ගාල්ල දිස්ත්‍රික්කයේ කෙළවර පිහිටි තේ වත්තක වතු නිවාසයක පදිංචිවි සිටි ඇය 51හැවිරිදි වියේ පසුවූවාය. ඇයගේ සැමියා මේ දිනවල රාත්‍රි කාලයේ කෝවිලේ පූජාවකට  යන නිසා නිවසේ  සිටියේ  දස හැවිරිදි දරුවා සහ ඇය පමණි.

මේ අතර ඉකුත් සිකුරාදා රාත්‍රියේ ද ඇයගේ සැමියා පූජාවට කෝවිලට ගියේය. ඇය නිවසටවි විදුලි පහන් නිවා දමා ඇඳට වැටුනාය. ටික වේලාවකදී කළුවරේම ඇයගේ ඇඳට පුද්ගලයකු ගොඩවුණේය. ඇය සිතුවේ සැමියා පූජාව අවසන්ව පැමිණ ඇති බවය.

වෙනදාට වඩා සැමියාගේ හැසිරීමේ වෙනසක් ඇයට දැනුනත් සැමියා නිසා ඇය ඒ සියල්ලම ඉවසාගෙන සිටියාය. ටික වේලාවකදී ඇය ඇ‍‍ඳෙන් බැස විදුලි පහන් දැල්වූයේ ඇඳට නැංගේ අවතාරයක්දැයි දැන ගැනීමටය. ඇයට දෙවියන් සිහි වුණේ එවිටය. ඇය සැමියා යයි සිතා මෙතෙක් වේලා සිට ඇත්තේ යාබද වතු නිවාසයක පදිංචි පුද්ගලයකු සමගය.  ඒ සමගම එම පුද්ගලයා ද නිවසින් පිටව දිව ගියේය.

පසුදින උදෑසන ඇය මෙම සිද්ධිය අසල්වාසීන්ට කීවාය. ඒ අතර සැමියාද ආවේය. සියල්ලන්ගේම ඉල්ලීම පරිදි ඇය පොලිසියට ගියාය. පොලිසිය පරීක්ෂණ ආරම්භ කළේය. සැකකරු 50 හැවිරිදි යාබද වතු නිවසක පදිංචි තිදරු පියකු බවත් ඔහුගේ දරුවන් දෙදෙනකු විවාහවී ඇති බවත් බිරිඳ විදේශ ගතව සිටින බවත් පරීක්ෂණවලදී අනාවරණය විය.

පොලිසිය නිවසට යනවිට ඔහු පලා ගොසිනි. මේ පිළිබඳව ගාල්ල මහේස්ත්‍රාත් අධිකරණයට කරුණු වාර්තා කිරීමට නියමිතව තිබෙන අතර සැකකරු අත්අඩංගුවට ගැනීම සඳහා පොලිසිය පරීක්ෂණ පවත්වයි.

උණවටුන ඩී.ජී. සුගතපාල