හොරෙන් කැඳ බී දවසක් වැසිකිළියේ ඉඳලා

හොරෙන් කැඳ බීමට ගොස් දිනය පුරා වැසිකිළියේ සිටීමට සිදු වූ පුද්ගලයකු ගැන පුවතක් රත්නපුර ආසන්න නගරයකින් වාර්තා වේ. සිද්ධිය මෙසේය. මොහු දිනපතා මත්පැන් පානය කරන පුද්ගලයෙකි. මත්පැන් බිවූ පසු පසුවදාට දැනෙන අමාරුව නැති කර ගැනීම සඳහා දිනපතා ඔහු කොළ කැඳ බීමට පුරුදුව සිටියේය.

කොළ කැඳ බීම සඳහා යන මුදල ඔහු ගෙවන්නේ නොගෙවාම බැරි නිසාය. දිනක් ඔහුට අපූරු අදහසක් ඇති විය. ඒ කොළ කැඳ වෙළෙන්දා විසින් උදෑසන සමහර නිවෙස් අසළ බෝතල්වල දමා යන කැඳ දැකීමෙනි. වෙළෙන්දා විසින් ගේට්ටුවේ එල්ලා යන කොළ කැඳ බෝතලයට මුදල් ගන්නේ ගෙහිමියාගෙන් පසුවදාය.

මොහු මෙය දැක දිනක් හොරෙන් කොළ කැඳ බෝතලය පානය කර හීන් සීරුවේ මාරු විය. නිවෙස් හිමියාගෙන් මුදල් ඉල්ලීමට වෙළෙන්දා ගිය පසු ඔහුත් පවසන්නේ හිස් බෝතලයක් පමණක් ගේට්ටුවේ තිබුණු බවය.

සිද්ධිය හා පුද්ගලයා හඳුනාගත් කැඳ වෙළෙන්දා නිවෙස් හිමියන් දැනුම්වත් කර කැඳවලට ජාපාල කලවම් කර පසුවදා ගේට්ටුවේ එල්ලන ලදී. හදිස්සියේ පැමිණි කැඳ හොරා එක හුස්මට කැඳ බෝතලය බී වේගයෙන් එම ස්ථානයෙන් මාරු වී ඇත්තේ කැඳවල දැනුණු අමුතු රස අමතක කරමිනි.

ටික වෙලාවක් යන විට වැසිකිළියක් සොයා ගැනීමට නොහැකි තැන අසළ තිබූ ලන්දකට පැන ප‍්‍රථමවටය නිම කර දිනය පුරා පොදු වැසිකිළියට ගොස් රුපියල් දහය ගානේ එකසිය පනහක් වෙනතුරු මුදල් ගෙවන්නට සිදු වුණාලූ.

අදහස් (0)

හොරෙන් කැඳ බී දවසක් වැසිකිළියේ ඉඳලා

රූපවතී Thursday, 10 September 2015 12:05 PM

කුරුණෑගල කොහොමවත් මෙහෙම දේවල් වෙන්නේ නැහැ. (නි)

: 0 0

සමිර Friday, 11 September 2015 04:33 AM

ජීවිතේට ආයි කැද බොන්න නම් එපා වෙන්නැති. (බ)

: 0 0

බණ්ඩාර Thursday, 10 September 2015 12:30 PM

මමත් ගොඩාක් ආසයි කොළකැඳ බොන්න. පසුගිය දවසක මම කොළඹ ගියා නෝනාගේ අධ්‍යා‍‍පන වැඩ වගයකට. සතියක් විතර කොළඹ නැවතිලා හිටියා. නෝනා එයාගේ වැඩවලට උදේම යනවා. ඉතිං,මගේ වැඩේ කොළඹ තියෙන කොළකැඳ කඩවලින් එක එක ජාතියේ කොළකැඳ බොන එක තමයි. කිරුළපන, නාරාහේන්පිට, වැල්ලවත්ත, නුගේගොඩ, රත්මලාන කියන හැම තැනකින්ම මම කොළකැඳ බිව්වා. (නි)

: 0 0

සුභාෂ් Thursday, 10 September 2015 06:43 AM

කෝ මේ අපේ රූපවතී නෝනා..? මේක නම් කුරුණෑගල නෙමෙයි ඔන්න. (නි)

: 0 0

ඉමාක් Thursday, 10 September 2015 06:49 AM

ඇති ඔයින් ගියා... (නි)

: 0 0

රූපවතී Friday, 11 September 2015 06:51 AM

සුදීරට මොකද ඉරිසියාද ? බලාගෙන ඉස්සරහ දොර අරිනකොට පරිස්සමට හොදේ. කව්රුවත් මොනවත් හේත්තුකරලා ඇති දොරට. (නදී)

: 0 0

රුපාවති Friday, 11 September 2015 06:58 AM

ගණන් ගන්න එපා සුදීර ,,ඒ කාලේ පිටබැද්දර ජයා අයියා ..කොළ කැද කඩයක් දමා ගෙන තිබුණා ..මම පාරේ ගියත් මට අඩගහලා කැද කෝප්පයක් දෙනවා ..සල්ලි වලට නෙමෙයි.(ම)

