හිඟුරානේ නවරත්න සමරතුංග
ඩීසල් බූලියක් වතුර බූලියක් බවට පත්වීමේ රහසක් හෙළිවී ඇති නමුත් ඩීසල් හොරා ගැන මෙතෙක් හෙළි වී නැති සිද්ධියක් අම්පාරේ ගමකින් වාර්තාවේ.
සිද්ධිය මෙසේය.
ඔහු නගරයේ ඉන්ධන පෝලිමට එක්ව සිට දින තුනකට පසුව මිලදීගත් ඩීසල් බූලිය තම යතුරු පැදියේ පසුපස අසුනේ තබාගෙන නිවෙස බලා යමින් සිටියේය.
ඒ අතර තුර හිතවත් කාන්තාවක ඔහුට මුණගැසිණි.
අම්පාර නගරයට යාමට බසය මගහැරී අතුරු මාවතක් ඔස්සේ පැමිණි ඇය ප්රධාන මාර්ගය අයිනේ නතරවී සිටියදී මෙම හමුව සිදුවීය.
‘මම ඔයා ටවුමට ගිහින්දාලා එන්නම්‘ කී ඔහු ඩීසල් බූලිය ඒ අසල නිවසක තබා යාමට තීරණය කොට එම නිවෙසට ගියේය.
එම නිවෙසේ කිසිවකු හෝ නොසිටි අතර ඩීසල් බූලිය ගෙයි පිටුපස සඟවා තබා මිතුරිය සමඟ නගරයට යාමට ඔහු තීරණය කළේය.
එසේ යන අතර තුර හිත මිතුරුකම දිග දුර ගොස් ඇයට ඕනෑකළ දෙතුන්පළකට කැඳවාගෙන ගියේය. ඇයත් සමඟම පැය තුනකට ආසන්න කාලයක් ගත කිරීමට ඔහුට සිදුවූයේ ඇගේ ළෙන්ගතුකම මැද්දේය.
එසේම ඔහු ආපසු ඇය සමග පැමිණ ඇයගේ නිවෙසටම ඇරලවීමටද කටයුතු කළේය. ඉන්පසු ඔහු ඩීසල් බූලිය ද යතුරු පැදියේ තබාගෙන තම නිවෙසට ගියේය.
වෙනදා මෙන් කතාබහක් නැතිව බිරිඳ මුහුණ නරක් කරගෙන කෝපයෙන් සිටිනු ඔහු දුටුවේය.
‘මොකද ඔයා නිකම් ඔරොප්පුවෙන් වාගේ? ‘ ඔහු ප්රශ්න කරන්න වූයේ කිසිම දෙයක් සිතාගත නොහැකිවය.
ගිනිකන්ද පුපුරාගියේ එවිටය.
‘හ්ම්! ඔරොප්පු නෙවී පුළුවන්ද? තමුසෙට ලැජ්ජාවක් නැද්ද මිනිස්සු නැති සක්කරවට්ටමක් බයිසිකලේ පිටි පස්සේ තියාගෙන රවුම් ගහන්න, චිහ් විතරක්!‘
බිරිය ආවේශය දැක ගොළු වූ සැමියා බිරියගේ කතාවට ඉඩදී තුෂ්නිම්භූත වෙමින් තමන් කතක් සමග රවුම් ගැසූ සිද්ධිය කවුරුන් හෝ බිරියට පවසා ඇති බව සිතමින් නිහඬ විය.
එම සිද්ධියෙන් පසු දින ගොයම් කපන දිනය විය.
ඔහු කුඹුරට ගෙනගිය ඩීසල් බූලියේ මූඩිය ඇර බලද්දී එය වතුර බූලියක් බවට පත්ව තිබෙනු දුටු ඔහුට තරු විසිවී ඉහමොළ රත්විය.
ඒ අසල සිටි ට්රැක්ටර් රථයේ රියැදුරාට කතා කළ ඔහු මේ ගැන කිසිවකුට හෝ හෙළිදරව් නොකරන ලෙස බැගෑපත්වී ඇත. එහෙත් ඩීසල් බූලිය වතුර බූලියක් බවට පත්වීමේ රහස මේ වන විට හෙළිවී ඇති නමුත් ඩීසල් වතුර බවට පත්කළ හොරා ගැන තවමත් හෙළි වී නැත.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කතක් එක්ක කරක් ගසා එද්දී ඩීසල් බූලිය වතුර වෙලා