IMG-LOGO

2024 ජුලි මස 18 වන බ්‍රහස්පතින්දා


වතු කම්කරු ජීවන අරගලය සාධාරණව විමසුමට ලක්කරමු

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නොවීමය. මිනිසාගේ අවශ්‍යතා අසීමිත වීම එයට එක් හේතුවකි. උද්ධමනය ඉහළ යාම ප්‍රධානම හේතුවය. එහෙත්, මිය යනතුරු ජීවත් වීම මිනිසාගේ අයිතියකි. වතු කම්කරුවාට ද එම අයිතිය එලෙසින්ම තිබේ.

වතු කම්කරුවා යන විශේෂ නාම පදයකින් හැඳින්වෙන මධ්‍යම කඳුකරයේ වතු ජනයා ජීවත් වන්නේ කිසි ලෙසකින් හෝ සුව පහසුවෙන් නොවන බව ඒකාන්ත සත්‍යයකි. ආරම්භයේ සිටම ඔවුන් ගත කරන්නේ දුක්ඛිත ජීවිතයකි. මිනිස් වාසයට හිතකර නොවන ‘ලයින් කාමර’ නමින් හැඳින්වෙන කූඩාරමක ජීවත් වන මෙම ජනයාගේ ප්‍රධානම ආහාර වේල එක්කෝ පාන්ය. නොමැති නම් රොටිය. තේ දල්ලෙන් එපිට ලෝකයක් දැකීමේ වරම අහිමි මෙම ජනයා මධ්‍යම කඳුකරයේ පස් යටම සැඟවී යති. ඇත්තම කාරණය නම්, ජීවිතය අහිමිව මෙසේ ජීවත් වීමේ අරුත කුමක් ද යන්නය.

වතුකරයේ ජනයාගේ ජීවිත ස්වභාවය එයට හිමි නිසි හරයෙන්ම විමසා බැලිය යුතුය. වතු කම්කරුවාට දෛනිකව ලැබෙන රුපියල් දහසෙන් මුළු දරු පවුලක්ම රක්ෂා කළ යුතුය. දෛනික වැටුප රුපියල් දහස වූයේත් ආසන්න මෑත කාලයේය. එය ද නොනැවතී කළ මහ සටන්වලින් පසුවය.

අති විශේෂ ගැසට් නිවේදන දෙකක් මගින් වතු කම්කරුවන්ගේ දෛනික වැටුප රුපියල් 1,700ක් විය යුතු බව රජය ප්‍රකාශ කළේය. එම වැටුප ගෙවන ලෙස රජය වතු සමාගම්වලට නියම කළේය. වතු කම්කරුවාගේ දෛනික වැටුප රුපියල් 1,700ක් කිරීම කවර පැතිමානවලින් බැලුව ද ඉතා යහපත් තීන්දුවකි. උද්ධමනය ඉහළ ගොස් ඇති ප්‍රමාණය අනුව එය ප්‍රමාණවත් නොවේ යන්න ද මතු කළ හැකි තර්කයකි. එහෙත්, එම තීරණය පැසසුම් කටයුතුය. අප පුවත්පත ඊයේ වාර්තා කළ ප්‍රවෘත්තියකින් කියැවුණේ, වතු කම්කරුවන්ට දිනකට රුපියල් 1,700ක වැටුපක් ලබා දෙන ලෙස රජය නියෝග කර තිබුණ ද මේ දක්වා කිසිදු වැවිලි සමාගමක් එම වැටුප කම්කරුවන්ට නොදෙන බවය.

ශ්‍රී ලංකා වැවිලිකරුවන්ගේ සංගමයේ ප්‍රධාන ලේකම් ලලිත් ඔබේසේකර මහතා අප පුවත්පතට ප්‍රකාශ කර තිබුණේ, රජය නියම කර ඇති වතු කම්කරු දෛනික වැටුප කිසිසේත්ම දිය නොහැකි බවය. එමෙන්ම, වතු කම්කරුවන්ගේ දෛනික වැටුප සහ වතුවල අනාගතය සම්බන්ධයෙන් සලකා බලා දෙපාර්ශ්වයටම යහපත් යෝජනාවලියක් ආණ්ඩුවට ඉදිරිපත් කරන බව ද ඒ මහතා අප පුවත්පතට ප්‍රකාශ කර තිබිණි.

