IMG-LOGO

2024 මාර්තු මස 04 වන සඳුදා


රාජ්‍ය සේවා කොමිසම එපා නම් තීරණයක් ගන්න

අප රටට අත්වී ඇති ඉරණම කැබිනට් අමාත්‍යවරුන්ට අමාත්‍යංශ ලේකම්වරුන් ඇතුළු ඉහළ රාජ්‍ය නිලධාරීන්ට එරෙහිව ඇති විවිධාකාර චෝදනාවලින් වුවද පැහැදිලි කරගත හැකියි. මෙයට හැත්තෑ හය වසරකට ඉහතදී දියුණු වෙමින් පවත්නා රටක් ලෙස නාමකරණයට ලක්වූ අප රට අද දවස වනවිට ගමනාන්තය සලකුණු කර තිබෙන්නේ ‘බංකොලොත් වූ රටක්’ යන නාම පුවරුව සමගිනි. මෙය ඉතා ඛේදනීය තත්වයක් බවත් එබඳු තත්වයක්  නිර්මාණය වූයේ අහම්බයෙන් නොවන බවත් ඒකාන්ත සත්‍යයකි.

අප පුවත්පත ඉකුත්දා වාර්තා කළ ප්‍රවෘත්තියකින් කියැවුණේ රාජ්‍ය සේවා කොමිෂන් සභාවට ලැබෙන පැමිණිලි විභාග කිරීමේ බරපතළ ප්‍රමාදයක් පවතින බව රාජ්‍ය ගිණුම් පිළිබඳ පාර්ලිමේන්තු කාරක සභාවේදි (කෝපා කමිටුව) තොරතුරු අනාවරණය වූ බවය.

 කෝපා කමිටුව හමුවේ අදහස් දක්වා ඇති රාජ්‍ය සේවා කොමිෂන් සභාවේ  නිලධාරීන් ප්‍රකාශ කර ඇත්තේ දෙපාර්තමේන්තු ප්‍රධානීන්ගේ පත්වීම් බලධාරියා අමාත්‍යවරයා වන බැවින්ද අමාත්‍යංශ ලේකම්වරුන්ගේ පත්වීම් බලධාරියා ජනාධිපති වන බැවින්ද කරුණු විමසීම සඳහා ඔවුන් කැඳවීම් කිරීමට කොමිෂන් සභාවට බලයක් නොමැති හෙයින් පැමිණිලි විභාග කිරීම ප්‍රමාද වන බවය.

කෝපා කමිටුව මෙම ප්‍රකාශයට ප්‍රතිචාර වශයෙන් දක්වා තිබෙන්නේ පැමිණිල්ලක් ලැබුණු පසු ඒ සම්බන්ධයෙන් ක්‍රියාත්මකවීමට කොමිෂන් සභාවකට නොහැකි නම් එය ක්‍රමයේ වැරැද්දක් බවත් එම වැරැද්ද නිවැරැදි කිරීමට කටයුතු කරන ලෙසය. එමෙන්ම කෝපා කමිටුවේ අදහස වී තිබෙන්නේ රාජ්‍ය සේවා කොමිෂන් සභාවේ ව්‍යුහය තුළ එක් සේවා නිලධාරී කාණ්ඩයකට අයත් නිලධාරීන් පමණක් නියෝජනය වීම අපක්ෂපාතී හා සාධාරණ ක්‍රියාදාමයකට බාධා විය හැකි බවය.එබැවින් මෙම තත්වය නිවැරැදි කිරීම සඳහා කෝපා කමිටුව රාජ්‍ය සේවා කොමිෂන් සභාවේ නිලධාරීන්ට නිර්දේශ නිකුත් කළ බවද අප ප්‍රවෘත්තියෙහි වැඩිදුරටත් සඳහන්ය.

රාජ්‍ය සේවා කොමිෂන් සභාවට ලැබෙන පැමිණිලි විභාග කිරීමේ බරපතළ ප්‍රමාදයට හේතුව ඉතා පැහැදිලිය. එසේ නම් කළ යුතුව තිබෙන්නේ එම හේතුව තුරන් කිරීමය. එහෙත් සිදු වී නැත්තෙත් එයමය. එය එසේ වී තිබෙන්නේ ඇයි? ක්‍රමය නිවැරැදි නොකිරිමේ වගකීම බාරගත යුත්තේ කවුරුන්ද? වැරැදි ක්‍රමවේදය එලෙසින්ම පවත්වාගෙන යමින් එය නඩත්තු කිරීමද බරපතළ වැරැද්දකි.

අප රටට ඇති බරපතළ ප්‍රශ්නයක් වනුයේ කිසිම ක්ෂේත්‍රයකට අදාළව ජාතික ප්‍රතිපත්තියක් නොමැතිවීමය. ආණ්ඩු මාරුවකදී පමණක් නොව එකම ආණ්ඩුවක ඇමතිවරුන් මාරු වූ විටදී ද එතෙක් ක්‍රියාත්මක කරගෙන ආ සියලු කටයුතු අතහැර දමා අභිනව අමාත්‍යවරයාගේ වැඩපිළිවෙළ ක්‍රියාත්මක කිරීම දක්නට ලැබෙන්නකි.

