර්ලිමේන්තුවට ඉදිරිපත් කළ බවය.

මෙරට සාතිශය බහුතරයක් ජනයා දැවැන්ත ආර්ථික අර්බුදයකින් පෙළෙන බව ඉතා පැහැදිලිය. කොරෝනා මාරාන්තික වයිරසයත්, රට කළ පිරිස් ගත් මුරණ්ඩු හා අමනෝඥ තීන්දු තීරණ නිසා රටේ ආර්ථිකය බරපතළ අර්බුදයකට ලක්විය. එම අර්බුදයේ බලපෑම ජන ජීවිතයට දැනෙන්නට පටන් ගත්තේ වාත වේගයෙනි. බඩු මිල අහස උසට ඉහළ ගියේය.

 තිබූ රැකියා අවස්ථා අහිමිවීම්, අමතර ආදායම් මාර්ග වැසීයාම් මෙන්ම අලුත් ආදායම් මාර්ග විවර නොවීම නිසා ජනයා බරපතළ ලෙස පීඩාවට පත්ව සිටිති. රජයට ආදායම් මාර්ග ඇහිරී යනවිට එයට පිළියම ලෙස ආදේශ වූයේ ජනයා ආවේෂ වන තරමට බදු පිට බදු ගැසීමය. විදුලිය බිල හා ජල බිල ඉහළ දැමීමය. විදුලිය බිල ඉහළ දැමීම ගහෙන් වැටුණ මිනිහට ගොනා  ඇනීමටත් එහා ගිය දුක්ඛිත අත්දැකීමක්ම විය.

‘නීතිය  යනු ශීලයක් නොවේය’ යන්න  දැන උගත් සමාජය ඉහළින් අගය කරනු  ලබන පිළිගැනීමකි. එමෙන්ම නීතිය යනු ජනයා පීඩාවට පත් කරනු ලබන මර්දනකාරී මෙවළමක් නොවේ. එහෙත් විදුලි බල මණ්ඩලයේ ඇතැම් සේවකයන්ගේ හැසිරීම කිසිසේත්ම සාධාරණීකරණය කළ නොහැකි තරම්ය. විදුලිය බිල නොගෙවීම දෙස මානුෂවාදීව හා සානුකම්පිතව බැලීමට තරම් විදුලි බල මණ්ඩලයේ ඇතැම් සේවකයෝ ශිෂ්ට නොවූහ. ඉතා අඩු හිඟ මුදලටත් ඔවුහු විදුලිය විසන්ධි කළහ. විදුලිය බිල ගෙවීමට නොහැකි තරමට බංකොලොත් වී සිටි ජනයාට අවසානයේදී විදුලිය සැපයුම යළි ලබා ගැනීමට දැරිය නොහැකි තරමේ අමතර වියදමක් දැරීමට සිදුවිය. ජූලි මාසයේ සිට විදුලිය බිල අඩු කිරීමේ මිල ගණන් විදුලි බල හා බලශක්ති අමාත්‍යවරයා පාර්ලිමේන්තුවට ඉදිරිපත් කළ බව පවසන ප්‍රවෘත්තිය සාතිශය බහුතරයක් ජනයාට ශුභාරංචියක්ම වන්නේ මෙම පරිසරය තුළය.

අමාත්‍යවරයා පාර්ලිමේන්තුවට ප්‍රකාශ කර ඇති ආකාරයට ඒකක බින්දුවේ සිට තිහ දක්වා පාරිභෝගිකයන් ලක්ෂ දහ අටකගෙන් ඒකකයකට අය කරන රුපියල් 8ක මුදල 6 දක්වාත් ඒකක 30ත් 60ත් අතර  ලක්ෂ විස්සකගේ පිරිසෙන් ඒකකයකට අය කරන ගාස්තුව වන රුපියල් 20-11 දක්වාත් අඩු කිරීමට යෝජනා කර ඇත.

ඒකක 60ත් 90ත් අතර ලක්ෂ 15ක පමණ පිරිසකගෙන් ඒකකයකට අය කරන රුපියල් 30ක ගාස්තුව රුපියල් 18 දක්වා අඩු කිරීමටත් ඒකක 120ක් පාවිච්චි කරන පිරිසගෙන් ඒකකයට අය කරන රුපියල් 50ක ගාස්තුව රුපියල් 30 දක්වා අඩු කිරීමටත් අමාත්‍යවරයා යෝජනා කර ඇති බව අප පුවත්පත වාර්තා කළේය.

වැඩි කළ ප්‍රමාණයට සරිලන  ආකාරයෙන් අඩු කිරීමක් බලාපොරොත්තු විය නොහැකිය. එය ශක්‍රයාට නොව ශක්‍රයාගේ පුතා වයිමාටවත් කළ නොහැකි බව ආණ්ඩුව කියනු නිසැකය. එමෙන්ම ඇතැම් භාණ්ඩවල මිල ඉහළ යාමට විදුලිය බිල ඉහළ යාමද බලපෑවේය. ඇතැම් ආහාර වර්ග නිෂ්පාදනයට මෙන්ම භාණ්ඩ නිෂ්පාදනයට විදුලිය ඍජුවම අවශ්‍යවීම එයට හේතුවය. එසේ නම් විදුලිය බිල අඩුවීම එම භාණ්ඩ හා ද්‍රව්‍යවල මිල අඩුවීමට හේතු විය යුතුය.

මහජනයා සිටින්නේ තොග පිටින් සහන අපේක්ෂාවෙනි. කවුරුත් ඒ බව තරයේ සිහි තබා ගත යුතුය.

(***)



අදහස් (2)

විදුලි බිලේ සහනය ජනතා අපේක්ෂාව ඉටුකිරීමක්

Chaminda Sunday, 09 June 2024 01:12 PM

ආ ඒ කියන්නේ විදුලි බිල දරාගන්න බැරි තරම් වැඩිකලේ ඡන්දේ කිට්ටුව අඩුකරන්න බලාගෙන නෙමෙයිද?

:       39       1

Vithana Monday, 10 June 2024 03:52 AM

විදුලි බල මණ්ඩලේට අරක් ගත්තු ඩීසල් විදුලි මාෆියා කාරයෝ, වෘත්තීය සමිති මාෆියා කාරයෝ ඉවරයි. ඒ මාෆියා කාරයෝ තමන්ගේ පුද්ගලික ව්‍යාපාර කරමින් විදුලි බිල අහස උසට යන්න සැලස්සුවා. මේ මාෆියා කාරයින් පිටුපස විපක්ෂයේ දේශපාලන පක්ෂ හිටියා. පූනරීන් සහ උමා ඔය විදුලි බල ව්‍යාපෘති කඩාකප්පල් කරලා විදුලි බිල අහස උසට නංවලා, පැය ගණන් විදුලිය විසන්ධි කරන තැනට පත් කළේ ඔවුන්. මේ සියළුම දෙනා පරාජය කරලා ජනතාවගේ අවශ්‍යතාවට මුල් තැන දීලා, ජනදුක නිවන්න සැලසුම් කිරීම ගැන මේ ආණ්ඩුවේ නායකයින්ට ප්‍රණාමය පුද කර සිටිනවා...!

:       1       2

ඔබේ අදහස් එවන්න

කතුවැකිය

ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 69 0

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 88 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 460 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 121 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 219 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 291 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 151 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1427 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3201 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site