IMG-LOGO

2024 ජුනි මස 25 වන අඟහරුවාදා


අනුරපුර සිද්ධියෙන් කියැවුණේ සමාජයේ සදාචාර පිරිහීමක්

“විනයෝ නාම ශාසනස්ස ආයු” යනුවෙන් බුදුපියාණෝ වදාළහ. එහි අර්ථය නම්, “ශාසනය පවතින්නේ විනය පවතින තුරු” යන්නය. මෙම අර්ථය සමාජයේ සෑම ක්ෂේත්‍රයකටම අදාළව මැනවින් ගළපාගත හැකිය. අදාළ බුදු වදන උපුටා ගනු ලැබුවේ අප පුවත්පත ඊයේ වාර්තා කළ ප්‍රධාන ප්‍රවෘත්තිය සම්බන්ධයෙනි.

අප පුවත්පත ඊයේ වාර්තා කළ ප්‍රධාන ප්‍රවෘත්තියෙන් කියැවුණේ අධ්‍යයන පොදු සහතිකපත්‍ර සාමාන්‍ය පෙළ විභාගය පැවැත්වෙන අනුරාධපුර සහිරා විද්‍යාලයේදී සිසුන් දෙපිරිසක් අතර ඇති වූ ගැටුමකින් පසු සිසුවකුගේ මවක විභාග මධ්‍යස්ථානයට කඩාවැදී සිසුන් පිරිසකට පහරදීමට යාමේදී එහි දැඩි නොසන්සුන්කාරී තත්වයක් උද්ගතවූ බවය. සිද්ධිය වාර්තා වන්නේ ඉකුත් 14 වැනිදාය.

පළමුව මවගේ හැසිරීම ගැන සලකා බැලිය යුතුය. දස මසක් කුස දරා ගත රුහිරු කිරි කර පොවා හැදූ වැඩූ තම ආදරණීය දරුවකුට යම් අයකු පහර දෙන්නේ නම්, එය මවකට දරා උසුලා සිටිය නොහැකිය. දාරක ස්නේහය යනු එයයි. එහෙත්, එම මවගේ හැසිරීම දාරක ස්නේහය ඉක්මවා ගිය ප්‍රචණ්ඩ හැසිරීමකි. චණ්ඩිකමක් ප්‍රදර්ශනය කිරීමකි.

ප්‍රශ්නය කුමක් වුව ද එයට උත්තරයක් තිබේ. ඇතැම් විට උත්තර ගණනාවක් තිබිය හැකිය. එම උත්තර ගණනාවෙන් නිවැරැදිම උත්තරය සොයා ගැනීමට හැකි විය යුතුය. එයට ඉතා පැසුණු මනසක් මොළයක් තිබිය යුතුය. “විද්‍යා දදාති විනයං” යනුවෙන් සඳහන් වන්නේ, විද්‍යාවෙන් හෙවත් අධ්‍යාපනයෙන් විනය ඇති කරන බවය. පිළිතුරු ගණනාවකින් නිවැරැදිම පිළිතුර සපයා ගැනීමට විනය අත්‍යන්තයෙන්ම උපකාරි වේ. එම විනය ඇති වීමට නම්, අධ්‍යාපනය ලබා තිබිය යුතුය.

විභාග මධ්‍යස්ථානයකට කඩාවැදී සිසු පිරිසකට පහරදීමට තැත් කළ බව කියන මව අධ්‍යාපනයක් ලබා ඇතැයි සිතිය නොහැක. නිසි අධ්‍යාපනයක් ලබා තිබුණේ වී නම්, එම මවගෙන් එබඳු මුග්ධ, වියරු හැසිරීමක් ප්‍රදර්ශනය විය නොහැක. සැබැවින්ම එම මව කර ඇත්තේ දරු සෙනෙහස ප්‍රදර්ශනය කිරීම නොව, මුළු රටක් ඉදිරිපිට තම නිරුවත ප්‍රදර්ශනය කිරීමය. එය මවකට තරම් නොවන බව ඉඳුරාම ප්‍රත්‍යක්ෂය.

පාසල් දරුවන්ගේ විනය බොහෝ සෙයින් පිරිහී ඇති බව බොහෝ සිදුවීම්වලින් පැහැදිලි වේ. සිසුන් දෙපිරිසක් ‘මරාගෙන’ තිබෙන්නේ තමන්ගේ ජීවිතයේ අනාගතය තීරණය කරනු ලබන තීරණාත්මක කඩඉම් විභාගයක් අතරතුරදීය. මවුපියන් මෙන්ම ගුරුවරුන් ද ඒ බව දරුවන්ට එයට හිමි නිසි අර්ථයෙන් හා ගැඹුරින්ම ඒත්තු ගන්වා තිබිය යුතුය. මෙතැන එවැන්නක් සිදු වී ඇති බවක් නොපෙනේ.

