IMG-LOGO

2024 අප්‍රේල් මස 12 වන සිකුරාදා


ඉදිකිරීම් කර්මාන්තයේ ගැටලු කඩිනමින් විසඳන්න ඕනෑ

රටක ඉදිකිරීම් කර්මාන්තය කඩා වැටෙමින් පවතී නම් එවැනි රටක සංවර්ධනය පිළිබඳ කොතරම්  පුරාජේරු කතා කිව්වත් පලක් නැත. ඒ මක්නිසාද යත් ඉදිකිරීම් කර්මාන්තය  සමතලා වූ තැනක සංවර්ධනයට කිසිදු ඉඩක් නැති බැවිනි.

ශ්‍රී ලංකා ඉදිකිරීම් සංගමය පසුගියදා සිදුකළ ප්‍රකාශය ඉහත සඳහන් තොරතුරු සමග ගළපා ගත් විට මැවෙන්නේ භයානක රූපයකි. එම සංගමයේ සභාපති සුසන්ත ලියනආරච්චි මහතා සඳහන් කරන අන්දමට රජයේ ඉදිකිරීම් කටයුතු සීමා කිරීම සහ විදේශ අරමුදල් යටතේ ක්‍රියාත්මක වන බොහෝ ව්‍යාපෘති නවතා දැමීමත් පවතින ආර්ථික  අර්බුදය නිසා පෞද්ගලික  අංශයේ ඉදිකිරීම් කටයුතු සීමා වීමත් හේතුවෙන් රටේ ඉදිකිරීම් කර්මාන්තය සියයට 70කින් පමණ කඩා වැටී තිබේ. මේ පසුබිමේ ඉදිකිරීම් කර්මාන්තයට  සෘජුවම සම්බන්ධ වී සිටි පෙදරේරුවන් සහ වඩු කාර්මිකයන් ඇතුළු වෘත්තිකයන්  සහ සේවකයන් ලක්ෂ අටක පමණ සංඛ්‍යාවෙන් ලක්ෂ 05කට පමණ මේ වනවිට රැකියා අහිමිවී ඇතැයි ද ඒ මහතා පෙන්වා දෙයි.

ඉදිකිරීම් කර්මාන්තයේ පමණක් නොව වෙනත් කර්මාන්තයක් වුවද රටේ පවතින ආර්ථිකය සමග ගැට ගැසී තිබේ. ආර්ථිකය දුර්වල වනවිට කර්මාන්ත ක්ෂේත්‍රයට එහි සෘජු බලපෑමක් එල්ල වෙයි. විශේෂයෙන් ඉදිකිරීම්  සඳහා අවශ්‍ය සිමෙන්ති, වැලි, කළුගල්, යකඩ පමණක් නොව සේවා ගාස්තු පවා අසීමිතව ඉහළ යාම එම බලපෑම්වලින් ඉහළින් සඳහන් වෙයි. එම මිල ඉහළයාම්වල සෘජු ප්‍රතිඵලයක් වන්නේ එදිනෙදා ගම්බදත් නගරයේත් සිදු කෙරෙන බහුවිධ  සුළු පරිමාණ ඉදිකිරීම්  පවා ඇන හිටීමයි. එවිට එදිනෙදා පෙදරේරු වැඩ සහ  වඩු වැඩවලින් යැපෙන තවත් දහස් ගණනකට ද ආදායම් මාර්ග නවතී. ග්‍රාමීය ප්‍රදේශවල පෙදරේරු රැකියාව කළ ඇතැම් පුද්ගලයන් මේ වනවිට වෙනත් කුලී වැඩ සොයාගෙන යමින් සිටින බව ද වාර්තා වෙමින් තිබේ. රුපියල දිනෙන් දින ශක්තිමත් වන බවට මහ බැංකුව කොතරම් ප්‍රකාශ කළත් එහි ප්‍රතිඵල රටේ ජනතාවට දැනෙන්නේ නැත්නම් සහ ඉදිකිරීම් කර්මාන්තය වැනි රටේ සංවර්ධනයට  සෘජුවම දායකවන කර්මාන්තවලට එයින් ප්‍රයෝජනයක් නොගත හැකිනම් එම ප්‍රකාශවල සත්‍ය තත්වය පිළිබඳව රටේ ජනතාව ප්‍රශ්න කිරීම වැළැක්විය නොහැකිවනු ඇත.