: 0 0

සුජීව ප්‍රංශය Thursday, 10 September 2015 04:52 PM

මමත් ආසයි කොළ කැඳ බොන්න. නමුත් මම හදලා තමයි බොන්නේ. ප්‍රංශයේ කොළ කැඳ විකුණන්න නැහැ (නි)

: 0 0

ශ්‍රියා Thursday, 10 September 2015 08:47 AM

දැන් ලංකාවේ ඉන්න, මත්පැන් බොන අය කොළ කැඳ බොන්න පටන් ගනීවි, පසුවදාට ඇතිවෙන අපහසුතාවය නැතිකර ගැනීමට.මම දන්නා මාමා කෙනෙක් හිටියා අපේ ගමේ.එයා කරේ නැන්දාට කියලා තැම්බුම් හොද්දක් හදාගෙන බොන එකයි.මම ගමේ ගිය වෙලාවකයි මේ බව දැනගත්තේ. (අ)

: 0 0

සුදීර Thursday, 10 September 2015 09:07 PM

අනේ පිටබැද්දර ජයා,තමුන්නැහෙට ගැහැණු කොළ කැඳ බොන ඒවායි, මුණු වල ක්‍රීම් ගාන ඒවායි බලනවා ඇරෙන්නට වෙන වැඩක් එහෙම නැද්ද.....? (නි)

: 0 0

බුද්ධි Thursday, 10 September 2015 09:20 PM

ජාපාල වලටත් කරන්න පුලුවන් දේවල්.... (නි)

: 0 0

තිලක් Thursday, 10 September 2015 09:21 PM

මගේ කිතුල් මලකින් කවුද හොරෙන් රා බොන්න පටන් ගත්තා. කොච්චර සෝදිසියෙන් සිටියත් අල්ලාගන්න බැරි වුණා. ඒ නිසා මම රා මුට්ටියට ජාපාල තලලා දැම්මා. පසුවදා මට ආරංචි වුණා බාප්පා අසනීපවෙලා කියලා. ඔන්න ඔහොමයි රා හොරා අහුවුණේ. (නි)

: 0 0

රෂින්ත Thursday, 10 September 2015 10:13 AM

වෙළෙනදාගෙ වැඩේ නම් නියමයි! (අ)

: 0 0

පිටබැද්දර ජයා Thursday, 10 September 2015 11:42 AM

රූපවතියත් කොළ කැඳ වලට නම් මනාපයි. හැබැයි නංගියේ බලාගෙන හොරෙන් බොන්නේ (නි)

: 0 0

ඔබේ අදහස් එවන්න

දෙයියෝ සාක්කි

බයික් එක මාරුවී ඉහමොළ රත්වෙලා

2025 මැයි මස 06 261 0

යතුරු පැදියේ ගැට ගසා තිබූ පඬුරෙන් තමන්ගේ යතුරු පැදියත් වැටෙන්න ගිය අලි අමාරුවෙනුත් බේරුණු අයෙකු පිළිබඳව අපූරු කතාවක් බලපිටියෙන් අසන්නට ලැබේ.

හිතේ සහනයට අපූරු විසඳුමක්

2025 මැයි මස 05 570 1

තනිකඩ වියේ පසුවන ගුරු මාතාවක මිලදී ගත් මෝටර් රථයක් මානසික සුවය පතා ගත් සැණින් විකුණා දැමු පුවතකි. සිද්ධිය ඇසෙන්නේ මහවැලි ජනපද ගම්මානයට අයත් ප්‍රදේශයක

නෝනා අන්දන්න ගිහින් අමාරුවේ වැටිලා

2025 මැයි මස 03 181 0

ඉතා හදිසි රාජකාරියක් නිසා නෝනා යතුරු පැදියෙන් ගෙන යා නොහැකි යයි කියූ සැමියා තම හිතවතිය යතුරු පැදියේ දමාගෙන ගොස් අලි අමාරුවක වැටුණු කතාවක් ගාලු‍ දිසාව

උදවු කරන්න ගිහින්න නට්ටම් වෙලා

2025 මැයි මස 02 800 1

නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.

‘‘පොෂ්’’ වෙන්න ගිහින් පටිරෝල් වෙලා

2025 මැයි මස 01 885 0

මුහුදු මාළු ගැනීමට ගොස් අනුන්ට පේන්නට ප්‍රදර්ශනය කළ තම ‘‘මහන්තත්තකම”‍ බිංදුවට වැටුණු උඩඟු‍ කාන්තාවක පිළිබඳ අපූරු කතාවක් කැබිතිගොල්ලෑව සතිපොළ ප්‍ර

ලිස්සන ගහට සල්ලි නොදී ලිස්සා ගිහින්

2025 අප්‍රේල් මස 30 695 0

අලු‍ත් අවුරුදු උත්සවයක් සදහා ලිස්සන ගසේ නැගීමේ තරගය සඳහා අනුග්‍රාහක ත්‍යාග මුදලක් ලබා දීමට පොරොන්දු වී එයින් ලිස්සා යෑමේ පුවතක් මහනුවරට නුදුරු ප්‍රද