අ.පො.ස. සාමාන්‍ය පෙළ විභාගයට මුහුණ දෙන දරුවා සිටින්නේ තාරුණ්‍යයේ එළිපත්තේය. ඔහු තවම වැඩිහිටියෙක් නොවේ. ඔහු නියත වශයෙන්ම වැඩිහිටියාගේ ආරක්ෂාව යටතේ සිටිය යුත්තෙකි. එමෙන්ම, ස්වාධීනව තීරණ ගැනීමේ අයිතියක් ද දරුවාට නැත. දරුවාගේ ලෝකයේ දිග පළල දරුවාට පහදා දීම මවුපියන්ගේ සේම ගුරුවරුන්ගේ ද වගකීමකි. මෙම සිද්ධියෙන් කියැවෙන්නේ සමාජය කෙතරම් දුරට පරිහානිය කරා ගමන්කර ඇත්ද යන කාරණයයි.

මෙම පාසලට කඩාපැන යකා නැටූ අවස්ථාවේ එම පරිසරය සම්බන්ධයෙන් චිත්‍රයක් මවා ගැනීම අසීරු නැත. අප සමාජයක් වශයෙන් ගමන් කරමින් සිටින්නේ කොතැනට ද යන්න මෙම සිදුවීමෙන් ද මනාව පැහැදිලි වේ. මාපියන් බලාපොරොත්තු වන්නේ, තම දරුවන් මැරයන්ගෙන් බේරා ගැනීමටය. එහෙත්, අප අවධාරණය කරනනේ එතැනින් එහාට ද ගමන් කළ යුතු බවය. එනම්, තම දරුවන්, මැරයන්ගෙන් බේරා ගැනීම පමණක් නොව, තම දරුවන් මැරයන් බවට පත්වීමෙන් ද වළක්වාගත යුතු බවය. එසේ නොවුණහොත්, රටේ අනාගතය අති බිහිසුණු වීම වළක්වාලිය නොහැක.

(***)



අදහස් (2)

අනුරපුර සිද්ධියෙන් කියැවුණේ සමාජයේ සදාචාර පිරිහීමක්

යූ ඩී.ඒ.පෙරේරා Saturday, 18 May 2024 09:34 PM

සමාජය තුල විශාල වශයෙන් විනය පිරිහෙමින් පවතින බව අමුතුවෙන් කිවයුතු නොවේ.මවක්,කාන්තාවක් වශයෙන් ඇයට යොවුන් වියේ දරුවන්ගේ අදහස්, සිතුම් පැතුම් , ක්‍රියාකාරකම් පිලිබඳ අවබෝධය අල්පය.එය එසේ වන්නට හේතුව කුමක්ද?අධ්‍යාපනයක් නොලබා සිටීම පමණක් නොව අධ්‍යාත්මික දියුණුවක් නොමැතිවීම,ඇයගේ පවුල් පසුබිම, වෙන්න පුළුවන්.ඉතා වැදගත් වැඩසටහන් මාධ්‍ය තුල දර්ශනය වනවා වගේම නූගත් ගැමි ජනතාව ඒවා නැරඹීම, අර්ථවත් පොතක් පතක් කියවා දැනුම ලබා ගැනීම යන දේ වලින් බැහැරව ජීවත් වන පිරිස් තවමත් අප අතර ජීවත් වන බව පමණක් පැහැදිලිය.සෑම පුරවැසියෙකු කුමන හෝ ආගමික පරිසරයක් සකසා ගත යුතුයි.වර්තමානය වන විට අපේ රටේ බාල,මහළු,තරුණ විශාල පිරිසක් කිසිම ආගමකට ගරු නොකරන තත්වයට පත්වී ඇත.වැඩිහිටියන්ට ගරු නොකිරීම,ලජ්ජාව,බය සමාජය තුල ගිලිහී යාම තාක්ෂණ මෙවලම් නිසා දරුවන් නොමග යාම සදහන් කරන්න පුළුවන්.දිනෙන් දින මේ තත්වය වර්ධනය වීම වැලැක්වීමේ වගකීම ආගමික නායකයන් සහ රටේ පාලකයන් බව අමතක නොකළ යුතු යි.මේ විෂය ගැන පුළුල්ව කතා කලයුතු මාතෘකාවකි.

:       0       15

SarasiMonday, 20 May 2024 12:13 PM

වැඩිහිටියන්ට ගරැකිරීම කෙසේ වෙතත් සමහර වැඩිහිටියන්ගෙන් පරිස්සම් වියයුතු කාලයක් මේ. එතන සිදුවු දේ හරියටම දන්නේ නැතිව කාටවත්ම මොනවත් කියන්න බෑ.

:       1       2

ඔබේ අදහස් එවන්න

කතුවැකිය

තෙල් සංස්ථා වංචාව වසර 8 ක්ම යටගැහීම
2024 ජුනි මස 24 135 0

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 112 1

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 119 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 585 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 149 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 229 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 235 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1449 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3221 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site