පෝලිමෙන් පිට තෙල් ගහන්න කොට්ටයක් බඩේ බැඳගෙන ඇවිත්

බිංගිරිය වික්ටර් සෝමවීර

යතුරු පැදියකට ඉන්ධන ලබා ගැනීමට ගැබිනි මවක ලෙස පෙනී සිටිමින් පසුගිය දිනෙක බඩට කොට්ටයක් බැඳගෙන පැමිණි කාන්තාවක් පිළිබඳ පුවතක් බිංගිරිය ප්‍රදේශයේ ඉන්ධන පිරවුම් හලකින් වාර්තාවේ.

වාහනවල ඉදිරි පසින් හා පසුපසින් සවිකර ඇති අංක තහඩුවේ අවසන් ඉලක්කමට අනුව ඉන්ධන ලබාගැනීමට පසුගිය සතියේ බිංගිරිය සමුපකාර ඉන්ධන පිරවුම් හල අසල හලාවත - කුරුණෑගල මාර්ගයේ දිගු රථ වාහන පෝලිමක් තිබුණි.

මීට අමතරව යතුරුපැදි පෝලිමක් මාර්ගයේ අනෙක් පසින් වූ අතර පෝලිම නිසි පරිදි හැසිරවීම සඳහා පොලිස් නිලධාරින් කණ්ඩායමක් ද යොදවනු ලැබ සිටියහ.

බිංගිරිය රෝහලේ මෙන්ම සෞඛ්‍ය වෛද්‍ය නිලධාරි කාර්යාලයේ සේවක සේවිකාවන්ට හා ගැබිනි මවුවරුන්ට හා කුඩා දරුවන් යතුරු පැදිවල නංවාගෙන සිටින කාන්තාවන්ට පෝලිමෙන් පිට ඉන්ධන ලබාගැනීම සඳහා අවසර ලබා දී තිබුණේ ඔවුන් අපහසුතාවකට පත්වීම වැළැක්වීමේ පියවරක් වශයෙනි.

මෙම අවස්ථාව ප්‍රයෝජනයට ගත් එක් කාන්තාවක් නිවසේ සිටි අයගේ ද උදව් උපකාර ඇතිව බඩට කොට්ටයක් තබා බැඳගෙන යතුරුපැදියක නැගී ඉන්ධන ලබාගැනීමට ඉන්ධන පිරවුම් හලට ආවාය. පෙනුමෙන් ඇය ගැබිනි මවක නිසා ඉන්දන පොම්පය අසලට යාමට පොලිසියෙන් ද අවසර ලැබුණි.

ඉන්ධන පිරවුම් හලෙන් නිකුත් කරන ලද ඉන්ධන ප්‍රමාණය ලබාගත් එම කාන්තාව ප්‍රධාන මාර්ගය වෙත පිවිස සිය නිවෙසට යාමට යතුරු පැදිය හැරවීමට උත්සාහ කරද්දී එක් වරම බඩෙන් කොට්ටය ගැලවී බිමට වැටුණි.

සිද්ධිය දුටු පොලිස් නිලධාරීහු කීප දෙනෙක් එතැනට පැමිණ මින් මතුවට මෙවැනි ක්‍රියා සිදු නොකරන ලෙස තරයේ අවවාද කොට කොට්ටය ද රැගෙන යන ලෙස දැනුම් දුන්හ. මෙයින් ලැජ්ජාවට පත්වූ කාන්තාව කොට්ටය ද අහුලාගෙන රථ වාහන මැදින් යතුරුපැදිය පණ ගන්වාගෙන ඉක්මනින්ම පිටත්ව ගියාය.

පෝලිමෙන් පිට තෙල් ගහන්න කොට්ටයක් බඩේ බැඳගෙන ඇවිත්

අදහස් (0)

පෝලිමෙන් පිට තෙල් ගහන්න කොට්ටයක් බඩේ බැඳගෙන ඇවිත්

ඔබේ අදහස් එවන්න

වැඩි දෙනා කියවූ පුවත්

උඩුකය නිරුවත් කර පාරේ ගිය විදෙස් කත පොලිස් බාරයට

‘‘රජයේ තීරණය වෙනස් නොකළහොත් දැඩි තීරණයක් ගන්නවා‘‘

අශ්වගන්ධ තෙලේ පිහිට පැතූ උතුරු මැද හිටපු දේශපාලන ලොක්කා

සජබෙ මුල් පුටු පෙරළෙයි?

‘‘අනුර මිටරය‘‘ ජනගත කරයි

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

පාසල් දරුවන්ට හිස්වැසුම් බෙදා දීම

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

Our Group Site