IMG-LOGO

ලොකුවට උපහාර උ​ෙළලක් තියා නූඩ්ල්ස් පැකට්ටුවක් තෑගි දීලා

(කරන්දෙණිය එම්. සුසිල් ප්‍රියන්ත) 
පළාත් පාලන ආයතනයක කැළි කසළ අංශයේ සේවකයකුගේ විශ්‍රාම යාම නිමිත්තෙන් උපහාර තිළිණයක් ලෙස ඉතා අලංකාරවත් ලෙස සැරසූ විශාල පෙට්ටියක දමා රුපියල් හැටක් වටිනා ක්ෂණික නූඩ්ල්ස් පැකට් දී නාගත් ප්‍රාදේශීය මහජන නියෝජිතයකු පිළිබඳ අපූරු පුවතක් දකුණෙන් වාර්තා වේ. 


තමා සමාජ සත්කාරක සේවාවල නිරත වන බව හේ සමාජ ජාල ඔස්සේ නිතර නිතර පුවත් මැව්වේය. වැඩිමනත් ඔහු පුවත් මැව්වේ කාගේවත් අවධානයට යොමු නොවූ පිරිස්වලට උපහාර සේවාවල නිරතවන බව පෙන්වමිනි. නගරයේ කැළි කසළ සේවාවල නිරතව විශ්‍රාම යන අය වෙනුවෙන් උපහාර පිදීම මේ අතර ප්‍රධාන තැනක් හිමි වී තිබිණ. 


එදා ඔහුගේ උපහාරයට බඳුන් වූයේ වසර විසි පහකටත් වඩා නගරයේ කැළි කසළ ඉවත් කර විශ්‍රාම ගිය ඉතාම අහිංසක කම්කරුවෙකි. මේ අවස්ථාවට එම කම්කරුවා සේවය කළ අංශයේ මහජන සෞඛ්‍ය පරික්ෂකවරයාට ද ආරාධනා ලැබ තිබුණේය. මෙය සුවිශේෂී වූ උපහාර උළෙලක් නිසා ඔහු ද එයට සහභාගී වී සිටියේය. 


මේ මහජන නියෝජිතයා කම්කරුවාගේ සේවය අගයා ලොකු කතාවක් කොට ඔහුට උපහාර ලෙස තිළිණයක් ද ප්‍රදානය කළේය. එය ඉතා අලංකාර ලෙස සැරසු විශාල පෙට්ටියකි. 


බොහෝ අය සිතුවේ එය ඔහු වෙනුවෙන් කළ සේවාව වෙනුවෙන් ලොකු වටිනාකමක් ඇති තිළිණයක් කියාය. ස්තූති කතාවකින් පසු උපහාර උත්සවය නිමා විය. 


ඒ සැණින් සමාජ මාධ්‍ය ජාල ඔස්සේ මේ අපූරු උපහාර උත්සවය පිළිබඳ පුවත් ප්‍රචාරය විය. එයට ආ ප්‍රතිචාර සංඛ්‍යාවද විශාලය. ඉන් බොහෝමයක් ඔහු කළ මේ ක්‍රියාව අගයා ය. 


ඊට පසු දින උපහාර ලැබූ කම්කරුවා මහජන සෞඛ්‍ය පරීක්ෂකවරයා හමුවීමට පැමිණියේ රුපියල් හැටක් වටිනා ක්ෂණික නූඩ්ල්ස් පැකට් එකක් අතින් අරගෙනය. මේ තමාට ඊයේ උපහාර ලෙස ලැබූ ත්‍යාගය ලෙස ඔහු මහජන සෞඛ්‍ය පරීක්ෂකවරයාට පෙන්නුවේ තවත් පිරිසක් අභියසදීය. මේ අහිංසකයන් විකුණා සමාජ මාධ්‍ය ජාලයෙන්  පිම්බීමට උත්සාහ දරන මෙවැනි මහජන නියෝජිතයන් ගැන මහජන සෞඛ්‍ය පරීක්ෂකවරයාට ඇති වූයේ කියන්න බැරි තරම් කනගාටුවකි, කෝපයකි. 


සමාජ මාධ්‍ය ජාලය ඔස්සේම ඔහුගේ මේ උපහාර උළෙලේ දී අහිංසක කම්කරුවට ලබා දුන් තිළිණය ගැන ද ගියේය. එහි ප්‍රතිඵලයක් ලෙස සමාජ මාධ්‍ය ජාලය ඔස්සේ ඔහුට හොඳ කියූ අයම ඔහුගේ ලෙලි ඇර තිබුණේ මේ පිළිබඳව සැම දෙනාම දැනුම්වත් කරවමිනි. 

 



අදහස් (1)

ලොකුවට උපහාර උ​ෙළලක් තියා නූඩ්ල්ස් පැකට්ටුවක් තෑගි දීලා

gamini wasantha Friday, 07 May 2021 07:04 AM

ඔය වගේ අහිංසක මිනිසුන් මුලාකරන කාලකණ්ණින්ට ඔක්කොම ඉස්සරහ කුණු බිත්තර ගහලා එළවන්න ඕනෑ...

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 235 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 758 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1180 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site