IMG-LOGO

2025 මැයි මස 06 වන අඟහරුවාදා


සොහොනේ යක්කු ගමේ යක්කු මට්ටු කරලා

වසර ගණනාවක් ගමේ අයට හයිරන් පෙන්වමින් ගමම බිය කරගෙන සිටි චණ්ඩියාට තරුණයන් තිදෙනෙකුගේ ක්‍රියාවක් නිසා සතියක් පමණ කාලයක් උණ රෝගය වැලඳී කට්ටඩියකුගේ ඇප නූලක් බැඳීමෙන් පසු සුවය ලැබීමේ සිදුවීමක් හසලකට නුදුරු ගම්මානයකින් වාර්තා විය.


මත් වතුරට ගිජුකමක් දක්වන හැටපස් වියේ පසුවන මොහු ගමේ ප්‍රධාන චණ්ඩියා මෙන්ම ප්‍රසිද්ධ සමාජ සේවකයෙකි. මඟුලක දී අවමඟුලක දී මෙන්ම ගමේ පොදු වැඩක දී කැපී පෙනෙන චරිතයකි. ඒ හැම තැනකදීම තමන්ට මූලාසනය හෝ ගුණ කථනයක් මොහුට නොලැබුණහොත් සිදු වන්නේ මහා විපතකි.


එදින හවස මත් වතුරෙන් පදම්වන මොහු ගමේ හංදියට පැමිණ තමන්ට කතාවක් නොදුන් සංවිධායකට සංවිධායක මණ්ඩලයට ලුණු ඇඹුල් ඇතිව දෙහි කපන්නේය.


වසර තිහ හතළිහක පමණ කාලයක සිට මොහු විසින් කරගෙන එනු ලබන මෙම ක්‍රියාව ගමේ කොල්ලන්ට මෙන්ම අනෙක් අයටද මහත් හිසරදයකි. එමනිසා ඔහුට හොඳ පාඩමක් උගන්වා මෙයට තිත තැබීමට තරුණයෝ තිදෙනෙක් කතිකා කර ගත්හ.


ඔහු මෙදින අසල ගමක පැවති අවමංගල්‍යයකට සහභාගිවී පදමට රත්වී ගීතයක් මුමුණමින් පා ගමනින් රාත්‍රී 12ට පමණ සිය නිවස බලා විදුලිපන්දමද රැගෙන ගමන් කරමින් සිටියේ තනිවමය. මොහුගේ නිවස බලා ගමන් කළ යුත්තේ ගමේ පොදු සුසාන භූමිය හරහාය. සුසාන භූමිය අසලට පැමිණෙනවාත් සමඟම ඔහුගේ අත තිබූ විදුලි පන්දම කිසියම් අයෙක් විසින් පැහැරගෙන ක්ෂණයකින් එය නිවී ගියේය.


සිදුවූ හදිසි සිද්ධියෙන් වික්ෂිතභාවයට පත් ඔහු වටපිට බැලුවේ ‘කවදාකවත් නැතිව මේ මොකද වුණේ’ කියා ය. ගතවූයේ තවත් විනාඩි කිපයකි. එක්වරම ඇඟට වැදුණු වේවැල් පාරකින් මුළු ඇඟම වේවුලුම්කා ගියේය.


“මම මේ සොහොන ලඟින් හැමදාම යන මිනිහනේ. යකෝ මේ මොකද අද මට වෙන්නේ’ සිදුවීම් අදහාගත නොහැකිය. තනිවම කල්පනා කරන්නට විය. පැවති බිය සමඟ කටහඬ අවදි විය.


‘‘යකෝ සොහොන්වල යක්කුන්ට මාව බය කරන්න බෑ. ඔයිට වඩා යක්කුත් එක්ක හැප්පුණු කෙනෙක් මං. මගේ ඔළුවට ඉහළින් කුරුල්ලෙකුවත් යන්නේනෑ. පුළුවන්නම් හැප්පිල බලමු’’. අවටින් නැගුණු හූ හඬත් සමඟම ඇඟපුරා හැලුනේ වතුර බාල්දියකි. “අම්මෝ මව බේරා ගනියෝ. මට සොහොන් යකා ගැහුවෝ.” යැයි කියමින් කෑගසමින් ඔහු එතනම ඇද වැටුණේය.


වහා ක්‍රියාත්මකවූ තරුණයන් තිදෙනා ඔහු ළගට පැමිණ “මොකද මාමේ මේ බිම වැටිලා කෑ ගහන්නේ” යැයි විමසුවිට විවිධ දේ කියමින් කෑ ගසමින් ඔහු දොඩවන්නට විය. පසුව ඔවුන් මාමා ඔසවාගෙන ඔහුගේ නිවසට රැගෙන යන විටත් මුළු ඇඟම දහදියෙන් තෙමි තිබිණි.
නිවැසියන්ට පැවසුවේ ‘‘මාමා සොහොන ළඟ වැටිලා සිටියා. අපි අරගෙන ආවා’’ කියාය.


