IMG-LOGO

2024 ජුලි මස 14 වන ඉරිදා


වත්කම් බැරකම් නීති තදින්ම ක්‍රියාත්මක කරවමු

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුවම් දෙකම හෝ නියම කිරීමට නව දූෂණ විරෝධී පනතේ ප්‍රතිපාදන සලසා ඇතැයි ලංකාදීප ප්‍රවෘත්තියකින් හෙළිකර තිබේ. එම පනතට අනුව ජුනි මස 30 වැනිදායින් අවසන් වන කාල සීමාවට ප්‍රථමව එකී වත්කම් ප්‍රකාශ බාරදී නොමැති නම් සැප්තැම්බර් 06 වැනිදා දක්වා වන කාල සීමාවකින් පසුව මෙම දඬුවම් පැමිණවීමේ නීතිමය ක්‍රියාමාර්ග ගනු ලබන බවද එම ප්‍රවෘත්තියේ සඳහන් වෙයි.

නව දූෂණ විරෝධී පනත මගින් පනවා ඇති මේ විධිවිධාන සම්බන්ධයෙන් මේ රටේ සියලු ජනතාවගේ ප්‍රසාදය හිමිවෙන බව මුලින්ම සඳහන් කළ යුතුය. අදාළ පනත බලාත්මක කෙරුණේ අයි.එම්.එෆ්. යෝජනාවක් අනුව බවද මෙහිදී සිහිපත් කිරීම අවශ්‍යය. එය අදාළ ගිවිසුම්වල එක් ප්‍රධාන කොන්දේසියක් විය. ඒ අනුව මේ පනතට අදාළව නීතිමය ක්‍රියාමාර්ග ගැනීම රටේ ඉහවහාගිය දූෂණය සහ වංචාව හැකිතාක් දුරකට අවම කිරීමේ උත්සාහයට විශාල රුකුලක් වනු ඇත.

අප එසේ පවසන්නේ ඕනෑම පුද්ගලයකුගේ වත්කම් සහ බැරකම් සමග එම පුද්ගලයා උපයන ආදායම ඍජුවම බැඳී පවතින බැවිනි. උපයන ආදායමේ ප්‍රකාශිත සහ අප්‍රකාශිත වශයෙන් කොටස් දෙකක් පවතින බව ප්‍රකට රහසකි. අතීතයේ දී පවා බොහොමයක් මුදලාලිලා පාරිභෝගිකයාට ලබාදෙන බිල්පත සහ ආදායම් දෙපාර්තමේන්තුවට පෙන්වන බිල්පත වශයෙන් බිල්පොත් දෙකක් භාවිතයට ගන්නා බව සමාජයේ කතාබහට ලක්වූවකි. එහෙත් එම වංචාව වර්තමානයේ සිදුවන මහා පරිමාණ ගසාකෑම් සමග සසඳන කල නොගිණිය හැකි තරම්ය. වංචා සහ දූෂණ ක්‍රියාමාර්ග මැඩලීම සඳහා නව දූෂණ විරෝධී පනත ඇතුළු අණ පනත් අලුතින් බිහිවුණේ වංචා සහ දූෂණ ද අයථා ලෙස උපයා ගන්නා ආදායම් ද මැඩ පැවැත්වීමේ අරමුණෙනි. එහෙත් මේ දක්වා නව දූෂණ විරෝධී පනතේ විධි විධාන දේශපාලනඥයන් සම්බන්ධයෙන් ක්‍රියාත්මක නොවූ තරම්ය. වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන් සිරගත කරන සහ ඔවුන්ට දඩ ගසන නීති ක්‍රියාත්මක කිරීම ඒ අනුව දූෂණ වංචා වැඩලීමේ නව ප්‍රවේශයක් වශයෙන් අපි දකිමු.

දේශපාලන සබඳතා යොදා ගනිමින් විවිධ ආකාරයට ධනය උපයන දේශපාලනඥයන් අප රටේ හිඟ නැත. තැපැල් නයින්ටිය පැදගෙන පුංචි ඡන්දවලට ඉදිරිපත්වී දේශපාලනයට අතපොත් තැබූ සමහර මන්ත්‍රීලා පසු කාලයකදී පාර්ලිමේන්තුවට පැමිණ මාලිගා බඳු නිවාස හදාගෙන නැව් පවා මිලදී ගත් බව රහසක් නොවේ. එහෙත් පැවති නීති යටතේ වත්කම් බැරකම් ප්‍රකාශ ඉදිරිපත් කිරීම සම්බන්ධයෙන් තිබූ විධිවිධාන මඩේ සිටවූ ඉන්නක ආකාරයෙන් ක්‍රියාත්මකවීම නිසා මේ සියලු දෙනාට ගැටලුවක් නොවීය. නව නීති යටතේ තවදුරටත් එසේ නොවනු ඇතැයි අපි විශ්වාස කරමු.

දේශපාලන බලය යොදා ගනිමින් තමන් උපයන වත්කම් ප්‍රකාශ කිරීමෙන් වැළකී සිටීමට ඇතැම් මන්ත්‍රීවරුන් සහ ඇමැතිවරු උපන් හපන්නු වෙති. රටේ සාමාන්‍ය ජනතාවට ක්‍රියාත්මක වන නීතිය තමන්ට ක්‍රියාත්මක නොවන බවටත් තමන් සිටින්නේ එම නීතියට ඉහළින් බවටත් වන හැඟීමක් ආණ්ඩු පක්ෂ සමහර මන්ත්‍රීවරු තුළ පවතී. විපක්ෂයේ සිටියදී වංචාවට සහ දූෂණයට එරෙහි සටනේ පෙරමුණේ සිටින කසකාරයන් ආණ්ඩු බලයට පැමිණි පසු ඒ සියලු ප්‍රතිපත්ති පසෙකට දැමීමට ගත වන්නේ සුළු කාලයකි. මේ හේතුවෙන් වත්කම් බැරකම් ප්‍රකාශ ඉදිරිපත් කිරීම කිසිදු ආණ්ඩුවක් යටතේ නියමාකාරයෙන් ක්‍රියාත්මක වූයේ නැත.

එය නව දූෂණ විරෝධී පනතේ ප්‍රබලම වගන්තියක් බවට පත් වන්නේ එම අඩුපාඩුව මගහරවා ගැනීම සඳහා බවත් එම නීතිය අකුරටම ක්‍රියාවේ යෙදිය යුතු බවත් පෙන්වා දෙමු. වත්කම් බැරකම් ප්‍රකාශ ඉදිරිපත් කිරීමට නොහැකි වන මන්ත්‍රීවරයා එසේ නොකරන්නේ ප්‍රකාශ කිරීමට නොහැකි ආකාරයට උපයාගත් ආදායම් හේතුවෙන් බව පැහැදිලිය. එවැනි කම්බා හොරුන්ට සිර දඬුවම් සහ දඩ නියම කිරීම පිරිසුදු පාලනයකට තබන ශක්තිමත් ඉදිරි පියවරක් වනු නොඅනුමානය.

(***)



අදහස් (0)

වත්කම් බැරකම් නීති තදින්ම ක්‍රියාත්මක කරවමු

ඔබේ අදහස් එවන්න

කතුවැකිය

පැනියාවලින් රටට දුන් අගනා ආදර්ශය
2024 ජුලි මස 13 251 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 166 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 89 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1161 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 181 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 362 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 7 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1787 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site