රටේ ඉදිකිරීම් ක්ෂේත්‍රයේ කඩාවැටීම පිළිබඳව සුසන්ත ලියනආරච්චි මහතා ඉදිරිපත් කරන සංඛ්‍යාලේඛන කොතරම් දුරකට නිවැරදි දැයි අපි නොදනිමු. එහෙත් ඒ සංඛ්‍යා ලේඛන පිළිබඳව නිවැරදිව  හැදෑරීමක් කිරීමත් එයින් පැනනගින ගැටලු හඳුනාගෙන ඒවාට පිළියම් යෙදීමත් ඉදිකිරීම් ක්ෂේත්‍රය භාර රජයේ අමාත්‍යවරුන්ගේත් සෙසු නිලධාරින්ගේත් වගකීමකි. අනෙක් අතට ඉදිකිරීම් ක්ෂේත්‍රයේ සිදුවී ඇති මහා පරිමාණ කඩාවැටීම පිළිබඳ එම සංගමය කරුණු පෙන්වා නුදුන්නත් මහපාරට බැස ගමන් කිරීමේ දී ඒ බව නිශ්චිතවම හඳුනාගත හැකිය. ඇතැම් මහ පරිමාණ ඉදිකිරීම් අතරමග නැවතුණු අදියරේ එසේම පවතී. සාමාන්‍ය ජනතාව විසින් ඉදිකරනු ලබන නිවාස සහ ව්‍යාපාරික ගොඩනැගිලි ද බොහෝදුරට අතරමග නැවතී තිබේ. ගොඩනැගිලි ද්‍රව්‍ය මිල ගණන් දැරිය හැකි මට්ටමෙන් ඉවතට පැන රතු ඉර ද කඩාගෙන ගොස් නැවතී තිබේ. දැන් පවතින මිල ගණන්වලට නිවෙසක් ඉදිකර ගැනීම අතිබහුතරයකට සිහිනයක් පමණි. ඉදිකරන්නා එසේ අසරණ වනවිට එම ක්ෂේත්‍රයේ රැකියාවල නිරතවූවන්ට රැකියා අහිමිවීම ගැන පුදුම විය යුතු නැත.

මහාපරිමාණ ඉදිකිරීම් ඇනහිටීමට තවත් ප්‍රධාන සධකයක් වන්නේ ඉදිකිරීම් ක්ෂේත්‍රයට සම්බන්ධ ඉංජිනේරුවන් රට හැර යාමයි. ඉදිකිරීම් සංගමය ප්‍රකාශ කරන පරිදි මේ වනවිට ඉදිකිරීම් ඉංජිනේරුවන්ගෙන් සියයට 50 ක් පමණ රට හැර ගොස් තිබේ. වෘත්තිකයන් රට හැර යාම ආණ්ඩුවට පාලනය කළ නොහැක. එයට බලපාන විවිධ හේතු තිබේ.

මේ වන විට ඉදිකිරීම් කර්මාන්තය මුහුණදී සිටින සෙසු බරපතළ ගැටලු පිළිබඳව සැලකීමේ දී වහා පිළියම් යෙදිය යුතු කාරණාවන්නේ අධික ලෙස ඉහළ ගොස් තිබෙන ගොඩනැගිලි ද්‍රව්‍ය මිලගණන් පහත හෙළීමයි. ඒ සඳහා වහාම ප්‍රමුඛත්වය දිය යුතුය. එම මිලගණන් දැරිය හැකි මට්ටමකට පහත හෙළන තුරු ඉදිකිරීම් කර්මාන්තය ගොඩගැනීම පිළිබඳ බලාපොරොත්තු තැබීම නිෂ්ඵල ය.

(***)



අදහස් (0)

ඉදිකිරීම් කර්මාන්තයේ ගැටලු කඩිනමින් විසඳන්න ඕනෑ

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 51 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 169 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 809 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 792 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 92 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site