ඔහුගේ තත්ත්වය හොඳ නොවූයෙන් එම තරුණයෝ ගමේ කට්ටඩි මහතා රැගෙන ඒමට කටයුතු කළහ. ඒ වෙනවිටත් මෙම සිද්ධිය ආරංචි වී අසල්වැසියෝද නිවසට පැමිණියහ.


පසුදින වනවිට උණ රෝගය වැළඳී තත්ත්වය තවත් උත්සන්න වී තිබුණු අතර විවිධ දෑ කියමින් දොඩවනවා හැර පැමිණෙන අය හෝ අසන කියන දෙයක් සම්බන්ධයෙන් ඔහුට තේරුමක් නැත. දින කිපයක් මෙසේ ගත විය. එදින රාත්‍රියේ ගමේ පිරිත් කණ්ඩායම පැමිණ පැයක පමණ කාලයක් පිරිත් සඡ්ජායනයක යෙදුණු අතර, ඉන්පසුව ඔහුගේ තත්වය සුව අතට හැරුණි.


දින කීපයකින් ගමේ කටකතාවකින් පැතිර ගියේ මාමාට හොල්මනක් පහරදී නැති බවත් නම් සඳහන් නොවුණු තරුණයන් කීපදෙනෙකු විසින් මොහු මෙතෙක් කරගෙන ආ අශෝභන ක්‍රියාවට විරෝධය දැක්වීමට මෙසේ ක්‍රියාකර ඇති බවකි. එම පුවත ද මාමාගේ මෙන්ම පවුලේ අයගේ කනට වැටුණි. එතැන් පටන් මාමා පොදු වැඩවලදී නායකත්වය ගෙන කටයුතු කළත් මෙතෙක් ක්‍රියාත්මක කළ අශෝබන වැඩට තිත තැබිණි.

 

හසලක සුනිල් ඒකනායක



අදහස් (0)

සොහොනේ යක්කු ගමේ යක්කු මට්ටු කරලා

ඔබේ අදහස් එවන්න

 

 
 

දෙයියෝ සාක්කි

හිතේ සහනයට අපූරු විසඳුමක්
2025 මැයි මස 05 397 0

තනිකඩ වියේ පසුවන ගුරු මාතාවක මිලදී ගත් මෝටර් රථයක් මානසික සුවය පතා ගත් සැණින් විකුණා දැමු පුවතකි. සිද්ධිය ඇසෙන්නේ මහවැලි ජනපද ගම්මානයට අයත් ප්‍රදේශයක


උදවු කරන්න ගිහින්න නට්ටම් වෙලා
2025 මැයි මස 02 776 1

නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.


‘‘පොෂ්’’ වෙන්න ගිහින් පටිරෝල් වෙලා
2025 මැයි මස 01 864 0

මුහුදු මාළු ගැනීමට ගොස් අනුන්ට පේන්නට ප්‍රදර්ශනය කළ තම ‘‘මහන්තත්තකම”‍ බිංදුවට වැටුණු උඩඟු‍ කාන්තාවක පිළිබඳ අපූරු කතාවක් කැබිතිගොල්ලෑව සතිපොළ ප්‍ර


ලිස්සන ගහට සල්ලි නොදී ලිස්සා ගිහින්
2025 අප්‍රේල් මස 30 684 0

අලු‍ත් අවුරුදු උත්සවයක් සදහා ලිස්සන ගසේ නැගීමේ තරගය සඳහා අනුග්‍රාහක ත්‍යාග මුදලක් ලබා දීමට පොරොන්දු වී එයින් ලිස්සා යෑමේ පුවතක් මහනුවරට නුදුරු ප්‍රද


ඉඟිය වැරදී අවුරුදු උළෙලේ ජරමරයක්
2025 අප්‍රේල් මස 29 1259 0

සැඟවුණු අමුත්තා සැඟවී සිටින තැන් සැඟවුණු භාෂාවෙන් නිවේදකයා යකඩ කටින් කියද්දී අවුරුදු උත්සවය නරඹන්නන්ට සැඟවී සිටීමට සිදුවූ අපූරු ගාලු‍ දිසාවේ ගමකින


යතුරු මාරු වී ජංජාලයක්
2025 අප්‍රේල් මස 28 731 0

අවුරුද්දට මුල් නිවසට පැමිණි දරුවන් දෙදෙනකුට තම නිවෙස්වල යතුරු මාරු කරගෙන යාම නිසා සිදු වූ අලකලංචියක් පිළිබඳව පුවතක් දකුණ හා රජරට පළාත් අතරින් අසන්නට


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 722 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 188 0
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1227 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site