IMG-LOGO

2024 ජුනි මස 18 වන අඟහරුවාදා


පාසල් දරුවන්ගේ උදේ ආහාරය සුළුවට නොතකමු

සකල  සිරින් පිරි ශ්‍රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක මහතාගේ ප්‍රධානත්වයෙන් යුත් ක්‍රම සහ විධි පිළිබඳ පාර්ලිමේන්තු කාරක සභාවේදී මේ බව අනාවරණය වූ  බවද එම ප්‍රවෘත්තියේ වැඩිදුරටත් සඳහන්ය.

මේ රට යනු තරුණ කැරලි දෙකක අත්දැකීම් ඇති රටකි. මෙම කැරලි නිර්මාණය වූයේ අහේතුකව නොවේ. අයුක්තියෙන්, අසාධාරණයෙන් හා අසමානතාවෙන් නොනැවතී පීඩා විඳි තරුණයන්ගේ අසහනය කැරලි ලෙස එසේ ප්‍රකාශයට පත්විය. ලෙයින්, යකඩෙන් හා ගින්දරෙන් මඩිනු ලැබුව ද එම කැරලි නිර්මාණය වීමට හේතු පාදක වූ සාධක අමතක නොකළ යුත්තකි.

 මේ රට යනු තිස් වසරක යුද්ධයකින් දැවුණු තැවුණු රටකි. මිනීමරු ප්‍රභාකරන්ගේ සිහින ඊළාම් දේශය වෙනුවෙන් යුද්ධය ආරම්භ වුවද ප්‍රභාකරන්ට අවශ්‍ය වූ මරාගෙන මැරෙන මිනිස්  බෝම්බ බවට පත් වූ තරුණයා ද සමඟ තෝරා ගත්තේ ද තමන් පෙළෙමින් සිටි පීඩනයට පිළිතුරක් වශයෙන් ඇති වූ හැඟීම නිසා බව බැහැර කළ නොහැකිය.

ඉතිහාසය, පුනරුච්චාරණය කරනු ලැබුවේ සහේතුකවය. පාසල් සිසුන්ගෙන් ලක්ෂ 6ක් උදෑසන ආහාර වේල නොගෙන පාසල් පැමිණෙන බව වාර්තාවීම ඉතා බැරෑරුම්ව වටහා ගත යුත්තකි. එය එක් අතකින් මෙරට පවතින පංති විසමතාව පෙන්නුම් කරන ප්‍රවෘත්තියකි. සම්පත් බෙදී යාමේ ඇති විසමතාව අවධාරණය කෙරෙන පුවතකි. මෙම තත්වය බැරෑරුම්ව ගත යුත්තේ මෙමගින් පීඩාවට පත්වන දරුවා තුළ ඇති කරනු ලබන්නේ අසහනය, අපේක්ෂාභංගත්වය වන හෙයිනි. මෙම සාධක දෙකම කැරලිවලට අවශ්‍ය පසුබිම සකස් කර දේ.

ක්‍රම සහ විධි පිළිබඳ පාර්ලිමේන්තු කාරක සභාවේ දී අනාවරණ වී ඇති තවත් සුවිශේෂි කරුණක් වන්නේ පාසල් දරුවන්ට ආහාර ලබාදීමේ වැඩ පිළිවෙළ ක්‍රියාත්මක කිරීමෙන් පසු දරුවන් පාසලට පැමිණීම වැඩි වී ඇති කාරණයයි. මෙමගින් අපට නිගමන දෙකකට එළැඹිය හැකිය. පළමු වැන්න නම් ඇතැම් දරුවන් පාසල් නොඑන්නේ පාසල් ඒමට තරම් ශක්තියක් නොමැති නිසා බවය. දෙවැනි කාරණය නම් ආහාර ලබාදීමේ වැඩ පිළිවෙළ ක්‍රියාත්මක වීමෙන් පසුව දරුවන් පාසලට පැමිණීම වැඩි වී ඇත්නම් එම දරුවන් පාසල් පැමිණෙන්නේ ඉගෙනීමට නොව කුසගින්න නිවා ගැනීමට බවය. මේ රටේ දරුවා මුහුණ දී සිටින ඛේදවාචකය ඉහත නිගමන දෙකෙන් වුවද පැහැදිලි කරගත හැකිය.

පෙරදිග ධාන්‍යාගාරය යැයි විරුදාවලි ලත් නයන පිනවන මේ රන් දිවයින අද පත්ව ඇති ඉරණම බෙහෙවින්ම ඛේදනීය වේ. මේ තත්වයට රට පත් කළ අධමයන් කවුදැයි එකිනෙකාට බැණ අඬ ගැසීමෙන් මෙම ඉරණම වෙනස් කළ නොහැකිය. අවශ්‍ය වන්නේ ප්‍රශ්නයට ඉක්මන් පිළිතුරකි. දේශපාලන පාට කණ්ණාඩි නොදමා සාමුහික විචාර බුද්ධියෙන් මෙන්ම අවුළුවාගත් මහා මිනිස් අනුරාගයෙන් පණ පෙවී ප්‍රශ්නය දෙස බලන්නේ නම් ඉක්මන් පිළිතුරු නිර්මාණය කර ගැනීම අසීරු නොවේ.

‘ලොව හොඳම දේ දරුවන්ට’ යන්න ශිෂ්ට සම්පන්න ජන සමාජයේ ඉමහත් ඉහළින් උස්මහත් කරනු ලැබූ සංකල්පයකි. එහෙත් අවාසනාවකට අපේ දරුවෝ ලොව නරකම දෙයෙහි පහසු ගොදුරු බවට පත්ව සිටිති. එම දරුවා රටේ අනාගතය බාරගැනීමට සිටින්නාය. එම තත්වය තුළ රටේ අනාගතය සම්බන්ධයෙන් අපට සුබවාදී බලාපොරොත්තු තබාගත හැකිද යන්න වැඩිහිටියා කල්පනා කළ යුතුය.

(***)



අදහස් (0)

පාසල් දරුවන්ගේ උදේ ආහාරය සුළුවට නොතකමු

ඔබේ අදහස් එවන්න

කතුවැකිය

පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 64 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 192 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


අයවැයෙන් වූ දේ දැනගැනීම ජනතාවගේ අයිතියක්
2024 ජුනි මස 14 89 0

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට


රටට හානිකරවන නිලධාරි කඹ ඇදිලි
2024 ජුනි මස 13 109 0

මහජනයාගේ මුදල් අවභාවිත කිරීම, සොරකම් කිරීම, නාස්ති කිරීම තරම් බරපතළ සාපරාධයක් තවත් නොමැත. එහෙත් අනාදිමත් කාලයක සිට මේ රට තුළ ඒ සියල්ල බරපතළ ලෙස සිදුවෙම


මාධ්‍ය නිදහස වෙනුවෙන් දුන් ඓතිහාසික නඩු තීන්දුවක්
2024 ජුනි මස 12 849 1

තොප්පියක් පැළද රත්නපුර මහ දිසාපති කාර්යාලයට ඇතුළු වුණැයි කියමින් මාධ්‍යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝ


ළමා නිවාස දැරියන් විකුණද්දී බලධාරීහු අහකබලා සිටියෝද?
2024 ජුනි මස 11 913 1

සමාජ සාරධර්ම බරපතළ ලෙස නාය යමින් තිබෙන ශාපලත් යුගයක් වෙත අපි පැමිණ සිටින්නෙමු. නැතහොත් එම යුගය උදාවීම වේගවත් වී තිබෙන්නකි. එකක් පසුපස එකක් වශයෙන් වාර්


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3044 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2493 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site