තේ වතු සමාගම් අධික ලාබ උපයන්නේ යැයි අපි නොකියමු. එම කර්මාන්තය උච්චාවචනය වන කර්මාන්තයකි. එනම්, ඉහළ යෑම් මෙන්ම පහළ බැසීම් ද ඇති කර්මාන්තයකි. එහෙත්, වතු කම්කරුවාට ජීවත් වීමට සරිලන වැටුපක් ලබා දීමේ වත්කමක් මෙම වතු සමාගම්වලට තිබේ. එම නිසා වතු කම්කරුවාගේ ජීවන අරගලය සම්බන්ධයෙන් මානුෂිකවාදී ඇසකින් බැලිය යුතු බව අපි අවධාරණය කරමු.

රජය අනුමත වැටුප පවා නොලැබෙන්නේ නම් වතු කම්කරු ජනයා පෙළන අසාධාරණය කොතරම් ද යන්න වටහා ගැනීම අසීරු නැත. ලක්ෂ 5කට 6කට වැඩි වතු කම්කරු ජනයාගේ ජීවිත දුක වතුකරයේ දේශපාලනඥයන්ට ඡන්ද පමණකි. වතු කම්කරුවාගේ ජීවිත සුඛිත මුදිත කරන බවට දස අතේ පොරොන්දු දී එම ජනයාගේ ඡන්දයෙන් දියවන්නාව තරණය කර එම ‘ඡන්ද කුට්ටිය’ පෙන්වා මැති ඇමැති ධුර ඩැහැ ගනිති. එහෙත්, වතු කම්කරු ජනයාගේ ජීවිතවලට කිසිදු වෙනසක් නැත.

රජයට අයත් ඇල්කඩුව වතු සමාගමේ වතු කම්කරුවන්ට රජය අනුමත කළ රුපියල් 1,700ක දෛනික වැටුප ලබා දුන්න ද දිගින් දිගටම එය එම සමාගමට කළ නොහැකි වනු ඇති බවත්, 2016 වසරේ සිට එම කම්කරුවන්ට සේවක අර්ථසාධක හා සේවක භාරකාර අරමුදල් ගෙවා නැති බවත් ශ්‍රී ලංකා වැවිලිකරුවන්ගේ සංගමයේ ලේකම්වරයා ප්‍රකාශකර තිබිණි. වතු ජනයාගේ දුක්ඛිත ඉරණම වටහා ගැනීමට එය වුව ද ප්‍රමාණවත්ය.

(***)

 



අදහස් (1)

වතු කම්කරු ජීවන අරගලය සාධාරණව විමසුමට ලක්කරමු

saman Wednesday, 19 June 2024 12:22 PM

ඕකෙන් අන්තිමට වෙන්නේ බාර් මුදලාලිලා පෝසත් වෙන එක විතරයි.

:       0       2

ඔබේ අදහස් එවන්න

කතුවැකිය

විපක්ෂයේ ආණ්‍ඩුවේ මන්ත්‍රීන් දෙදෙනාගේ යෝජනාව අගය කරමු
2024 ජුලි මස 17 349 0

පාර්ලි​මේන්තුවේ ආණ්ඩු පක්ෂ, විපක්ෂ මන්ත්‍රීවරුන් එකම යෝජනාවකට එකඟත්වය පළ කරන්නේ කලාතුරකිනි. එසේ කලාතුරකින් සිදුවන එකඟත්වයක් පසුගියදා පාර්ලිමේන්තු


පුරන් කුඹුරු අස්වද්දන ගොවීන් අමාරුවේ දාන්න එපා
2024 ජුලි මස 15 618 1

වසර 15කට වැඩි කාලයක් පුරන්ව තිබූ මීගොඩ වෙල්යායේ අක්කර 20ක පමණ කුඹුරු යායක් යළි අස්වැද්දීමට ගත් උත්සාහයක් වැළකී ගොස් ඇතැයි එම ප්‍රදේශයේ ගොවීන් ප්‍රකාශ කර


පැනියාවලින් රටට දුන් අගනා ආදර්ශය
2024 ජුලි මස 13 1150 3

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 299 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 203 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1441 1

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 127 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 993 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1874 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site