IMG-LOGO

2024 ජුනි මස 25 වන අඟහරුවාදා


රේගුවේ ආදායම් අවභාවිතාව

ශ්‍රී ලංකා රේගුව රටට ආදායම් ගෙන එන ප්‍රධානම රාජ්‍ය දෙපාර්තමේන්තුවකි. රේගුවේ මාධ්‍ය ප්‍රකාශක සීවලී අරුක්ගොඩ මහතා මේ වර්ෂය ආරම්භයේදී ප්‍රකාශ කර තිබුණේ, 2023 වර්ෂය තුළදී රුපියල් බිලියන 970ක වාර්තාගත ආදායමක් ලබා ගැනීමට රේගුව සමත් වූ බවය. එය රේගු ඉතිහාසයේ ඉහළම ආදායම් වාර්තාව බව ද සඳහන් කෙරිණි. එහෙත්, මෙසේ වාර්තාගත ආදායමක් ලැබීම, රේගු නිලධාරීන්ට සිත්සේ එම ආදායමෙන් කොටසක් අයථා ලෙස බෙදා ගැනීමට හේතුවක් කරගත නොහැක. එවැන්නක් සිදු වී නම්, එය හැඳින්විය යුත්තේ එක්තරා අන්දමක ගසාකෑමක් වශයෙනි.

අප මේ කරුණු සඳහන් කරන්නේ, අපගේ සහෝදර පුවත්පතක් වන ඉරිදා ලංකාදීපයේ පළ වූ ප්‍රවෘත්තියක් කෙරෙහි අවධානය යොමු කරවමිනි. එම ප්‍රවෘත්තියට අනුව, 2012 වර්ෂයේ සිට 2023 වර්ෂය දක්වා කාලයේදී රේගුවේ නිලධාරීන්ට සහ රේගුවට තොරතුරු සපයන පුද්ගලයන්ට මුදල් අමාත්‍යවරයාගේ අනුමැතියකින් තොරව රුපියල් කෝටි 2,422ක් බෙදා දී තිබේ. තෑගි මුදල් වශයෙන් මෙතරම් විශාල මුදලක් බෙදා ගැනීමේදී ඒ සඳහා විෂයය භාර අමාත්‍යවරයාගේ අනුමැතියක් ලබා නොගැනීම එම දීමනාවල නීත්‍යනුකූලභාවය දැඩි ප්‍රශ්න කිරීමකට ලක් කරන බව පෙන්වා දිය යුතුය. රේගු නිලධාරීන්ගේ තනි අභිමතය පරිදි පමණක් මෙතරම් විශාල මුදලක් බෙදා හදා ගැනීමට රේගුවේ ලොක්කන්ට හයියක් ලැබුණේ කෙසේ ද යන්න විමසා බැලිය යුතු නොවේ ද?

ත්‍යාග මුදලට අමතරව අතිකාල සම්බන්ධයෙන් ද සාමාන්‍ය රාජකාරිවලදී පවා දිරි දීමනා සහ වෙනත් අමතර ප්‍රතිලාභ ලබා ගැනීම සම්බන්ධයෙන් ද අක්‍රමිකතා සිදු වී ඇති බව මේ තොරතුරු හෙළි කරන ජාතික විගණන කාර්යාලය, රේගු අරමුදල් කළමනාකරණය සහ පරිපාලනය සම්බන්ධ විශේෂ විගණන වාර්තාව පෙන්වා දී තිබේ. එම තොරතුරුවලට අනුව, රේගුවේ අතිකාල අරමුදල ද දැඩි ලෙස අවභාවිත වී තිබේ. 2021 සහ 2023 වර්ෂවලදී මෙම අතිකාල අරමුදලින් රුපියල් කෝටි 200ක් නිලධාරීන්ට ලබා දීමේදී රජයට බැර කර ඇත්තේ රුපියල් කෝටි 20ක් පමණි. එය රජයට ලබා දිය යුතු ආදායමක් වැඩි කලබලයකින් තොරවම අමතක කර දැමීමකි. එතරම් අපරික්ෂාකාරී ලෙස රේගුවේ ආදායම කළමනාකරණය කිරීම සම්බන්ධයෙන් ඒ කාලවල වගකිව යුතු නිලතල හෙබවූ නිලධාරීන් වගකිව යුතුය. මෙවැනි අක්‍රමිකතා ඉදිරියේදී හෝ සිදු නොවීමට වග බලා ගැනීම වත්මන් රේගු බලධාරීන්ගේ වගකීම වෙයි.

