IMG-LOGO

2024 ජුලි මස 14 වන ඉරිදා


තැපෑලේ අතිකාල මගඩි නතර කිරීමට ක්‍රමයක් නැද්ද?

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරුණ වන්නේ, මේ වාර්තා බොහොමයක් හොඳට නොව නරකට සම්බන්ධ ඒවා වීමයි. තැපැල් දෙපාර්තමේන්තුව ද මේ කියන දෙපාර්තමේන්තු අතුරින් එකකි. විගණන කාර්යාලය පසුගිය දා නිකුත් කළ අලුත් වාර්තාව මේ බව සනාථ කර තිබේ.

ජාතික විගණන කාර්යාලය නිකුත් කළ මෙම වාර්තාවෙන් පෙන්වා දී තිබෙන්නේ තැපැල් මූලස්ථානයේ රියැදුරන් 81 දෙනකුට මාස 8ක කාලයකදී රුපියල් එක්කෝටි තිස්හය ලක්ෂයකට වැඩි අතිකාල දීමනා ගෙවා තිබෙන බවය. 2022 දෙසැම්බර් මාසයේ සිට 2023 ජුලි මාසය දක්වා එම අතිකාල ගෙවා ඇතැයි කියන මේ වාර්තාව තවදුරටත් හෙළි කර ඇත්තේ භාණ්ඩාගාරයේ කළමනාකරණ සේවා දෙපාර්තමේන්තුවේ අනුමැතිය ලබා ගැනීමකින් තොරව මේ ඇතැම් දීමනා ගෙවා ඇති බවයි.

මේ දීමනා ගෙවීම පසුපස බරපතළ මූල්‍ය අක්‍රමිකතාවක් තිබෙන බව හඳුනාගත හැක්කේ එම කිසිදු අතිකාල වවුචරයක රියැදුරු ධාවනය කළ වාහනවල අංක සටහන් කර නොමැති වීමෙනි. එසේ තොතුරු හැංගූ විට අදාළ ගෙවීම්වල නිවැරැදිභාවය විගණනය කිරීමට හැකියාවක් නැත. එය සංවිධානාත්මක ගසාකෑමක් බව හොඳින් ඔප්පු වෙයි. වාහන අංක සඳහන් නොමැති වවුචර්වලට අතිකාල ගෙවන්නැයි නියෝග කළ ආයතන ප්‍රධානීන් කවුදැයි වහාම සොයා බැලිය යුතු නොවේ ද? රියැදුරන් මෙසේ වංචනිකව ලබාගන්නා අතිකාල දීමනාවලින් කොටසක් ඒවා අනුමත කළ ප්‍රධානීන්ගේ සාක්කුවලට වැටෙන්න ඇති බව අනුමාන කළ හැකිය. ධාවනය කෙරුණු බවට සහතිකයක් නැති වාහනයක රියැදුරකුට අතිකාල ගෙවීම තැපෑලේ ඇතැම් අංශ බාර ප්‍රධානීන්ට ‘කල්ල මරේ’ වැඩක් වී ඇති බව ඒ අනුව සිතාගත හැක.

මෙවැනි ආකාරයේ විවිධ අක්‍රමිකතා හේතුවෙන් පාඩු ලබන්නේ එම රියැදුරන් හෝ ප්‍රධානීන් හෝ නොව තැපැල් දෙපාර්තමේන්තුවයි. තැපෑල පෞද්ගලීකරණය කළ යුතු බවට යෝජනා ඉදිරිපත් වන්නේ ද මේ පසුබිමේය. පාඩු ලබන රාජ්‍ය දෙපාර්තමේන්තුවක් වශයෙන් තැපෑල ද ඉදිරියෙන් සිටී. පසුගිය වසරේ නිකුත් කෙරුණු මහ බැංකු වාර්තාවේ දක්වා තිබුණේ තැපැල් දෙපාර්තමේන්තුව සිය මෙහෙයුම් කටයුතුවලදී රුපියල් කෝටි 700ක අලාභයක් වාර්තා කර ඇති බවය. ලංගම සහ දුම්රිය සේවා මගින් හිඟ තබා ඇති ගෙවීම් ද මීට හේතු වී ඇති බවත් එහි සඳහන් කර ඇතත්, එවැනි තත්වයක් යටතේ තැපැල් රියැදුරන්ට පමණක් රුපියල් කෝටියකටත් අධික අතිකාල දීමනා ගෙවීම් වැනි අක්‍රමිකතා ද එම අලාභය වඩාත් තීව්‍ර කර ඇති බවත් පෙන්වා දිය යුතුය.

