(හිඟුරානේ - නවරත්න සමරතුංග)
සේවය නිමකොට සවස නිවෙසට යාමට සූදානම් වූ කාර්මිකයෙක් එදින උදෑසන ආරක්ෂිත ස්ථානයක නතර කරගිය යතුරුපැදියට නැගීමට යද්දී එම ආයතනයේ ගේට්ටුව වසා තිබුණ බැවින් විශාල ඉලූක් කැලෑවක මීටර් සිීයක් පමණ පාරක් තනාගෙන නිවෙසට ගිය සිද්ධියක් එක්තරා ප‍්‍රසිද්ධ නගරයකින් වාර්තාවේ.

සිද්ධිය මෙසේය.
ඔහු සේවය කරන ස්ථානයට යාබදව තිබුණේ රජරට අනුබද්ධ ආයතනයකි. එහි අංගණයට ඇතුළුවීමට ගේට්ටුවක් ඇති අතර, එය විවෘතකර තිබිණ. සිරිත් පරිදි එම භූමියේ තම යතුරු පැදිය නතරකළ කාර්මිකයා සවසට යතුරු පැදියේ නැග නිවෙසට ගියේය.

එතෙක් සිද්ධියවූ දින ඔහුට වැඩ අධික වූයෙන් රාත‍්‍රි 7.00ට පමණ වැඩ නිමවී නිවෙසට යාමට යතුරුපැදිය නවතා තිබූ ස්ථානයට යනවිට එහි ගේට්ටුව වසා තිබිණ.

අන්ද මන්ද වූ හෙතෙම ඒමේ අත බලා කිසිවකුට හෝ නොපෙනෙන්නට ගේට්ටුව උඩින් පැනගත්තේය. එහි පිටුපස එක් ප‍්‍රදේශයක ඇත්තේ ඉලූක්ගාලකි. අනෙක්පස ඇත්තේ රාජ්‍ය බැංකුවකි. එහි ආරක්ෂක නිලධාරින්ද සිටින බැවින් වෙල්යායක් අද්දරින් ඇති ඉලූක්ගාල හරහා යාමට ඔහු තීරණය කළේය.
ඉලූක් ගාල දෙපසට කරමින් පැයක් පමණ පාරක් සකස්කර එය මැදින් යතුරුපැදිය තල්ලූකළ කාර්මිකයා දහඩිය පෙරාගෙන ප‍්‍රධාන මාර්ගයට පිවිසියා පමණය.

එතැනට පැමිණි ඔහුගේ මිතුරෙකු මේ මොකදැයි විමසීය. ගේට්ටුව වහලා මාර කට්ටක්නේ කෑවේ. කාර්මිකයා කීය. කට්ටක් නම් කෑවට කමක් නෑ.

පොලොංගු නොකෑ එකමයි පුදුමය යැයි කියද්දී කාර්මිකයා යතුරුපැදිය පණගන්වාගෙන එතැනින් ඉගිළ ගියේය.