ශ්‍රී ලංකාවේ රාජ්‍ය ආදායම නිසි ලෙස කළමනාකරණය නොකිරීමේ ප්‍රතිවිපාක වඩාත්ම දැනෙන්නේ මේ රටේ පොදු මහජනතාවටය. කර මුලටම ආර්ථික වශයෙන් හිර වුණත්, රජයට බදු ගෙවීමට බැඳී සිටින ජනතාව අපා දුක් විඳිද්දී රජයට ආදායම් ලබා දිය යුතු නිලධාරීන් එම ආදායම තමන්ගේ හැන්දෙන් තමන්ටම බෙදා ගැනීම කිසිසේත් අනුමත කළ නොහැකිය. රේගුව විශේෂ රාජ්‍ය සේවාවක් බවත්, එහි නිලධාරීන්ට රාජකාරි ඉටු කිරීමේදී ප්‍රබල අභියෝගවලට මුහුණ දීමට සිදු වන බවත් අපි දැන සිටිමු. ඒ වෙනුවෙන් ඔවුන්ට තම රාජකාරි ආවරණය කිරීමේදී රජයේ සෙසු නිලධාරීන්ට නොමැති වරප්‍රසාද නීතියෙන්ම ලබා දී ඇති බවත් දනිමු. වැටලීම් සිදු කළ විට ත්‍යාග මුදල් වශයෙන් සැලකිය යුතු මුදලක් එම රාජකාරි ආවරණය කළ නිලධාරීන්ට ලබා දීම එවැනි එක් වරප්‍රසාදයකි. එහෙත්, අදාළ විගණන වාර්තාව පෙන්වා දී ඇත්තේ, සාමාන්‍ය රාජකාරි ඉටු කරන නිලධාරීන්ටත් එවැනි දිරි දීමනා සහ ප්‍රතිලාභ ලබා දීමට නිලධාරීන් ක්‍රියා කර ඇති බවය. එය පැහැදිලිවම මුදල් අවභාවිත කිරීමකි.

වාර්තාගත අන්දමට රජයට ආදායම ලබා දීමට කැපවී කටයුතු කරන රේගු නිලධාරීන්ට අපගේ ප්‍රශංසාව හිමි වන බව ද මෙහිදී සඳහන් කරමු. රාජ්‍ය මූල්‍යකරණයේ ඉතා වැදගත් ආයතනයක් මහා පරිමාණයේ මුදල් අක්‍රමිකතා සිදු වන ස්ථානයක් වශයෙන් හංවඩු ගැසෙනවා දැකීමට ද අපි අකැමැත්තෙමු. රජයට ආදායම් උපයා දීමත් සමග එයින් කොටසක් නිසි අනුමැතියකින් තොරව අනීතික ලෙස තමන්ටම බෙදා ගැනීම කිසි ලෙසකින්වත් සාධාරණ නැත. එය ශ්‍රී ලංකා රේගුවේ අභිමානයට කැළලක් බව ද පෙන්වා දීමට කැමැත්තෙමු.

 

(***)



අදහස් (0)

රේගුවේ ආදායම් අවභාවිතාව

ඔබේ අදහස් එවන්න

කතුවැකිය

තෙල් සංස්ථා වංචාව වසර 8 ක්ම යටගැහීම
2024 ජුනි මස 24 137 0

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 113 1

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 119 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 587 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 150 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 229 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 236 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1449 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3222 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site