තැපෑල ජනතාවට ලබා දෙන සේවය ඉතා ඉහළ බව සැකයකින් තොරව පැවැසිය හැකිය. එහෙත්, ඒ සමග බැඳී ඇති මූල්‍යමය අක්‍රමිකතා හේතුවෙන් ලබන පාඩුව එහි අගය සීමා කරන බවත් සඳහන් කරමු. එහි එක් අනිවාර්ය ප්‍රතිඵලයක් වූයේ, තැපැල් ගාස්තුව ද ඉහළ ප්‍රතිශතයකින් වැඩි කිරීමට රජය කටයුතු කිරීමයි.

2022 දී රුපියල් 15ක් වූ තැපැල් මුද්දරයක මිල රුපියල් 50 දක්වා වැඩි කරනු ලැබීය. එම මුදල රුපියල් 100 දක්වා වැඩි කිරීමට ද යෝජනාවක් විය. මේ සියලු මිල වැඩි කිරීම්වලදී හේතුව වශයෙන් පෙන්වා දෙන්නේ තැපෑල ලබන අධික පාඩුව තරමකින් හෝ අඩු කරගැනීම සඳහා මේ මිල වැඩි කිරීම් සිදු කරන බවය. එහෙත්, කෝටි ගණන්වලින් අතිකාල දීමනා ගෙවීම් වැනි අක්‍රමිකතා වළක්වාගත හැකි නම්, මේ ලබන පාඩුව තරමක් දුරකට හෝ අඩු කරගැනීමට හැකි වනු ඇත. ධාවනය කළ බවට අංකයක් පවා නැති වාහනවල රියැදුරන්ට ගෙවන අතිකාල දීමනාවල පාඩුව ද තැපැල් මුද්දරය මිලදී ගන්නා පොදු ජනතාවගේ කර පිට පැටවීම මහා අසාධාරණයක් බව පෙන්වා දිය යුතුය.

(***)



අදහස් (1)

තැපෑලේ අතිකාල මගඩි නතර කිරීමට ක්‍රමයක් නැද්ද?

nimal Wednesday, 10 July 2024 07:06 AM

තැපැල් දෙපාර්තමේන්තුවේ සිදුවන දුෂණය වළක්වා ගැනීමට පිළියම තැපැල් මුද්දරයක මිල දෙගුණ තෙගුණ කිරීම නොවේ. මෙම තීන්දු සහ තැපැල් මුද්දරයක මිල ආකාරයට වැඩිකිරීමෙන් සිදුවන්නේ සොරකම සහ දූෂණය ඒ ආකාරයෙන්ම සිදුවීම පමණි. තැපැල් මුද්දරයක මිල වැඩිකිරීම විසඳුම නොවේ. තැපැල් දෙපාර්තමේන්තුවේ දූෂණ වළක්වා ගැනීමට නම් මෙම ආයතනය පුද්ගලීකරණය කළයුතු වේ. එසේ නොවන්නට දශක ගණනාවක් මේ ආකාරයෙන් පාඩු ලබමින් පවත්වාගෙන යන්නා වූ ආයතන දියුණු කළ නොහැකියි. රියැදුරන් මෙසේ වංචනිකව මුදල් ලබාගැනීම නැවැත්වීමට නම් සියලු වාහන බාරව කටයුතු කරනා පුද්ගලයා සහ තැපැල් දෙපාර්තමේන්තුවේ ආරක්ෂක නිලධාරියකු විසින් 6 am වාහන අංකය හෝ ලියාපදිංචිය සහ වාහන සියල්ලේම odometer reading ලබාගත යුතුවේ. ඉන්පසු නැවත 6pm වලදී එම වාහන සියල්ලෙම odometer reading ගැනීමක් සිදුවිය යුතුයි. මෙවැනි කටයුතු සිදුවන්නේ ඉහළ නිලධාරීන්ගේද අනුදැනුම සහ සහයෝගය මතවේ...

:       0       0

ඔබේ අදහස් එවන්න

කතුවැකිය

පැනියාවලින් රටට දුන් අගනා ආදර්ශය
2024 ජුලි මස 13 248 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 164 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 88 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1161 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 181 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 362 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 7 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1787 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site