ස්ථිරසර වැඩ පිළිවෙළක් ක්‍රියාත්මක කිරිමේ ප්‍රතිපත්තියක් නොමැති හෙයින්  ඒ වගකීම ඇති නිලධාරීන්ටද ඒ සම්බන්ධ වගකීමක් නැත. තමන් ධුරයේ රැඳී සිටින කාලය කොහොමින් හෝ ගෙවා දමමින්  පැලැස්තර විසඳුම් නිර්දේශ කිරීමට නිලධාරීන් පෙළඹි තිබෙන්නේ එහෙයිනි. රාජ්‍ය සේවයට අදාළ පැමිණිලි විභාග කිරීමට ඇති රටේ ප්‍රධානම ආයතනයට අත්වි ඇති දුක්ඛිත ඉරණම රාජ්‍ය සේවයේ අනාගතය සම්බන්ධයෙන් කිසිසේත්ම යහපත් නොවන බව අපි අවධාරණය කරමු. 

(***)



අදහස් (1)

රාජ්‍ය සේවා කොමිසම එපා නම් තීරණයක් ගන්න

Deepal Nirosh Wednesday, 07 February 2024 04:18 PM

පසුගිය පළාත් පාලන මැතිවරණ පමාව ගැන විමසන්න මැ/කො මුදල් අමාත්‍යංශ ලේකම් කැඳෙව්වා. ආවාද? ඉතින් මේ කොමිෂන් ගැන තව මොන කතාද?

:       1       2

ඔබේ අදහස් එවන්න

කතුවැකිය

කුඩා තේ වතු හිමියන්ට සහනයක් දිය නොහැකිද?
2024 මාර්තු මස 02 101 0

රටේ ආර්ථිකය තවමත් තිබෙන්නේ මරණ මංචකයේය. කොවිඩ් මාරක වසංගතයත් මෙරට පාලකයන් ගත් අනුවණ උද්ධච්ච තීන්දු තීරණත් හේතුවෙන් බිඳ වැටුණු ආර්ථිකය එසේ එකවර වේගයෙ


බොටුව මිරිකීම නතර කර ජනතාවට සහනයක් දෙන්න
2024 මාර්තු මස 01 253 0

යුද සමයේ දී ‘‘මුදා නොගත් ප්‍රදේශ’’ යනුවෙන් විශේෂයෙන් නාමකරණය කරන ලද ප්‍රදේශ තිබිණි. එම ප්‍රදේශ පාලනය කරනු ලැබුවේ ත්‍රස්තවාදීන් විසින්ය. ත්‍රස්තවාදීන


සමාජය බියගන්වන කුරිරු අපරාධකරුවන් දඬුකඳේ ගහමු
2024 පෙබරවාරි මස 29 245 0

මේ වසරේ අද (29) ගෙවී ගියේ දෙවැනි මාසයයි. දින වශයෙන් ගණන් තැබුවොත් 60කි. මේ දින 60ට රටේ විවිධ ප්‍රදේශවල වෙඩි තැබීම්වලින් සිදුව ඇති ඝාතන සංඛ්‍යාව 14ක් වන අතර තවත්


සම්මාන මේනියාවෙන් රෝගී අපේ ප්‍රභූවරු
2024 පෙබරවාරි මස 28 603 0

‘සම්මාන මේනියාව’ අප රටේ බොහෝ දෙනකුට වැළඳෙන රෝගයකි. එය බොහෝ දේශපාලනඥයන්ට වැළඳෙන ‘රථගාය’ බඳු ය. ධනය ලැබූ පසු බොහෝ දෙනෙක් බලය පසුපස හඹායති. ඒ ගමනට සම්මාන ල


මල්වතු මහ නාහිමි ප්‍රකාශය අගයමු
2024 පෙබරවාරි මස 27 835 1

වර්තමාන පාලකයන් ඡන්දය කල් දැමීමට කටයුතු කළහොත් ඊට ඉඩ නොතබන ලෙස තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශ්වයේ මහ නා හිමියන් පසුගියදා සඳහන් කර ත


හොර දොස්තරලාගෙන් රෝගීන් බේරාගන්න බැරිද?
2024 පෙබරවාරි මස 26 422 3

අප රටේ ජනයා කවර කලෙක කළ පාපකර්මයක් ගෙවා දමමින් සිටින්නේදැයි සිතා ගත නොහැකි තරම්ය. නයන පිනවන මේ රන් දිවයිනේ ඉපදීම සම්බන්ධයෙන් ප්‍රීති ප්‍රමෝදයට පත් විය


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 518 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 421 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 374 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site