IMG-LOGO

2024 අප්‍රේල් මස 12 වන සිකුරාදා


අවුරුදු උත්සව සමයේ ජනතා පැතුම් ඉටුකරමු

එළැඹෙන්නේ උත්සව සමයයි. පරිසරය වසන්ත සිරියෙන් ඇළලී තිබුණ ද මිනිස් ජීවිත ගිම්හානයට හසුවූ පරඬැල් බඳුය. ඒ ආර්ථික ප්‍රශ්න හේතුකොට ගෙනය. එහෙත් දරු පැටවුන්ට අලුත් ඇඳුමක් පැළඳුමක් රැගෙන දී රස මසවුලෙන් සිත කය සනසා අවුරුදු චාරිත්‍ර ඉටුකිරීමේ නොතින් ආශාවෙන් ඒ සිත් සතන් පිරි ඉතිරී ගොස්ය. ඒ අපේක්ෂාවන් ජීවමාන යථාර්ථයක් බවට පත්කර ගැනීම ඒ ජනතාවට සිහිනයක් නොවිය යුතුය යන්න අපගේ අපේක්ෂාවය.

අවුරුදු  සමය උත්සවශ්‍රීයෙන් ගෙවා දැමීමට නොපිරූ පෙරුම් පුරමින් සිටින ජනතා බලාපොරොත්තු ඉහළ නැංවීමට සමත් පුවතක් වාර්තා කිරීමට ලැබීම අපට ද ප්‍රීතිමත් අවස්ථාවකි. අප පුවත්පත වාර්තා කළ එම ප්‍රවෘත්තියෙන් කියැවුණේ ආනයනික සහල් සහ ලූනු සඳහා පනවා ඇති විශේෂ වෙළෙඳ භාණ්ඩ බද්ද ඉකුත්  27 වැනිදා සිට පහළ දැමීමට රජය පියවර ගෙන ඇති බවය.

ඒ අනුව ආනයනික සහල් කිලෝවක් සඳහා පනවා ඇති රුපියල් 65ක විශේෂ වෙ​ෙළඳ  භාණ්ඩ බද්ද ඉකුත් 27 වැනිදා සිට අප්‍රේල් 3 වැනිදා දක්වා රුපියලක් දක්වා ද ආනයනික ලොකු ලූනු කිලෝවක් සඳහා විශේෂ වෙළෙඳ භාණ්ඩ බද්ද අප්‍රේල් 30 වැනිදා දක්වා රුපියල් 10ක් ද දක්වා අඩු කර ඇත.

මුදල් අමාත්‍යාංශයේ උසස් නිලධාරියකු අප පුවත්පතට ප්‍රකාශ කර තිබුණේ එළැඹෙන සිංහල, දෙමළ අලුත් අවුරුදු සමයේ ජනතාවට පහසු මිලට සහල් සහ ලූනු මිල දී ගැනීමේ අවස්ථාව දීම සහ එම භාණ්ඩ හිඟයකින් තොරව වෙළෙඳ පොළ තුළ පවත්වා ගැනීම මෙම බදු අඩු කිරීමෙන් බලාපොරොත්තු වන  බවය.

රජයේ මෙම තීරණය ඉතා කාලෝචිත මෙන්ම පැසසුම් කටයුතුය. උහුලාගත නොහැකි බඩු මිලෙන් පීඩාවට පත්ව සිටින ජනයාට අස්වැසිල්ලකි. ගතවෙන තත්පරයක් තත්පරයක් පාසා ජනතාව අපේක්ෂා කරනුයේ  සහනම වේ. ප්‍රශ්න එපමණටම බරපතළය. එම ජනයාට මෙම ප්‍රවෘත්තිය ශුභාරංචියක්ය.

ශ්‍රී ලංකාව යනු සෑම විකෘතියකම ආකෘතියක් බවට පත් වූ රටකි. ඒ බව ඔප්පු වූ වාර ගණන අනන්තය, අප්‍රමාණය. බදු පැනවීමේ මෙන්ම බදු අඩු කිරීම් හා බදු ඉවත් කිරීමේ බොහෝ අවස්ථා එයට නිදසුන්ය.  සීනිබදු ඉවත් කිරීම, සුදු ලූනු බදු ඉවත් කිරීම අවසානයේ දී නාමකරණය වූයේ සීනි බදු වංචාව, සුදු ලූනු බදු වංචාව යනුවෙනි.

බදු ඉවත් කිරීමෙන් හා බදු අඩු කිරීමෙන් රජයක් බලාපොරොත්තු වන්නේ එමගින් ජනතාවට සහනයක් සැලසීමය. බදු එසේ අඩු කිරීමේ වාසිය ව්‍යාපාරික ප්‍රජාව විසින් ජනතාවට ලබාදෙනු ඇතැයි රජය සිතයි. එහෙත් සෑම විටෙකම එය එසේ  නොවේ. ව්‍යාපාරික ක්ෂේත්‍රය තුළත් මහ බලගතු මාෆියාවක් ක්‍රියාත්මක වේ. ඔවුන්ට පළමුවැන්න පමණක් නොව දෙවැන්න හා තෙවැන්න ද ලාබයම වේ. ජනතාවගේ බොටුව මිරිකා, සිරකර හෝ තම මඩිය තරකර ගැනීමට ඔවුහු කටයුතු කරති.

රජය ජනතාවට දෙන යම් හෝ සහනයක් ජනතාව අතට නොයා තමන් සතු කර ගැනීමට මාෆියා කල්ලි  සමත් වන්නේ එම ව්‍යාපෘතිය නිසි ලෙස ක්‍රියාත්මක වන්නේ දැයි විමසා බැලෙන පසු විපරමක් නොමැති හෙයිනි. මෙම උත්සව සමයේදීවත් එම පසු විපරම සක්‍රීය  තලයේ තබා ගැනීමට බලධාරීන් කටයුතු  කළ යුතුය. අහිංසක ජනයා කෙරෙහි සානුකම්පිතව එම වගකීම ඉටු කළ යුතුය.

(***)



අදහස් (0)

අවුරුදු උත්සව සමයේ ජනතා පැතුම් ඉටුකරමු

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 51 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 169 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 809 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 792 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 92 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site