IMG-LOGO

2024 අප්‍රේල් මස 12 වන සිකුරාදා


අපේ වෙරළ ජාත්‍යන්තර තලයට ඔසවන්න බැරිද?

ප්‍රවෘත්ති සම්බන්ධ එක් නිර්වචනයක් වනුයේ ‘‘ඇස් උඩ යන දේ ප්‍රවෘත්ති’’ යන්න ය. එබඳු ඇස් උඩයන ප්‍රවෘත්තියක් අප පුවත්පත ඉකුත් දා වාර්තා කළේ ය. එම ප්‍රවෘත්තියෙන් කියැවුණේ ශ්‍රී ලංකාවේ එකම වෙරළ තීරයක්වත් ජාත්‍යන්තර ප්‍රමිති සහතිකය ලබාගෙන නැතැයි පරිසර ස්වාභාවික සම්පත් තිරසර සංවර්ධනය පිළිබඳ ආංශික අධීක්‍ෂණ පාර්ලිමේන්තු කාරක සභාවේ දී තොරතුරු අනාවරණය වූ බව ය.

අප රට දිවයිනක් බවත් එහෙයින්ම මනස්කාන්ත වෙරළ තීරයක් අප රට සතුව තිබෙන බවත් එය දිළිඳු රටක් වන අප රට සතු මහරු සම්පතක් බවත් වාගාඩම්බරයෙන් උදම් අනමු. එහෙත් ඇත්ත යථාර්ථය නම් අප රටේ එකම වෙරළ තීරයක්වත් ජාත්‍යන්තර ප්‍රමිති සහතිකය ලබාගෙන නොමැති බවය.

පරිසර ස්වාභාවික සම්පත් තිරසර සංවර්ධනය පිළිබඳ ආංශික අධීක්‍ෂණ කමිටුවේ සභාපති ඉංජිනේරු අජිත් මාන්නප්පෙරුම මන්ත්‍රීවරයා එම කමිටුවේ දී අදහස් දක්වමින් ප්‍රකාශ කර තිබෙන්නේ සංචාරකයන් වැඩි වශයෙන් ආකර්ශනය වන්නේ මෙම ප්‍රමිති සහතිකය ලබා ඇති වෙරළ තීරවලට බැවින් සංචාරකයන් ආකර්ශනය කිරීම සඳහා එම සහතිකය ලබාගැනීම අතිශයින්ම වැදගත් බව ය.

ලෝකයේ දැනට රටවල් 50ක පමණ වෙරළ තීර 4000ක් පමණ ‘‘බ්ලූ ෆ්ලෑග්’’ සහතිකය ලබා ඇති බව පවසා ඇති මන්ත්‍රීවරයා මෙම සහතිකය ලබා ගැනීමට නම් වෙරළ තීරය ගුණාත්මක බවින් සහ ආරක්‍ෂාකාරී බවින් ඉහළ මට්ටමකට ගෙන ආ යුතු බව ද පෙන්නා දී ඇත. එම සහතිකය මෙතෙක් ලබා නොගැනීම සම්බන්ධයෙන් සියලු පාර්ශ්වවල අවධානය යොමු විය යුතු බව ද එම මන්ත්‍රීවරයා පෙන්නා දී තිබේ.

නිදහස ලබා 75 වසරක් ගෙවී යමින් තිබේ. බටහිර අධිරාජ්‍යවාදීන්ගෙන් අප නිදහස ඉල්ලා තිබෙන්නේ නිදහස ලබා ගැනීමෙන් පසු රට දියුණු කිරීමට අදාළ දියුණු සහ විද්‍යාත්මක සැලැස්මක් නොමැතිව ද යන ප්‍රශ්නය මෙහිදී බැහැර කළ නොහැකි ය. නිදහස ලබා පැමිණි වසර 75 ක කාලයෙන් වසර 30ක් ම කුරිරු යුද්ධයකට අප රට යටත් වී තිබූ බව සත්‍යයකි. අවස්ථා දෙකක දී දිග්ගැස්සුණු සිවිල් අරගලයකට රට ගොදුරු වී තිබූ බවත් සත්‍යයකි. එහෙත් අප රට දියුණු කිරීමට අවශ්‍ය ඩොලර් උල්පත් මවන රට සතු මහරුම සම්පත වන වෙරළ තීරය අවශ්‍ය මට්ටමින් ගුණාත්මක තලයට ඔසොවා තැබීමට ඒවා කිසිවක් බාධා විය යුතු නැත. එහෙත් එම දෙය සිදුවී නැත. අප රට මෙතරම් දරුණු අගාධයකට ඇද වැටීමට එයත් හේතුවකි. ඒ සම්බන්ධ වගකීම රට පාලනය කළ හා එම පාලනයට හවුල් වූ සෑම වර්ණයකටම අයත් දේශපාලන පක්‍ෂ වගකිව යුතු ය.

මෙම කමිටුව හමුවේ අදහස් දක්වා ඇති සමුද්‍රීය පරිසර අධිකාරියේ ප්‍රධානීන් පෙන්වා දී තිබෙන්නේ ලංකාවේ ප්‍රධාන වෙරළ තීර 12 ක් එම සංකල්පය ක්‍රියාත්මක කිරීමට හඳුනාගෙන ඇති බවත්, එයින් වෙරළ තීර 4 ක් ක්‍රියාකාරී මට්ටමට ගෙන ඒමට දැනටමත් අවශ්‍ය පියවර ගනිමින් සිටින බවය.

රට පාලනය කිරීම යනු දේශපාලන බලය රැක ගැනීම පමණක් නොවේ. රටේ අවශ්‍යතා සම්බන්ධ ප්‍රමුඛතා ලැයිස්තුවක් මුලින් සකස් කළ යුතුය. එම අවශ්‍යතා සම්පූර්ණ කර ගැනීමේ දී රටේ ඇති සම්පත් යොදාගත හැකි ආකාරය පිළිබඳව අධ්‍යයනය කළ යුතුය. එබඳු වැඩපිළිවෙළක් වූයේ නම් අප රට සතු මනහර අයස්කාන්ත සුන්දර වෙරළ තීරය සම්බන්ධයෙන් අපට මෙබඳු දුක්මුසු පුවත් අසන්නට ලැබෙන්නේ නැත. ශ්‍රී ලංකාවේ වෙරළ තීරය සම්බන්ධයෙන් ඇස් උඩයන ප්‍රවෘත්තියක් පළවී ඇති බව මෙහි ආරම්භයේ දී ම සඳහන් කළේ එහෙයිනි.

(***)



අදහස් (2)

අපේ වෙරළ ජාත්‍යන්තර තලයට ඔසවන්න බැරිද?

Dutugamunu Monday, 01 April 2024 10:11 AM

මම අවුරුදු 40කට කළින් ගියපු උණවටුන බීච් එක එදාටත් එහෙමමයි.. සමහරවිට ඊට වඩා ජරාවෙලා. ලංකාවේ එක බීච් එකක්වත් මාලදිවයින වගේ නෑ. මොකද එකඑක ආයතන ඕවා හදන්න දෙන්නේ නෑ. නමුත් ඕවා පුදුම ලස්සනට හදන්න පුළුවන්. නමුත් රටේ කරුමෙට ලොක්කන්ට ඕවා තේරෙන්නේ නෑ...

:       0       15

pakeer Thursday, 04 April 2024 09:06 PM

වෙරළ එසේ ඔසවා තැබිය නොහැක... එහෙත් එය පවිත්‍රකරා, ස්වභාවික මටිටමින් ආරක්ෂා කරගත හැක...

:       1       3

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 51 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 170 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 810 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 792 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 93 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site