(වතුපිටිවල එස්.යූ.ඩබ්ලිව්.කේ. ජයවර්ධන)
හතළිස් තුන් හැවිරිදි එක්දරු මවක හා පෙමින් වෙලී ඇති විසිඅට හැවිරිදි තරුණ විවාහකයකු රාත්‍රී කාලයේ තම පෙම්වතිය හමුවීමට සිය යතුරු පැදියෙන් ඇයගේ නිවසට ගොස් සිටිය දී බලාපොරොත්තු නොවූ සිද්ධියක් නිසා යතුරු පැදිය ද පෙම්වතියගේ ගෙමිදුලේ දමා පණ බේරාගෙන නි​ෙවසේ පෑල දොරින් කළුවරේම පලාගොස් ඇති සිද්ධියක් අත්තනගල්ල සහකාර පොලිස් අධිකාරි කාර්යාල බල ප්‍රදේශයේ පිහිටි පොලිසියකින් වාර්තා වේ.

වාර්තාවන ආකාරයට සිද්ධිය මෙසේය.

මැදිවියේ පසුවන රූමත් කාන්තාවක් වන එක්දරු මව තම ප්‍රදේශයේ පිහිටි ඇඟලුම් කම්හලක සේවිකාවකි. 28 හැවිරිදි තරුණ විවාහකයා ද එම ඇඟලුම් ආයතනයේම සේවකයකු ලෙස කටයුතු කරන්නෙකි.

ඇඟලුම් සේවකයා දුර බැහැර ප්‍රදේශයකින් පැමිණ ඇඟලුම් ආයතනය ආසන්නයේ නේවාසිකව සිටිමින් රැකියාවට යන එන අයකු බව ද පොලිසිය කියයි. 

මෙම 28 හැවිරිදි ඇඟලුම් සේවකයා හා හතළිස් තුන් හැවිරිදි ඇඟලුම් සේවිකාව අතර පෙම් සබැඳියාවක් ඇඟලුම් ආයතනයේදී ඇතිවී ඇති බවද පොලිසිය වැඩිදුරටත් කියයි.

ඇඟලුම් සේවිකාවගේ සැමියා රාත්‍රී කාලයේ නි​ෙවසට නොඑන බව පවසා දුර බැහැර ගමනක් ගොස් සිටිය දී ඇඟලුම් සේවිකාවගේ ඇරයුම මත ඇඟලුම් කම්හල් සේවකයා සිය යතුරු පැදියෙන් රාත්‍රී කාලයේ තම අනියම් පෙම්වතියගේ නිවසට ගොස් ඇත.

තම පෙම්වතා නි​ෙවසට පැමිණි පසු ඇඟලුම් සේවිකාව වැඩි ආරක්ෂාව සඳහා නි​ෙවසේ ඉදිරිපස දොර අගුල දමා වසා දමා ඇති බව ද පොලිස් නිලධාරීහු පවසති.

රාත්‍රී කාලයේ ආපසු නි​ෙවසට නොඑන බව පවසා නි​ෙවසින් බැහැරට ගොස් ඇති ඇඟලුම් සේවිකාවගේ සැමියා ඇඟලුම් සේවිකාව කිසිසේත්ම බලාපොරොත්තු නොවූ පරිදි රාත්‍රී කාලයේ නි​ෙවසට පැමිණ ඇති බව ද පොලිසිය පවසයි.

තම ගෙමිදුලේ යතුරු පැදියක් නවතා තිබෙනු දැක ඇති ගෙහිමියා වහා නි​ෙවසේ ඉදිරිපස දොර අසලට ගොස් දොරට කිහිප වරක් තට්ටු කර තම බිරියට කථා කිරීමේ දී විනාඩි දෙක තුනකට පසුව ඇඟලුම් සේවිකාව දොර විවෘත කර ඇති බව පොලිස් විමර්ශනවල දී හෙළිවී තිබේ.

ගෙමිදුලේ නවතා ඇති යතුරු පැදිය පිළිබඳව සැමියා තම බිරියගෙන් විමසීමේ දී එය ආපදාවකට ලක්ව දන්නා හඳුනන අයකු ගෙමිදුලේ නවතා ගිය බව බිරිය පවසා ඇතැයි පොලිසිය කියයි.

සිදුවී ඇත්තේ කුමක්ද යන්න වටහාගෙන ඇති ගෙහිමියා අංක 119 පොලිස් හදිසි ඇමතුම් අංකයට දුරකතනයෙන් වහා කථාකර අයිතිකරුවකු නොමැති යතුරු පැදියක් තම ගෙමිදුලේ ඇතැයි දැනුම් දී එදින රාත්‍රියේම ප්‍රදේශයේ පොලිසියට ගොස් සිද්ධිය පැමිණිලි කර ඇත.

යතුරු පැදිය පිළිබඳව කරන ලද දැනුම් දීමකට අනුව පොලිස් ජංගම රථයක් රාත්‍රී කාලයේම එම නි​ෙවසට ගොස් යතුරු පැදිය එම රථයේ පටවාගෙන පොලිසියට රැගෙන ගොස් ඇති අතර, යතුරු පැදියේ හිමිකරු නි​ෙවස තුළ සිට නිවසේ පෑල දොරින් කලුවරේම පණ බේරාගෙන පලාගොස් ඇති බව සිද්ධිය විභාග කිරීමේ දී හෙළි වූ බවද පොලිසිය කියයි.

ගෙහිමියා දැන් තම බිරිය අතහැර වෙනත් නිවසක පදිංචිව සිටින බව ද පැවසෙයි.